កម្មករ-កម្មការិនីជិត១ ០០០នាក់ដែលបម្រើការងារនៅរោងចក្រកាត់ដេរសម្លៀកបំពាក់ «ញូមីងដា (ខេបូឌា) ខូអិលធីឌី (New MINGDA CAMBODIA Co.,Ltd)» ស្ថិតនៅតាមបណ្ដោយផ្លូវវេងស្រេង ក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ បានផ្ទុះការតវ៉ានៅថ្ងៃពុធនេះ ក្រោយថៅកែបញ្ឈប់ជំនួយការផ្នែកត្រួតពិនិត្យសម្លៀកបំពាក់ចំនួន៥នាក់ពីការងារ។
កម្មករ-កម្មការិនីប្រមាណ៣០០នាក់ បម្រើការងារនៅរោងចក្រកាត់ដេរសម្លៀកបំពាក់ «ឃែនធើរេន អីភែរឹល ខេមបូឌា (CANTERAN APPAREL Cambodia co.,ltd)» ស្ថិតក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ នៅថ្ងៃសុក្រនេះ បាននាំគ្នាតវ៉ាមុខក្រសួងការងារជាថ្មី ដើម្បីទាមទារសំណង៥ចំណុច ខណៈក្រសួងផ្ដល់ជូនត្រឹម៣ចំណុច។
លោកនាយករដ្ឋមន្ត្រី ហ៊ុន សែន បានបញ្ជាទៅរដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ឱ្យដោះស្រាយសំណងជូនកម្មកររោងចក្រ ឃែនធើរេន ដែលត្រូវបានថៅកែបិទទ្វារអាជីវកម្មរត់ចោល ដោយមិនបានបើកប្រាក់ឈ្នួល និងទូទាត់អត្ថប្រយោជន៍ផ្សេងៗជូនពួកគេ។
កម្មករបម្រើការងារនៅរោងចក្រ ឃែនធើរេន អីភែរឹល ខេមបូឌា (CANTERAN APPAREL Cambodia co.,ltd) ស្ថិតក្នុងសង្កាត់ចោមចៅទី១ រាជធានីភ្នំពេញ បានប្រមូលផ្ដុំគ្នានៅមុខសាលាដំបូងរាជធានីភ្នំពេញ នៅថ្ងៃចន្ទនេះ ទាមទារឱ្យតុលាការចេញដីការក្សាការពារជាថ្មីទៀត ដើម្បីថែរក្សាទ្រព្យសម្បត្តិរោងចក្រចំនួន៣ចំណុច ខណៈថៅកែបិទរោងចក្រដោយមិនបានបើកប្រាក់ឈ្នួល និងទូទាត់អត្ថប្រយោជន៍ផ្សេងៗជូនពួកគេតាមផ្លូវច្បាប់។
កម្មករប្រមាណ៤០នាក់ ធ្វើការនៅរោងចក្រ ជីងសឹង ស្ថិតក្នុងភូមិក្រាំងស្វាយ ឃុំព្រែកកំពឹស សង្កាត់ដង្កោ រាជធានីភ្នំពេញ បាននាំគ្នាប្រមូលផ្ដុំតវ៉ានៅមុខរោងចក្រ នៅថ្ងៃព្រហស្បតិ៍នេះ ដើម្បីទាមទារឱ្យក្រសួងពាក់ព័ន្ធ និងថៅកែរោងចក្រ ដោះស្រាយវិវាទការងារទៅតាមច្បាប់ ក្រោយរោងចក្របានបញ្ឈប់កម្មករដោយពុំប្រាប់ពីមូលហេតុនិងផ្ដល់ប្រាក់អត្ថប្រយោជន៍ផ្សេងៗដល់កម្មករ។
ក្រុមអង្គការសង្គមស៊ីវិលជាតិ និងអន្តរជាតិ បានជំរុញទៅរដ្ឋាភិបាលឱ្យអនុវត្តគោលនយោបាយជាតិគាំពារសង្គមសម្រាប់កម្មករសេដ្ឋកិច្ចក្រៅប្រព័ន្ធ ក្រោយរកឃើញថា ការប្តេជ្ញាចិត្តរបស់រដ្ឋាភិបាលជិត៦ឆ្នាំមកនេះ កម្មករសេដ្ឋកិច្ចក្រៅប្រព័ន្ធជិត ៧លាននាក់ នៅមិនទាន់ទទួលបានអត្ថប្រយោជន៍ពីកម្មវិធីមួយនេះនៅឡើយ។
ក្រសួងការងារ និងបណ្ដុះបណ្ដាលវិជ្ជាជីវៈ នឹងចុះជំរឿននិងផ្ទៀងផ្ទាត់ទិន្នន័យចាក់វ៉ាក់សាំងកូវីដ-១៩របស់កម្មករនិយោជិតនៅតាមរោងចក្រសហគ្រាសនានា នៅដើមខែសីហា ឆ្នាំ២០២២។
ក្រសួងការងារ និងបណ្ដុះបណ្ដាលវិជ្ជាជីវៈ បានណែនាំពីការធ្វើយុទ្ធនាការផ្សព្វផ្សាយពីការអនុវត្តរបបសន្តិសុខសង្គមផ្នែកប្រាក់សោធន សម្រាប់បុគ្គលទាំងឡាយដែលស្ថិតក្រោមបទប្បញត្តិនៃច្បាប់ស្ដីពីការងារ។
សហព័ន្ធសហជីពឯករាជ្យ (INDEPENT TRADE UNION FEDERTION) ស្នើសមាគមរោងចក្រកាត់ដេរនៅកម្ពុជា (GMAC) ឱ្យជួយអន្តរាគមន៍ទៅថៅកែរោងចក្រផលិតស្បែកជើង ខេនស្ព័តស៊ូ (Can Sports Shoes Cambodia) ស្ថិតនៅស្រុកសាមគ្គីមានជ័យ ខេត្តកំពង់ឆ្នាំង គោរពច្បាប់ស្ដីពីសហជីព។
ក្រសួងការងារ និងបណ្ដុះបណ្ដាលវិជ្ជាជីវៈ បានដាក់ចេញនូវកាលវិភាគចរចាប្រាក់ឈ្នួលអប្បបរមាសម្រាប់កម្មករ-កម្មការិនីផ្នែកវាយនភណ្ឌកាត់ដេរ ផលិតស្បែកជើង ផលិតផលធ្វើដំណើរ និងកាបូប សម្រាប់ឆ្នាំ២០២៣ ដោយគ្រោងប្រជុំជាដំណាក់កាលៗចាប់ពីខែកក្កដា ដល់ខែកញ្ញា ឆ្នាំនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
