របត់នយោបាយជាង៥ឆ្នាំមកនេះ ហាក់បានបន្សល់ទុកនូវរោគសញ្ញាធំពីរផ្ទុយគ្នារវាងមេដឹកនាំកម្ពុជា និងប្លុកលោកសេរី ដែលជំរុញឱ្យស្ដារប្រជាធិបតេយ្យឡើងវិញ ជាថ្នូរនឹងលក្ខខណ្ឌរក្សាទុកអំណោយផលផ្នែកពាណិជ្ជកម្មដល់ប្រទេសកម្ពុជា។
អ្នកឃ្លាំមើលសង្គមបារម្ភថា កម្ពុជាអាចនឹងបន្តខាតបង់ទាំងប្រយោជន៍ការទូត និងសេដ្ឋកិច្ចពីប្លុកលោកសេរី បើមិនដោះស្រាយវិបត្តិសិទ្ធិមនុស្ស ដើម្បីឆ្លើយតបទៅនឹងកង្វល់របស់សហគមន៍អន្តរជាតិ ជុំវិញការទាមទារឱ្យបើកលំហប្រជាធិបតេយ្យ មុនការបោះឆ្នោតជាតិឆ្នាំ២០២៣នោះ។
អ្នកឃ្លាំមើលសង្គមមួយចំនួនបង្ហាញជាទស្សនៈថា ផែនការបន្តវេនរបស់បក្សកាន់អំណាចគំរាមកំហែងដល់ការជំរុញឱ្យបើកលំហប្រជាធិបតេយ្យឡើងវិញ ដែលការណ៍នេះនឹងបន្តឱ្យកម្ពុជាបាត់ឱកាសចាប់យកអំណោយផលសេដ្ឋកិច្ចពីប្លុកលោកសេរី បើទោះជាមានជំនួបកំពូលរវាងប្រធានាធិបតីសហរដ្ឋអាមេរិក លោក ចូ បៃដិន និងលោកនាយករដ្ឋមន្ត្រី ហ៊ុន សែន មេដឹកនាំកម្ពុជាក្ដី។
អ្នកវិភាគ និងសាស្ត្រាចារ្យភូមិសាស្រ្តនយោបាយ បង្ហាញក្ដីសង្ឃឹមតិចតួចថា កម្ពុជានឹងងាកមកស្ដារឡើងវិញនូវសិទ្ធិមនុស្ស និងលទ្ធិប្រជាធិបតេយ្យ ក្រោយកិច្ចប្រជុំកំពូលអាស៊ាន និងកិច្ចប្រជុំកំពូលប្រចាំឆ្នាំអាស៊ាន-អាមេរិក។
តំណាងជាន់ខ្ពស់សហភាពអឺរ៉ុបបានជំរុញឱ្យកម្ពុជាបញ្ចប់រឿងក្ដីលោក កឹម សុខា ដើម្បីឱ្យលោកអាចចូលរួមការបោះឆ្នោតជាតិឆ្នាំ២០២៣ខាងមុខ ដែលជាផ្នែកមួយក្នុងការស្ដារឡើងវិញនូវសិទ្ធិនយោបាយ និងដំណើរការបោះឆ្នោតតាមបែបប្រជាធិបតេយ្យនៅកម្ពុជា។
សហរដ្ឋអាមេរិកជំរុញមេដឹកនាំកម្ពុជាឱ្យបើកលំហនយោបាយសម្រាប់លោក កឹម សុខា ប្រធានគណបក្សសង្គ្រោះជាតិដែលតុលាការបានរំលាយ ព្រមទាំងលំហសេរីភាពពលរដ្ឋកម្ពុជា និងប្រជាធិបតេយ្យ មុនការបោះឆ្នោតជាតិឆ្នាំ២០២៣ ដោយភ្ជាប់នឹងអត្ថប្រយោជន៍មួយចំនួនសម្រាប់កម្ពុជាទៀតផង។
សមាជិកសភាអាស៊ានដើម្បីសិទ្ធិមនុស្ស ឬហៅកាត់ថា APHR បានសម្ដែងការព្រួយបារម្ភចំពោះការស្នើឱ្យមានការធ្វើវិសោធនកម្មរដ្ឋធម្មនុញ្ញដោយរដ្ឋាភិបាលលោកនាយករដ្ឋមន្រ្តី ហ៊ុន សែន ដោយពួកគេចាត់ទុកថា វាជាការសម្លាប់លទ្ធិប្រជាធិបតេយ្យនៅក្នុងប្រទេសនេះ។
មន្រ្តីរដ្ឋាភិបាលកម្ពុជា ប្រតិកម្មទៅនឹងសេចក្តីព្រាងច្បាប់ស្តីពីសិទ្ធិមនុស្ស និងប្រជាធិបតេយ្យសម្រាប់កម្ពុជា ដោយចាត់ទុកសេចក្តីព្រាងច្បាប់នេះ ថាកើតចេញពីក្រុមអ្នកនយោបាយមួយក្រុម ដែលមានបំណងចង់ដាក់កម្ពុជាឱ្យក្លាយជាឆ្អឹងទទឹងក ប្រឆាំងនឹងមហាអំណាចផ្នែកប្រជាធិបតេយ្យមួយនេះ ជាជាងបង្កើនកិច្ចសហប្រតិបត្តិការ។
ក្រោយពេលតុលាការសម្រេចប្រកាសសាលក្រមផ្ដន្ទាទោសទៅលើថ្នាក់ដឹកនាំ សកម្មជន និងអ្នកគាំទ្រគណបក្សសង្រ្គោះជាតិដែលតុលាការរំលាយជាទ្រង់ទ្រាយធំនៅថ្ងៃអង្គារនេះមិនបានប៉ុន្មានម៉ោងផង សហគមន៍អន្តរជាតិ លោកសេរី ក៏បានបញ្ចេញប្រតិកម្មជាបន្តបន្ទាប់ ដោយហៅការសម្រេចនេះថាជារឿងអយុត្តិធម៌ និងជាការបង្ក្រាបសំឡេងប្រជាធិបតេយ្យដែលនៅសេសសល់ចុងក្រោយនៅកម្ពុជា។
លោកនាយករដ្ឋមន្ត្រី ហ៊ុន សែន បានផ្ញើសារថា ប្រជាធិបតេយ្យនិងសិទ្ធិមនុស្សនឹងត្រូវអនុវត្តនៅថ្ងៃអាទិត្យនេះ ស្របពេលលោកចាត់ទុកការផ្ដល់វ៉ាក់សាំងការពារអាយុជីវិតពលរដ្ឋ ថាជាសិទ្ធិមូលដ្ឋានក្តី។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
