លោក កឹម សុខា ប្រធានគណបក្សសង្គ្រោះជាតិដែលត្រូវបានតុលាការរំលាយ បានអំពាវនាវជាថ្មីម្ដងទៀតឱ្យតុលាការទម្លាក់ចោលការចោទប្រកាន់មកលើរូបលោកពីបទ «សន្ទិដ្ឋិភាព» ឬគប់គិតជាមួយរដ្ឋបរទេសដើម្បីផ្ដួលរំលំរដ្ឋាភិបាលកម្ពុជា។
សាលាដំបូងរាជធានីភ្នំពេញ បានបន្តសវនាការសួរដេញដោលលើអ្នកគាំទ្រគណបក្សសង្គ្រោះជាតិដែលត្រូវបានតុលាការរំលាយ កញ្ញា សេង ធារី ក្រោមបទចោទ «ញុះញង់ និងរួមគំនិតក្បត់» ពាក់ព័ន្ធដំណើរការវិលត្រលប់របស់លោក សម រង្ស៊ី ក្នុងព្រឹត្តិការណ៍ ៩ វិច្ឆិកា។
អតីតមេទ័ពតស៊ូនៅជាយដែនថៃ និងជាប្រធានគណបក្សខ្មែររួបរួមជាតិ លោក ញឹក ប៊ុនឆៃ បានលើកឡើងថា «គណបក្សភ្លើងទៀន» ដែលទើបលេចមុខធ្វើសកម្មភាពនៅមូលដ្ឋាន ដើម្បីចូលរួមការបោះឆ្នោតខាងមុខ នឹងមានអនាគតខ្លី ប្រឈមនឹងចំណាត់ការផ្លូវច្បាប់ ដោយសារគណបក្សនេះមានជាប់ពាក់ព័ន្ធទៅនឹងសកម្មភាពលោក សម រង្ស៊ី នៅឯក្រៅប្រទេស។
សកម្មជនបក្សប្រឆាំងដែលកំពុងជាប់ពន្ធនាគារចំនួន១៣នាក់ បានស្នើទៅតុលាការទម្លាក់ចោលបទចោទប្រកាន់និងដោះលែងពួកគេឱ្យមានសេរីភាពវិញ ដោយថា ពួកគេមិនបានជាប់ពាក់ព័ន្ធនឹងផែនការ៥ចំណុចនៃចលនាសង្គ្រោះជាតិដែលបង្កើតឡើងដោយលោក សម រង្ស៊ី និងមន្ត្រីផ្សេងទៀតទេ។
សាលាដំបូងរាជធានីភ្នំពេញ បានបន្តបើកសវនាការលើភស្តុតាងដោះបន្ទុកជាថ្មីទៀត នៅព្រឹកថ្ងៃពុធសប្ដាហ៍នេះ ជុំវិញបទចោទ «សន្និដ្ឋិភាពជាមួយរដ្ឋបរទេស ឬចង់ផ្ដួលរំលំរដ្ឋាភិបាល» ទៅលើលោក កឹម សុខា ប្រធានគណបក្សសង្រ្គោះជាតិដែលតុលាការរំលាយ ខណៈអង្គការសង្គមស៊ីវិលដែលឃ្លាំមើលសវនាការនេះ លើកឡើងថា ការជំនុំជម្រះនេះប្រព្រឹត្តទៅក្នុងបរិយាកាសតានតឹង និងយកត្រូវរៀងៗខ្លួន ទាំងភាគីតំណាងអយ្យការ និងសហមេធាវីការពារក្ដីឱ្យជនត្រូវចោទ។
កញ្ញា សេង ធារី ដែលជាអ្នកគាំទ្រគណបក្សសង្គ្រោះជាតិដែលត្រូវតុលាការរំលាយ បានបង្ហាញការគាំទ្រសារនិងដំណើរការវិលត្រលប់របស់លោក សម រង្ស៊ី ថ្ងៃទី៩ ខែវិច្ឆិកា ឆ្នាំ២០១៩ ដោយថា សារនិងការរៀបចំគម្រោងផែនការមួយចំនួនរបស់មេបក្សប្រឆាំងរូបនេះមិនមែនជាអំពើខុសច្បាប់។
ព្រះមហាក្សត្រចេញព្រះរាជក្រឹត្យផ្តល់នីតិសម្បទានយោបាយឡើងវិញ ដល់មន្ត្រីជាន់ខ្ពស់នៃគណបក្សសង្គ្រោះជាតិដែលត្រូវបានតុលាការរំលាយចំនួន៣រូប បន្ទាប់ពីត្រូវបានហាមឃាត់មិនឱ្យធ្វើសកម្មភាពនយោបាយរយៈពេល៥ឆ្នាំតាមអំណាចសាលដីការបស់តុលាការកំពូល។
មេដឹកនាំគណបក្សសង្គ្រោះជាតិដែលតុលាការរំលាយ លោក កឹម សុខា បានបង្ហាញសារអំពីគុណតម្លៃមេដឹកនាំមិនរត់ចោលពលរដ្ឋ ខណៈលោកបន្តប្រើប្រាស់សេរីភាពតិចតួចក្រោមបម្រាមតុលាការ ចុះចែកស្បៀងអាហារជូនដល់ប្រជាពលរដ្ឋក្រីក្រជាថ្មីទៀតនៅខេត្តមួយចំនួន។
ក្រុមស្ត្រីថ្ងៃសុក្រប្រមាណ១០នាក់បាននាំគ្នាស្វែងរកកិច្ចអន្តរាគមន៍ពីស្ថានទូតជប៉ុន និងស្ថានទូតអាមេរិកប្រចាំនៅកម្ពុជា ជួយជំរុញទៅរដ្ឋាភិបាលដោះលែងស្វាមីពួកគេ ដើម្បីឱ្យស្វាមីរបស់ពួកគេអាចមានសិទ្ធិសេរីភាពក្នុងការចូលរួមជីវភាពនយោបាយឡើងវិញ។
សាលាឧទ្ធរណ៍រាជធានីភ្នំពេញ គ្រោងនឹងប្រកាសសាលដីកាសំណុំរឿងកុមារ កាក់ សុវណ្ណច្ឆ័យ កូនប្រុសរបស់សកម្មជនគណបក្សសង្គ្រោះជាតិដែលត្រូវតុលាការរំលាយ ក្រោមបទចោទប្រកាន់ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម» និងបទ «ប្រមាថចំពោះអ្នករាជការសាធារណៈ» នៅខែមីនា ឆ្នាំ២០២២ ខាងមុខនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
