ក្រុមប្រឹក្សាសន្តិសុខអង្គការសហប្រជាជាតិ បានកោះប្រជុំបន្ទាន់មួយ ដើម្បីពិភាក្សាអំពីស្ថានភាពនៅតំបន់ហ្គាហ្សា ដោយមានសមាជិកជាច្រើនបានលើកឡើងពីក្ដីបារម្ភ ចំពេលមានបទឈប់បាញ់ដ៏ផុយស្រួយរវាងអ៊ីស្រាអែល និងក្រុមជីហាតអ៊ីស្លាមដែលជាក្រុមប្រដាប់អាវុធប៉ាឡេស្ទីន បន្ទាប់ពីការវាយប្រហារតាមអាកាសរបស់អ៊ីស្រាអែល រយៈពេល៣ថ្ងៃ នៅលើទឹកដីប៉ាឡេស្ទីន។
អង្គការសហប្រជាជាតិ (UN) បានលើកឡើងនៅក្នុងរបាយការណ៍ស្រាវជ្រាវមួយ ដោយកត់សម្គាល់ពីសម្ពាធតាមប្រព័ន្ធយុត្តិធម៌ព្រហ្មទណ្ឌ និងការយាយីលើស្ត្រីថា «ប្រព័ន្ធផ្សព្វផ្សាយនៅកម្ពុជាកំពុងស្ថិតនៅក្នុងស្ថានភាពគ្រោះថ្នាក់»។
ក្រសួងព័ត៌មាន នៅថ្ងៃព្រហស្បតិ៍នេះ ប្រតិកម្មដោយហៅរបាយការណ៍ដែលរកឃើញដោយការិយាល័យផ្នែកសិទ្ធិមនុស្សរបស់អង្គការសហប្រជាជាតិ ថាជារបាយការណ៍ដែលធ្វើឡើងឆ្លុះបញ្ចាំងតែភាគីម្ខាង ខ្វះការសិក្សាស្រាវជ្រាវឱ្យបានគ្រប់ជ្រុងជ្រោយ និងធ្វើឡើងតម្រូវចិត្តសម្រាប់តែមនុស្សមួយក្រុម។
អង្គការសហប្រជាជាតិប្រចាំនៅកម្ពុជា (UN) សម្ដែងការព្រួយបារម្ភជាខ្លាំងចំពោះការចោទប្រកាន់និងឃុំខ្លួនលើសកម្មជនព្រៃឈើ លោក ឆន ផល្លា ដោយចាត់ទុកសកម្មភាពនេះថា ជាការគំរាមកំហែង និងរំលោភលើសិទ្ធិអ្នកការពារសិទ្ធិមនុស្សផ្នែកបរិស្ថាន។
ក្រុមភរិយាសកម្មជនគណបក្សសង្គ្រោះជាតិដែលតុលាការបានរំលាយ បាននាំគ្នាទៅដាក់ញត្តិនៅសហភាពអឺរ៉ុប នៅថ្ងៃសុក្រនេះ ដើម្បីស្នើស្ថាប័ននេះ ជួយជំរុញទៅរដ្ឋាភិបាលកម្ពុជាឱ្យដោះលែងក្រុមគ្រួសាររបស់ពួកគាត់ដែលកំពុងជាប់ឃុំ បន្ទាប់ពីតុលាការកាត់ទោសឱ្យជាប់ពន្ធនាគារនាពេលថ្មីៗនេះ។
របាយការណ៍របស់អង្គការសហប្រជាជាតិប្រចាំនៅកម្ពុជា (UN) បានលើកឡើងថា កម្ពុជាមិនទាន់ធានាបានពេញលេញចំពោះការចូលរួមរបស់សង្គមស៊ីវិលនៅក្នុងសង្គមនៅឡើយ ខណៈស្ថាប័នអន្តរជាតិមួយនេះរកឃើញថា តាំងពីឆ្នាំ២០១៧មក លំហសម្រាប់ពលរដ្ឋ និងការអនុវត្តសេរីភាពជាមូលដ្ឋាន ត្រូវបានរឹតបន្តឹងជាបន្តបន្ទាប់។
អង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា អះអាងថា ស្ថាប័នអន្តរជាតិមួយនេះកំពុងតាមដានយ៉ាងយកចិត្តទុកដាក់នូវការកាត់ទោសទ្រង់ទ្រាយធំលើក្រុមបក្សប្រឆាំង និងពលរដ្ឋសញ្ជាតិអាមេរិកាំង កញ្ញា សេង ធារី ដើម្បីធានាការកាត់ក្ដីប្រព្រឹត្តទៅដោយយុត្តិធម៌និងស្របតាមច្បាប់សិទ្ធិមនុស្សអន្តរជាតិ។
អង្គការសហប្រជាជាតិ (អ.ស.ប) ប្រចាំកម្ពុជា អះអាងថា អង្គការអន្តរជាតិមួយនេះមិនបានផ្ដល់ការគាំទ្រ ឬចូលរួមសង្កេតការណ៍បោះឆ្នោតជ្រើសរើសក្រុមប្រឹក្សាឃុំសង្កាត់នៅឆ្នាំ២០២២នេះទេ តែនឹងបន្តតាមដានដោយយកចិត្តទុកដាក់។
មន្ត្រីជាន់ខ្ពស់អង្គការសហប្រជាជាតិ (UN) ទទួលបន្ទុកគ្រឿងញៀន និងឧក្រិដ្ឋកម្ម ប្រចាំតំបន់អាស៊ីអាគ្នេយ៍ ថ្លែងថា កម្ពុជាមានអត្រាអំពើហិង្សាក្នុងគ្រួសារខ្ពស់ក្នុងចំណោមប្រទេសផ្សេងៗនៅអាស៊ីអាគ្នេយ៍ ដែលទាមទារឱ្យមានការបណ្តុះបណ្តាលមន្ត្រីជួរមុខ ដើម្បីឱ្យពួកគេមានចំណេះដឹងឆ្លើយតបលើបញ្ហាទាំងនោះ។
ប្រធានាធិបតីរុស្ស៊ី លោក វ្លាឌីមៀរ ពូទីន បានថ្លែងឱ្យដឹងនៅថ្ងៃអង្គារម្សិលមិញថា ប្រទេសរបស់លោកនិងភាគីអ៊ុយក្រែននៅតែកំពុងបន្តការពិភាក្សាគ្នាតាមប្រព័ន្ធអនឡាញ។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
