ក្រសួងសុខាភិបាល នៅព្រឹកថ្ងៃច័ន្ទសប្តាហ៍នេះបានព្រមានជាថ្មីឲ្យបញ្ឈប់ការប្រើប្រាស់ឱសថ Digest Gold គ្មានលេខបញ្ជិកា និងការហាមឃាត់ការចែកចាយ ឬ លក់ឱសថខាងលើ ចាប់ពីថ្ងៃនេះតទៅ។
ប្រជាពលរដ្ឋមួយចំនួននៅរាជធានីភ្នំពេញត្អូញត្អែរពិបាកក្នុងការរកទិញថ្នាំព្យាបាលជំងឺកូវីដ-១៩ ពីក្រសួងសុខាភិបាល ខណៈតម្លៃឱសថក៏ឡើងថ្លៃជាលំដាប់។
ក្រុមពលរដ្ឋដែលសម្រុកទៅទិញថ្នាំព្យាបាលជំងឺកូវីដ-១៩ នៅក្រសួងប្រៃសណីយ៍មានជំនឿលើប្រសិទ្ធភាពថ្នាំរបស់ក្រសួងសុខាភិបាល ក៏ប៉ុន្តែពួកគាត់ពិបាករកទិញនៅកន្លែងផ្សេងដែលមិនទាន់មានការចុះបញ្ជិការបស់ក្រសួងត្រឹមត្រូវ។
មន្ត្រីជាន់ខ្ពស់ក្រសួងសុខាភិបាល អះអាងថា រដ្ឋាភិបាលមិនខ្វះបរិមាណឱសថសម្រាប់ផ្គត់ផ្គង់ការព្យាបាលជំងឺកូវីដ-១៩ ខណៈមានពាក្យចចាមអារ៉ាមថា កម្ពុជាអាចនឹងដាច់ស្តុកឱសថព្យាបាលជំងឺកូវីដ-១៩ ដោយសារតែអត្រាអ្នកឆ្លងកើនឡើង និងពលរដ្ឋខ្លះសម្រុកទិញទុក បើទោះមិនឆ្លងជំងឺនេះ។
ព្រោះតែធ្លាប់រងទុក្ខលំបាកដោយសារជំងឺរបេង ទើបក្រោយពេលដែលបានព្យាបាលជាសះស្បើយរួចមក អ្នកស្រី វ៉ាត លីដា បានស្ម័គ្រចិត្តធ្វើការងារជាមួយអង្គការក្នុងស្រុកមួយ ដើម្បីផ្សព្វផ្សាយអប់រំអ្នកភូមិនូវចំណេះដឹងស្ដីពីជំងឺរបេងជាបន្តបន្ទាប់ជិត១០ឆ្នាំមកហើយ។ រហូតមកដល់អំឡុងខែកក្កដា ឆ្នាំ២០២១ គាត់ត្រូវបានក្រុមការងារបោះឆ្នោតផ្ដល់សេចក្ដីទុកចិត្តឱ្យធ្វើជាប្រធានបណ្ដាញអ្នករងផលប៉ះពាល់ដោយសារជំងឺរបេងនៃអង្គការខាណា (KHANA) ប្រចាំនៅក្នុងស្រុកស្អាង ខេត្តកណ្ដាល។
សមត្ថកិច្ចរាជធានីភ្នំពេញ បានបន្តចាប់បង្ខំក្រុមកូដករក្រុមហ៊ុនណាហ្គាវើលដ៍ជិត៤០នាក់បន្ថែមទៀតបោះចូលក្នុងរថយន្តក្រុង ដឹកយកទៅដាក់នៅសមាគមនារីកម្ពុជាដើម្បីអភិវឌ្ឍន៍ ក្នុងខណ្ឌព្រែកព្នៅ រាជធានីភ្នំពេញ ដើម្បីធ្វើតេស្តរកវីរុសកូវីដ-១៩ ខណៈពួកគេបន្តចេញធ្វើកូដកម្មទៀត នៅរសៀលថ្ងៃអង្គារនេះ។
ក្រសួងសុខាភិបាល បានណែនាំដល់អាជ្ញាធររាជធានីខេត្តបង្កើនល្បឿននៃការចាក់វ៉ាក់សាំងកូវីដ-១៩ ដូសមូលដ្ឋាន ដូសទី៣ ឬដូសជំរុញ សម្រាប់គ្រប់ក្រុមអាយុចាប់ពី៣ឆ្នាំឡើង ក្នុងនោះបានជំរុញឱ្យបន្ថែមពេលវេលានៃការចាក់វ៉ាក់សាំងនៅថ្ងៃចុងសប្ដាហ៍និងថ្ងៃឈប់សម្រាក។
ក្រសួងសុខាភិបាល បានណែនាំអ្នកដែលមានវិជ្ជមានកូវីដ-១៩ ជាពិសេសប្រភេទបំប្លែងថ្មី «អូមីក្រុង» ថាកុំព្យាយាមព្យាបាលនៅផ្ទះ នៅពេលមានរោគសញ្ញាដូចជា ថប់ៗ ហត់ ឬពិបាកដកដង្ហើម ឬមិនមានការវិវត្តប្រសើរឡើងនៃស្ថានភាពសុខភាព ក្រោយពីព្យាបាលនៅផ្ទះបានមួយរយៈពេល។
កូដករណាហ្គាវើលដ៍ចំនួន៤នាក់គ្រោងចូលខ្លួនទៅបំភ្លឺនៅការិយាល័យប្រឆាំងភេរវកម្ម និងឧក្រិដ្ឋកម្មឆ្លងដែននៃស្នងការដ្ឋាននគរបាលរាជធានីភ្នំពេញ នារសៀលថ្ងៃសុក្រនេះ ក្រោយរងការចោទថា បានរារាំងដល់ការអនុវត្តវិធានការសុខាភិបាលប្រយុទ្ធនឹងជំងឺកូវីដ-១៩។
អាជ្ញាធររាជធានីភ្នំពេញ បានដាក់ចេញវិធានការមួយចំនួនទៅលើក្រុមកូដករណាហ្គាវើលដ៍ និងបានព្រមានចាត់វិធានការច្បាប់ទៅលើពួកគេក្នុងករណីមិនអនុវត្តតាម ក្រោយពីក្រសួងសុខាភិបាលរកឃើញមានឆ្លងជំងឺកូវីដ-១៩ បំប្លែងថ្មីប្រភេទ «អូមីក្រុង» ជាបន្តបន្ទាប់ក្នុងចំណោមកូដករដែលកំពុងធ្វើការតវ៉ា។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
