រដ្ឋមន្ត្រីអង់គ្លេសមួយរូបបានឱ្យដឹងនៅថ្ងៃអង្គារ​ ខណៈ​​លោក​​នាយក​រដ្ឋ​មន្ត្រី បូរីស ចនសុន (Boris Johnson) ដឹកនាំកិច្ចប្រជុំឆ្លើយ​តបបន្ទាន់មួយរបស់រដ្ឋាភិបាលជុំវិញវិបត្តិនៅអ៊ុយក្រែន ថាការលុកលុយរបស់រុស្ស៊ីលើអ៊ុយក្រែនបានចាប់ផ្ដើមហើយ ដូច្នេះអង់គ្លេសនឹងដាក់ទណ្ឌកម្មនានាលើរុស្ស៊ី។

ស្ថានទូតចិនប្រចាំនៅប្រទេសអ៊ុយក្រែន នៅថ្ងៃអង្គារនេះ បានជូនដំណឹងដល់ពលរដ្ឋនិងធុរកិច្ចទាំង​ឡាយរ​បស់ខ្លួន​ឱ្យចៀសវាងទៅកាន់តំបន់អស្ថិរភាពទាំងឡាយក្នុងប្រទេសអ៊ុយក្រែន ស្របពេលដែលប្រទេសមួយនេះ​បច្ចុប្បន្នកំពុងតែស្ថិតនៅក្នុងវិបត្តិ​ជាមួយប្រទេស​រុស្ស៊ី។

រដ្ឋ​មន្ត្រី​ក្រសួង​​ហិរញ្ញវត្ថុជប៉ុន​​ លោក ស៊ុនីហ្ស៊ី ស៊ុយហ្ស៊ុគី (Shunichi Suzuki) បានឱ្យដឹងនៅថ្ងៃអង្គារ​នេះ​ថា ប្រទេស​របស់​លោក​នឹង​សម្របសម្រួលជាមួយក្រុម​ប្រទេស​មាន​​សេដ្ឋកិច្ច​​ជឿនលឿន​ទាំង​៧ (G7) ក្នុងការដោះស្រាយស្ថានភាពនៅអ៊ុយក្រែន ខណៈដែលខ្លួនក៏កំពុងតែឃ្លាំមើលយ៉ាងយក​ចិត្តទុកដាក់ពីផលប៉ះពាល់ដែលអាចកើតមានឡើងលើសេដ្ឋកិច្ចរបស់ខ្លួន។

រដ្ឋមន្ត្រីការពារជាតិអ៊ុយក្រែន លោក Oleksii Yuriyovych Reznikov បានឱ្យដឹងនៅថ្ងៃអាទិត្យម្សិលមិញថា ប្រទេសរបស់ខ្លួនបានទទួលសព្វាវុធពីសហរដ្ឋអាមេរិកជាលើកទី២ ដែលជាផ្នែកមួយនៃកញ្ចប់ជំនួយការពារជាតិក្នុងទំហំទឹកប្រាក់សរុបចំនួន២០០​លាន​ដុល្លារ។

ប្រធាន​គោល​នយោបាយ​ការ​បរទេស​របស់​សហភាព​អឺរ៉ុប លោក Josep Borrell បានឱ្យដឹងនៅថ្ងៃចន្ទនេះថា សហភាព​អឺរ៉ុបមិនមានគម្រោងប្រាប់ដល់គ្រួសារអ្នកការទូតរបស់ខ្លួនឱ្យចាកចេញពីអ៊ុយ​ក្រែន​នៅពេលនេះនោះទេ។

មន្រ្តីការទូតកំពូលមួយរូប​របស់ប្រធានាធិបតី​សហរដ្ឋ​អាមេរិក លោក ចូ បៃឌិន នឹងព្យាយាម​ដោះស្រាយ​វិបត្តិ​ដែលកើតឡើងរវាងរុស្ស៊ី និងអ៊ុយក្រែន ខណៈដែលរូបលោក​នឹងជួបជាមួយរដ្ឋមន្ត្រីការបរទេស​រុស្ស៊ី នៅ​ទីក្រុងហ្សឺណែវ ក្នុងសប្ដាហ៍នេះ បន្ទាប់ពីជួប​ជាមួយមេដឹកនាំអ៊ុយក្រែននៅទីក្រុង Kyiv និងមន្ត្រីអឺរ៉ុបនានា នៅទីក្រុងប៊ែរឡាំង។

ប្រធាន​គណៈកម្មការ​អឺរ៉ុប លោកស្រី Ursula Von der Leyen បានឱ្យដឹងនៅថ្ងៃសុក្រនេះថា សហភាពអឺរ៉ុបបានត្រៀមខ្លួនរួចជាស្រេចក្នុងការដាក់ទណ្ឌកម្មធ្ងន់ធ្ងរលើប្រទេសរុស្ស៊ី ប្រសិនបើយោធារបស់ប្រទេសមួយនេះឈ្លានពានអ៊ុយក្រែន។

រដ្ឋមន្ត្រីកា​របរទេសអាល្លឺម៉ង់​ថ្មី អ្នកស្រី Annalena Baerbock បានឱ្យដឹងនៅថ្ងៃអង្គារម្សិលមិញថា រុស្ស៊ីអាច​នឹង​ប្រឈម​មុខ​នឹងផលវិបាកធ្ងន់ធ្ងរប្រសិនបើខ្លួនឈ្លានពានអ៊ុយក្រែន។

ប្រធានាធិបតីរុស្ស៊ី លោក ​វ្លាឌីមៀរ ពូទីន និងសមភាគី​អាមេរិក លោក ចូ បៃឌិន បានយល់ព្រមក្នុងការមានកិច្ចចរចាជាមួយគ្នាបន្ថែម​ទៀត ស្របពេលដែលភាពតានតឹងជុំវិញច​លនា​​ទ័ព​របស់រុស្ស៊ីនៅក្បែរព្រំដែនអ៊ុយក្រែនកើនឡើង។ នេះបើតាមការផ្សព្វផ្សាយដោយទីភ្នាក់ងារសារ​ព័ត៌មាន Reuters។