ប្រធានគណបក្សកាន់អំណាច និងជានាយករដ្ឋមន្រ្តី បានបញ្ជាក់ជំហរជាសាធារណៈថា លោកនឹងដាក់ចេញនូវផែនការយុទ្ធសាស្រ្ត ដើម្បីតាមកម្ទេចអ្នកដែលលោកហៅថាជាក្រុមប្រឆាំងនៅតាមមូលដ្ឋាន ហើយគាំទ្រអង្គការចាត់តាំងដឹកនាំដោយលោក សម រង្ស៊ី។
សាលាដំបូងរាជធានីភ្នំពេញ បន្តសវនាការសំណុំរឿង «រួមគំនិតក្បត់» ដោយតុលាការបានអានរបាយការណ៍ដាក់បន្ទុក ដែលសមត្ថកិច្ចស្រង់ពីលើបណ្ដាញសង្គមរបស់ថ្នាក់ដឹកនាំ និងសកម្មជនបក្សសង្គ្រោះជាតិដែលត្រូវរំលាយ ពាក់ព័ន្ធដំណើរវិលត្រលប់លើកទី២របស់លោកស្រី មូរ សុខហួរ។
តុលាការបានកំណត់យកថ្ងៃទី២១ ខែធ្នូ ឆ្នាំ២០២២ខាងមុខនេះ ជាថ្ងៃដែលគ្រប់ភាគីពាក់ព័ន្ធ នៅក្នុងសំណុំរឿងព្រហ្មទណ្ឌដែលមានជនជាប់ចោទ លោក កឹម សុខា ដើម្បីធ្វើសេចក្ដីសន្និដ្ឋានចុងក្រោយ មុននឹងតុលាការប្រកាសថាសាលក្រមមួយនេះ តុលាការគួរលើកលែងការចោទប្រកាន់ ឬត្រូវផ្ដន្ទាទោសប្រឆាំងអ្នកនយោបាយជាន់ខ្ពស់រូបនេះ។
ពលរដ្ឋ អ្នកវិភាគ និងសង្គមស៊ីវិល លើកឡើងថា ការចេញញត្តិថ្កោលទោសលោក សម រង្ស៉ី ពាក់ព័ន្ធការចោទថាបាន «ញុះញង់កងកម្លាំងប្រដាប់អាវុធឱ្យបះបោរប្រឆាំងរដ្ឋាភិបាល» ពីសំណាក់ក្រសួង ស្ថាប័ននានា ជាការដើរផ្ទុយពីគោលការណ៍អព្យាក្រឹតរបស់មន្ត្រីរាជការ។
តុលាការសម្រេចកាត់ទោសឱ្យលោក សម រង្ស៊ី ជាប់ពន្ធនាគារអស់មួយជីវិត និងដកសិទ្ធិធ្វើនយោបាយជាស្ថាពរ ក្រោមបទចោទ «ប្រគល់ឱ្យរដ្ឋបរទេស» ពាក់ព័ន្ធនឹងករណីដែលលោកចុះហត្ថលេខាលើកិច្ចព្រមព្រៀងកាត់ទឹកដីកម្ពុជាចំនួន៤ខេត្ត ឱ្យជនជាតិដើមភាគតិចម៉ុងតាញ៉ាដើម្បីរស់នៅ។
មន្ត្រីជាន់ខ្ពស់អគ្គស្នងការនគរបាលជាតិ អះអាងថា ខ្លួនមិនទាន់មានតម្រុយណាមួយឈានទៅចាប់ខ្លួនជនល្មើស ដើម្បីឱ្យតុលាការផ្តន្ទាទោស ពាក់ព័ន្ធករណីប្រើហិង្សាជាង៣០ករណីលើអតីតសកម្មជនគណបក្សប្រឆាំង ចាប់តាំងពីចុងឆ្នាំ២០១៧ មកដល់ពេលថ្មីៗនេះ នៅឡើយទេ បើទោះបីជាបានសម្អាងថា ជំនាញមន្ត្រីកម្ពុជាក្នុងការបង្ក្រាបល្មើសនិងបទឧក្រិដ្ឋមិនចាញ់សមត្ថភាពមន្ត្រីអន្តរជាតិក្តី។
ការប្រកាសបិទបញ្ចប់ការសួរដេញដោលលើសំណុំរឿងទាំងមូល ដោយប្រធានក្រុមប្រឹក្សាជំនុំជម្រះ នៃតុលាការជាន់ទាបនេះ បានជំរុញឱ្យមានការតវ៉ាពីភាគីសហមេធាវីការពារសិទ្ធិឱ្យអ្នកនយោបាយជាន់ខ្ពស់នៃគណបក្សសង្រ្គោះជាតិដែលត្រូវបានតុលាការកំពូលរំលាយ ដោយពួកគាត់ចាត់ទុកថា ការដឹកនាំនីតិវិធីនៃការជម្រះក្ដីនេះនៅមានរឿងជាច្រើនទៀត ដែលត្រូវជម្រះមន្ទិល និងស្វែងរកការពិត ក្នុងពេលសាក្សីសំខាន់ផ្សេងទៀតជាមន្រ្តីនគរបាលយុត្តិធម៌ដែលចុះអនុវត្តចាប់ខ្លួនលោក កឹម សុខា មិនត្រូវបានកោះហៅឱ្យមកផ្ដល់សក្ខីកម្មនៅឡើយ។
សាលាដំបូងរាជធានីភ្នំពេញ បន្តសវនាការសំណុំរឿង «រួមគំនិតក្បត់» ដោយបង្ហាញភស្តុតាងដាក់បន្ទុក ដែលមេដឹកនាំ និងសកម្មជនគណបក្សសង្គ្រោះជាតិដែលតុលាការបានរំលាយ បានបង្ហោះសារលើបណ្ដាញសង្គម ពាក់ព័ន្ធនឹងដំណើរវិលត្រឡប់មកកម្ពុជារបស់លោកស្រី មូរ សុខហួរ។
ការដាក់ពង្រាយសែស្រឡាយថ្នាក់ដឹកនាំ ឱ្យទៅកាន់តំណែងធំៗនៅក្រសួងសំខាន់ៗរបស់ជាតិ រួមទាំងកង្វះឯករាជ្យភាពរបស់ឥស្សរជននយោបាយ ត្រូវបានគេមើលឃើញថា ជាជម្រកសុវត្ថិភាពនៃអំពើពុករលួយ និងបង្កគ្រោះថ្នាក់ធ្ងន់ធ្ងរដល់ការកសាងសង្គមប្រជាធិបតេយ្យ បើគ្មានការកែលម្អទេនោះ។
តុលាការកំពូល សម្រេចបង្វិលសំណុំរឿងយុវជន កាក់ សុវណ្ណច្ឆ័យ ដែលជាកូនប្រុសសកម្មជនគណបក្សសង្គ្រោះជាតិដែលតុលាការរំលាយ ឱ្យសាលាឧទ្ធរណ៍រាជធានីភ្នំពេញជំនុំជម្រះឡើងវិញ ដោយថា ដើម្បីផលប្រយោជន៍អនីតិជន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
