អាជ្ញាធរសង្កាត់ដង្កោ បានឱ្យដឹងថា យ៉ាងហោចណាស់ ផ្ទះពលរដ្ឋជាង១០០គ្រួសារ នៅភូមិបាគូ បានចាប់ផ្ដើមលិចលង់ដោយសារជំនន់ដែលមានប្រភពមកពីទឹកស្ទឹងព្រែកត្នោតហក់ឡើងខ្លាំង ស្របពេលមន្ត្រីជំនាញខេត្តកំពង់ស្ពឺ ក៏បានអះអាងពីផលប៉ះពាល់ផ្ទះសម្បែង និងដំណាំពលរដ្ឋដែលរស់នៅអមដងស្ទឹងនេះផងដែរ។
ក្រសួងធនធានទឹក និងឧតុនិយម បានព្យាករថា ខេត្ត-ក្រុងចំនួន១៤នៅតំបន់ទំនាបកណ្ដាល ជាប់ជួរភ្នំ និងតំបន់មាត់សមុទ្រ អាចនឹងមានជំនន់ទឹកភ្លៀង ដោយសារកម្ពុជានឹងទទួលរងឥទ្ធិពលជាបន្តបន្ទាប់ពីសម្ពាធទាប និងទ្រនុងសម្ពាធខ្ពស់ ពេញមួយសប្ដាហ៍ ចាប់ពីថ្ងៃទី២៧ ខែតុលា ដល់ថ្ងៃទី២ ខែវិច្ឆិកា។
អាជ្ញាធរបានឱ្យដឹងថា ជំនន់ទឹកភ្លៀងក្នុងខេត្តបាត់ដំបងចំនួន៣ថ្ងៃជាប់ៗគ្នាមកនេះ បណ្ដាលឱ្យប៉ះពាល់ស្រុក-ក្រុងចំនួន១៤ ក្នុងនោះបានប៉ះពាល់ដល់ផ្ទះសម្បែងប្រជាពលរដ្ឋជាង២ ៤០០ខ្នង ដំណាំស្រូវនិងដំណាំផ្សេងទៀតមានចំនួនជាង១ ៥០០ហិកតា រួមទាំងហេដ្ឋារចនាសម្ព័ន្ធមួយចំនួនទៀត។
ពលរដ្ឋចំនួន១០គ្រួសារនៅសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ កំពុងស្វែងរកអន្តរាគមន៍ពីអាជ្ញាធរពាក់ព័ន្ធ ដោយអះអាងថា ផ្ទះរបស់ពួកគាត់លិចដោយទឹកភ្លៀងជាងកន្លះខែមកហើយ ក្រោយពីអាជ្ញាធរចាក់ដីលុបព្រែកដែលជាផ្លូវទឹកមួយកន្លែងនៅក្បែរនោះ។
អាជ្ញាធរខេត្តដែលជាប់រាជធានីភ្នំពេញ កំពុងចាត់វិធានការចាក់ដីតាមព្រំប្រទល់ទប់ស្កាត់ប្រព័ន្ធទឹកដែលអាចហូរចេញពីស្ទឹងព្រែកត្នោត បើសិនមានភ្លៀងធ្លាក់ខ្លាំង និងតាមដានស្ថានភាពអាកាសធាតុ ដើម្បីត្រៀមជាមុនក្នុងការទប់ស្កាត់ការជន់លិចតំបន់ខ្លះក្នុងខេត្តរបស់ខ្លួនដោយសារជំនន់ទឹកភ្លៀង។
ក្រសួងធនធានទឹក និងឧតុនិយម អំពាវនាវឱ្យប្រុងប្រយ័ត្នពីកត្តាអាកាសធាតុដែលនឹងចូលមកដល់នៅសប្ដាហ៍ក្រោយនេះ ដោយសារតែកម្ពុជារងឥទ្ធិពលព្យុះ បង្កឱ្យរាជធានី-ខេត្តចំនួន១២ប្រឈមនឹងជំនន់ទឹកភ្លៀង ក្នុងនោះមានទាំងរាជធានីភ្នំពេញផងដែរ និងខេត្តខ្លះទៀតជួបបញ្ហាខ្យល់កន្ទ្រាក់។
បន្ទាប់ពីគ្រោះទឹកជំនន់បានវាយលុកទីក្រុងបាងកក ប្រទេសថៃ ដែលបណ្ដាលឱ្យកម្ពស់ទឹកឡើងដល់មួយម៉ែត្រ បន្ទាប់ពីមានភ្លៀងធ្លាក់អស់រយៈពេលជាច្រើនម៉ោង នាយករដ្ឋមន្រ្តី និងជារដ្ឋមន្ត្រីក្រសួងការពារជាតិថៃ លោក ប្រាយុទ្ធ ចាន់អូចា បានបញ្ជាឱ្យមានការដាក់ពង្រាយម៉ាស៊ីនបូមទឹក ដើម្បីរំដោះទឹកចេញពីប្រឡាយនានានៅក្នុងទីក្រុង ក៏ដូចជាការប្រមូលយកកាកសំណល់និងស្មៅចេញ ដើម្បីធ្វើឱ្យប្រឡាយបង្ហូរទឹកមានភាពប្រសើរឡើងវិញផងដែរ។
រដ្ឋាភិបាលបានបន្តកាត់ដីផ្ទៃបឹងតាមោកជាង១០០ហិកតាបន្ថែមទៀត ដើម្បីប្រគល់ឱ្យទៅក្រសួងមហាផ្ទៃ និងវិស័យឯកជនធ្វើជាកម្មសិទ្ធិផ្ទាល់ ខណៈផ្ទៃបឹងធម្មជាតិមួយនេះត្រូវបានកាត់ឱ្យស្ថាប័នរដ្ឋនិងឯកជនប្រមាណ១ ០០០ហិកតារួចទៅហើយចាប់តាំងពីឆ្នាំ២០១៨មក។
ក្រសួងធនធានទឹក និងឧតុនិយមកម្ពុជា បានអំពាវនាវឱ្យប្រជាពលរដ្ឋទាំងនៅក្នុងតំបន់ទំនាបកណ្តាល តំបន់ខ្ពង់រាប និងតំបន់មាត់សមុទ្រ ប្រុងប្រយ័ត្នចំពោះបញ្ហាអាកាសធាតុចាប់ពីថ្ងៃទី១៧ ដល់ថ្ងៃទី២១ ខែកញ្ញា ខណៈគណៈកម្មការទន្លេមេគង្គ (MRC) ក៏បានព្រមានអំពីបញ្ហាគ្រោះជំនន់ទឹកភ្លៀងនៅប៉ុន្មានថ្ងៃខាងមុខនេះ។
បឹងធម្មជាតិធំៗមួយចំនួននៅរាជធានីភ្នំពេញ ក្នុងនោះរួមមានបឹងកក់ បឹងជើងឯក បឹងទំពុន និងបឹងតាមោក ជាដើម ត្រូវបានគេមើលឃើញថា ជាកន្លែងស្តុកទឹកស្អុយ និងរំដោះទឹកដែលហូរចេញពីទីក្រុងអំឡុងពេលភ្លៀងធ្លាក់នារដូវវស្សា។ ប៉ុន្តែប៉ុន្មានឆ្នាំចុងក្រោយនេះ បឹងទាំងនោះត្រូវបានរដ្ឋាភិបាលកាត់ប្រគល់ឱ្យក្រុមហ៊ុន បុគ្គលមានអំណាច និងស្ថាប័នរដ្ឋ ដើម្បីសាងសង់អគារនិងហេដ្ឋារចនាសម្ព័ន្ធផ្សេងៗ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
