គណបក្សភ្លើងទៀន ទាមទាររដ្ឋាភិបាលទម្លាក់បទចោទប្រកាន់និងដោះលែង ព្រមទាំងផ្ដល់ក្របខណ្ឌមន្ត្រីរាជការដល់សកម្មជនខ្លួនវិញ ដើម្បីធានាលំហប្រជាធិបតេយ្យនៅកម្ពុជា។
រដ្ឋមន្ត្រីក្រសួងមហាផ្ទៃ ជំរុញទៅបេក្ខភាពដែលជាប់ឆ្នោតជាមេឃុំ ជំទប់ទី១ ជំទប់ទី២ និងសមាជិកក្រុមប្រឹក្សាឃុំ-សង្កាត់ ត្រូវសហការគ្នាជួយដោះស្រាយបញ្ហាប្រឈមជូនប្រជាពលរដ្ឋ ដោយកុំប្រកាន់និន្នាការនយោបាយ ខណៈលោកថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិនេះ មានភាពសេរី ត្រឹមត្រូវ យុត្តិធម៌ និងគ្មានការលួចបន្លំសន្លឹកឆ្នោត ដូចការលើកឡើងរបស់គណបក្សក្រៅរដ្ឋាភិបាលមួយចំនួននោះទេ។
មេធាវីការពារក្ដីឱ្យ កញ្ញា សេង ធារី បានដាក់លិខិតទៅអគ្គនាយកដ្ឋានពន្ធនាគារនៃក្រសួងមហាផ្ទៃ ដើម្បីស្នើសុំចួបសម្ភាសជាមួយកូនក្ដីរបស់ខ្លួននៅពន្ធនាគារខេត្តព្រះវិហារ។
មេធាវីការពារក្តីឱ្យ កញ្ញា សេង ធារី អះអាងថា រូបលោកនឹងដាក់លិខិតទៅក្រសួងមហាផ្ទៃ ដើម្បីស្នើសុំចួបកូនក្ដីរបស់ខ្លួន ដោយបារម្ភខ្លាចមន្ត្រីពន្ធនាគារខេត្តព្រះវិហារ មិនអនុញ្ញាតឱ្យចូលចួបកូនក្ដីជាថ្មីទៀត បន្ទាប់ពីលោកខកខានចួបកូនក្តីម្តងរួចមកហើយ នៅពេលកូនក្តីត្រូវបានគេឃុំខ្លួននៅពន្ធនាគារព្រៃស។
អគ្គមេបញ្ជាការរងនាយសេនាធិការចម្រុះនៃកងយោធពលខេមរភូមិន្ទមួយរូប បានស្នើទៅរដ្ឋមន្ត្រីក្រសួងមហាផ្ទៃ សុំតែងតាំងកូននិងក្មួយរបស់ខ្លួនទៅជាអភិបាលរងរាជធានីភ្នំពេញ និងអភិបាលរងខេត្តសៀមរាប ខណៈពួកគេទាំងពីរនាក់នោះបច្ចុប្បន្នជាមន្ត្រីយោធារួចទៅហើយ។
មន្រ្តីជាន់ខ្ពស់គណបក្សភ្លើងទៀន អះអាងថា គណបក្សខ្លួននឹងពិនិត្យឡើងវិញពាក់ព័ន្ធការតែងតាំងលោក សុន ឆ័យ ជាអនុប្រធានបក្ស តាមសំណើក្រសួងមហាផ្ទៃ បន្ទាប់ពីក្រសួងចេញលិខិតមួយថា ការតែងតាំងនេះជាការអនុវត្តផ្ទុយពីលក្ខន្តិកៈរបស់គណបក្ស។
ក្រសួងមហាផ្ទៃ បានស្នើឱ្យគណបក្សភ្លើងទៀន ពិនិត្យឡើងវិញ និងអនុវត្តតាមលក្ខន្តិកៈគណបក្សដែលបានតម្កល់ទុកនៅក្រសួង ក្រោយរកឃើញថា ការតែងតាំងលោក សុន ឆ័យ ជាអនុប្រធានបក្សនេះកន្លងមក គឺធ្វើឡើងផ្ទុយពីលក្ខន្តិកៈរបស់គណបក្សដែលបានតម្កល់នៅក្រសួង។
ប្រតិកម្មរបស់ក្រសួងមហាផ្ទៃនៅពេលនេះ ក្រោយពី «គណបក្សកម្ពុជានិយម» ព្យាយាមលើកស្លាកគណបក្សរបស់ខ្លួននៅលើទីតាំងសាធារណៈមិនបានជោគជ័យ ខណៈអាជ្ញាធរមូលដ្ឋាននៅក្នុងសង្កាត់រលួសព្យាយាមជំទាស់ និងបិទសិទ្ធិមិនឱ្យលើកស្លាកទៅតាមការស្នើសុំឡើយ។
មេធាវីការពារក្ដីឱ្យលោក សៀម ភ្លុក ស្នើទៅសភាស៊ើបសួរសាលាឧទ្ធរណ៍រាជធានីភ្នំពេញដោះលែងកូនក្ដីឱ្យនៅក្រៅឃុំបណ្ដោះអាសន្ន ដោយថា ការមិនចូលទៅបំភ្លឺ មិនមែនមកពីកូនក្ដីរបស់លោករឹងទទឹងនោះទេ តែដោយសារមិនទទួលបានដីកាកោះពីតុលាការ។
មេធាវីការពារក្ដីឱ្យអតីតស្ថាបនិកគណបក្សបេះដូងជាតិ បានដាក់បណ្ដឹងឧទ្ធរណ៍រួចរាល់ហើយ តវ៉ាការឃុំខ្លួន ដើម្បីស្នើតុលាការថ្នាក់កណ្ដាលនេះដោះលែងកូនក្ដីរបស់ខ្លួនឱ្យមានសេរីភាពវិញ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
