សមត្ថកិច្ចបានរាយការណ៍ឱ្យដឹងថា អតីតសមាជិកសភាអាហ្វហ្កានីស្ថានជាស្ត្រីមួយរូប ត្រូវបានខ្មាន់កាំភ្លើងមិនស្គាល់អត្តសញ្ញាណបាញ់សម្លាប់នៅក្នុងផ្ទះរបស់ខ្លួន ក្នុងរដ្ឋធានីកាប៊ុល (Kabul)។
មន្ត្រីជាន់ខ្ពស់អង្គការសហប្រជាជាតិ បាននិយាយកាលពីថ្ងៃព្រហស្បតិ៍ថា ប្រធានផ្នែកកិច្ចការជំនួយរបស់អង្គការសហប្រជាជាតិ លោក ម៉ាទីន ហ្គ្រីហ្វីត (Martin Griffiths) នឹងបំពេញទស្សនកិច្ចនៅប្រទេសអាហ្វហ្កានីស្ថាន ក្នុងប៉ុន្មានសប្ដាហ៍ខាងមុខនេះ និងជួបជាមួយមន្ត្រីជាន់ខ្ពស់នៃរដ្ឋបាលដឹកនាំដោយតាលីបង់ បន្ទាប់ពីបានហាមឃាត់ស្រ្តីមិនឱ្យធ្វើការនៅក្នុងវិស័យជំនួយ ឬអង្គការក្រៅរដ្ឋាភិបាល (NGO)។
ក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃអង្គារ បានអំពាវនាវឱ្យក្រុមតាលីបង់ផ្លាស់ប្ដូរគោលនយោបាយដែលផ្ដោតលើស្ត្រី និងកុមារី នៅក្នុងប្រទេសអាហ្វហ្កានីស្ថាន ដោយព្រមានចំពោះការរំលោភសិទ្ធិមនុស្សកាន់តែអាក្រក់នៅក្នុងប្រទេសនេះ។
ក្រសួងផ្នែកឧត្ដមសិក្សារបស់ប្រទេសអាហ្វហ្កានីស្ថាន ដែលគ្រប់គ្រងដោយពួកតាលីបង់ នៅថ្ងៃអង្គារម្សិលមិញ បានហាមស្រ្តីមិនឱ្យចូលសិក្សានៅសាកលវិទ្យាល័យទាំងឡាយ រហូតដល់មានការជូនដំណឹងបន្ថែម ខណៈសកម្មភាពនេះទទួលបានការថ្កោលទោសយ៉ាងខ្លាំងពីសហរដ្ឋអាមេរិក ចក្រភពអង់គ្លេស និងអង្គការសហប្រជាជាតិ។
កិច្ចប្រជុំគណៈកម្មាធិការអង្គការសហប្រជាជាតិមួយ នៅថ្ងៃពុធនេះ ទំនងជាមិនអនុញ្ញាតឱ្យពួកតាលីបង់របស់ប្រទេសអាហ្វហ្គានីស្ថាន និងរបបយោធាមីយ៉ាន់ម៉ា ធ្វើជាតំណាងប្រទេសរបស់ពួកគេនៅឯស្ថាប័នពិភពលោកដែលមានសមាជិកចំនួន១៩៣ប្រទេសនោះទេ។ នេះបើតាមការឱ្យដឹងពីប្រភពអ្នកការទូតមួយចំនួន។
ប្រទេសន័រវេស នៅថ្ងៃអង្គារម្សិលមិញ បានជំរុញដល់ប្រទេសទាំងឡាយឱ្យចូលរួមចំណែកក្នុងមូលនិធិអង្គការសហប្រជាជាតិ តាមរយៈការផ្ដល់ជាសាច់ប្រាក់ដោយផ្ទាល់ដល់ជនជាតិអាហ្វហ្គានីស្ថាន ដើម្បីឱ្យពួកគេអាចបន្តរស់រានមានជីវិតបាន។ នេះបើតាមការឱ្យដឹងពីរដ្ឋមន្ត្រីការបរទេសរបស់ប្រទេសនេះ ដែលបានប្រាប់ទីភ្នាក់ងារសារព័ត៌មាន Reuters។
រដ្ឋាភិបាលកម្ពុជាបានសម្រេចបង្កើតក្រុមការងារចំពោះកិច្ច ដើម្បីទទួលយកជនភៀសខ្លួនពលរដ្ឋអាហ្វហ្គានីស្ថានដែលជាបុគ្គលិកអង្គការមូលនិធិអាស៊ី និងក្រុមគ្រួសារ មកស្នាក់នៅបណ្ដោះអាសន្នក្នុងប្រទេសកម្ពុជា។
កងកម្លាំងតាលីបង់ កាលពីថ្ងៃអាទិត្យម្សិលមិញ បានធ្វើព្យុហយាត្រាយោធាមួយនៅក្នុងទីក្រុងកាប៊ុល ដោយប្រើប្រាស់រថពាសដែកផលិតនិងបន្សល់ទុកដោយអាមេរិក រួមនឹងឧទ្ធម្ភាគចក្ររបស់រុស្ស៊ី ដើម្បីបង្ហាញពីការផ្លាស់ប្ដូររបស់ពួកគេពីកងកម្លាំងបះបោរទៅជាកងទ័ពផ្លូវការមួយរបស់ប្រទេស។
ក្រុមតាលីបង់ នៅថ្ងៃអាទិត្យម្សិលមិញ បានសម្រេចតែងតាំងសមាជិករបស់ខ្លួនចំនួន៤៤រូបឱ្យកាន់តួនាទីសំខាន់ៗ រួមមាន អភិបាលខេត្ត និងមេប៉ូលិស ដែលពួកគេចាត់ទុកថា ជាជំហានដ៏សំខាន់មួយក្នុងការពង្រឹងអភិបាលកិច្ចរបស់ខ្លួន ស្របពេលដែលប្រទេសនេះបច្ចុប្បន្នកំពុងតែជួបបញ្ហាសន្តិសុខនិងសេដ្ឋកិច្ច។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។
យ៉ាងហោចណាស់ សំឡេងផ្ទុះចំនួន២លើកដោយស្នូរកាំភ្លើងត្រូវបានលាន់ឮនៅជិតមន្ទីរពេទ្យយោធាមួយ (Sardar Mohammad Daud Khan military hospital) ក្នុងរដ្ឋធានីកាប៊ុល ប្រទេសអាហ្វហ្គានីស្ថាន នៅថ្ងៃអង្គារនេះ។ នេះបើតាមការរាយការណ៍ឱ្យដឹងពីសាក្សីម្នាក់ដែលរស់នៅក្បែរទីតាំងកើតហេតុនោះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
