ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានថ្លែងប្រាប់សភាអាមេរិក នៅថ្ងៃពុធម្សិលមិញនេះថា ជំនួយក្នុងទំហំទឹកប្រាក់រាប់សិបពាន់លានដុល្លារ ដែលពួកគេបានអនុម័តដើម្បីជួយក្នុងការប្រយុទ្ធប្រឆាំងនឹងការឈ្លានពានរបស់រុស្ស៊ី មិនមែនត្រឹមតែជាកិច្ចការសប្បុរសធម៌ប៉ុណ្ណោះទេ ប៉ុន្តែវាក៏ជាការវិនិយោគលើសន្តិសុខពិភពលោកផងដែរ។
ប្រភពមួយចំនួនបានបង្ហើបឱ្យដឹងថា ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី អាចនឹងធ្វើដំណើរទៅកាន់សហរដ្ឋអាមេរិក ដើម្បីជួបជាមួយលោកប្រធានាធិបតី ចូ បៃដិន នៅថ្ងៃពុធសប្ដាហ៍នេះ ខណៈនេះគឺជាដំណើរចាកចេញទៅក្រៅប្រទេសជាលើកដំបូងរបស់លោក គិតចាប់តាំងពីរុស្ស៊ីបើកការឈ្លានពានកាលពីខែកុម្ភៈ។
លោកនាយករដ្ឋមន្ត្រី ហ៊ុន សែន បង្ហាញក្ដីសង្ឃឹមថា អ្នកបន្តវេនជំនាន់ក្រោយនឹងបន្តពូនជ្រំសមិទ្ធផលរបស់រដ្ឋាភិបាលដែលសម្រេចបានជាង៤០ឆ្នាំមកនេះ ដែលថាផ្នែកមួយនៃជោគជ័យនេះកើតចេញពីគោលនយោបាយ ឈ្នះ-ឈ្នះ និងមិត្តដែកថែមជាមួយមហាអំណាចចិន ខណៈក្រុមប្រទេសលោកសេរីកំពុងជំរុញឱ្យកម្ពុជាស្ដារប្រជាធិបតេយ្យ។
វិមានក្រឹមឡាំង បានលើកឡើងកាលពីថ្ងៃពុធថា ប្រព័ន្ធការពារមីស៊ីល Patriot របស់អាមេរិក នឹងក្លាយជាគោលដៅស្របច្បាប់សម្រាប់ការវាយប្រហាររបស់រុស្ស៊ីលើអ៊ុយក្រែន ប្រសិនបើអាមេរិកហ៊ានបញ្ជូនប្រព័ន្ធការពារមីស៊ីលប្រភេទនេះទៅកាន់ទីក្រុងកៀវ (Kyiv)។
ក្រុមហ៊ុនជួញដូរសត្វស្វាសម្រាប់គោលដៅវេជ្ជសាស្ត្រមួយរបស់អាមេរិក បានឱ្យដឹងថា ការផ្គត់ផ្គង់សត្វស្វារបស់ខ្លួនពីកម្ពុជាត្រូវបានបញ្ឈប់ បន្ទាប់ពីសហរដ្ឋអាមេរិកបានចោទប្រកាន់ក្រុមហ៊ុនផ្គត់ផ្គង់កម្ពុជាមួយពីបទ «ជួញដូរសត្វស្វាព្រៃដោយខុសច្បាប់» ខណៈក្រុមហ៊ុនបុត្រសម្ពន្ធចំនួនពីររបស់ខ្លួនក៏ប្រឈមនឹងការជាប់ពាក់ព័ន្ធនឹងករណីនេះផងដែរ។
សហរដ្ឋអាមេរិកបានចោទប្រកាន់ជនជាតិរុស្សី ចំនួន៥នាក់ និងជនជាតិអាមេរិក ២នាក់ ពីបទ សមគំនិតពាក់ព័ន្ធនឹងការផ្តល់ឱ្យរដ្ឋាភិបាលរុស្ស៊ីនូវបច្ចេកវិទ្យាការពារប្រទេស អាវុធដែលត្រូវបានហាមឃាត់ និងពាក់ព័ន្ធនឹងការលាងលុយកខ្វក់។
មន្ត្រីជាន់ខ្ពស់សហរដ្ឋអាមេរិកប្រចាំកម្ពុជា បានថ្លែងក្នុងទិវាសិទ្ធិមនុស្សអន្តរជាតិ១០ធ្នូ ថា អ្នកដែលធ្វើការងារការពារសិទ្ធិមនុស្សគួរតែត្រូវបានគោរព និងលើកទឹកចិត្ត ខណៈជនទាំងឡាយណាដែលរំលោភបំពានសិទ្ធិជាមូលដ្ឋាននៃសិទ្ធិមនុស្សគួរតែត្រូវបានដាក់ទោសទណ្ឌទៅតាមច្បាប់។
រដ្ឋមន្ត្រីការបរទេសសហរដ្ឋអាមេរិក លោក អេនតូនី ប្លីនខេន (Antony Blinken) បានឱ្យដឹងនៅថ្ងៃអង្គារម្សិលមិញថា អាមេរិកមិនបានលើកទឹកចិត្ត ឬជំរុញឱ្យកងទ័ពអ៊ុយក្រែនធ្វើការវាយប្រហារនៅខាងក្នុងទឹកដីប្រទេសរុស្ស៊ីឡើយ ប៉ុន្តែពួកគេនៅតែរក្សាជំហររបស់ខ្លួនក្នុងការធ្វើឱ្យប្រាកដថា អ៊ុយក្រែនមានឧបករណ៍ដែលពួកគេត្រូវការគ្រប់គ្រាន់ដើម្បីការពារខ្លួនពីការឈ្លានពាន។
ប្រទេសកូរ៉េខាងជើង បានឱ្យដឹងនៅថ្ងៃអង្គារនេះថា ខ្លួនបានបញ្ជាឱ្យអង្គភាពយោធាទាំងឡាយបាញ់កាំភ្លើងធំជាច្រើនគ្រាប់បន្ថែមទៀតចូលទៅក្នុងសមុទ្រ ដើម្បីឆ្លើយតបទៅនឹងសមយុទ្ធយោធារបស់ប្រទេសកូរ៉េខាងត្បូងដែលកំពុងបន្តធ្វើឡើងនៅតាមព្រំដែន។
ក្រសួងការពារជាតិអាមេរិកបានជូនដំណឹងអំពីគ្រោះថ្នាក់នៃកម្មវិធីនុយក្លេអ៊ែរនៅក្នុងប្រទេសរុស្ស៊ី អ៊ីរ៉ង់ និងកូរ៉េខាងជើង និងបានចេញរបាយការណ៍ព្រមានអំពីកម្មវិធីនុយក្លេអ៊ែររបស់ចិន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
