សារព័ត៌មានអន្តរជាតិ អាល់ចាហ្ស៊ីរ៉ា(Aljazeera) បានអះអាងថា អ្នកជំនួញជនជាតិចិនដ៏មានឥទ្ធិពលមួយរូបដែលពាក់ព័ន្ធសំណុំរឿងឆបោកតាមអ៊ីនធឺណិតជាលក្ខណៈអន្តរជាតិ ធ្លាប់បានផ្តល់យន្តហោះទំនើបជូនដំណើរលោកនាយករដ្ឋមន្ត្រី ហ៊ុន សែន ទៅចូលរួមមហាសន្និបាតអង្គការសហប្រជាជាតិនៅទីក្រុងញូយ៉ក សហរដ្ឋអាមេរិក។
មន្រ្តីការទូតជាន់ខ្ពស់សហរដ្ឋអាមេរិក នៅតែទាមទារឱ្យរដ្ឋាភិបាលកម្ពុជាបង្ហាញតម្លាភាពពេញលេញពាក់ព័ន្ធនឹងមូលដ្ឋានកងទ័ពជើងទឹករាម ខណៈដែលប្រទេសមហាអំណាចមួយនេះតែងបង្ហាញកង្វល់អំពីវត្តមានយោធាចិននៅមូលដ្ឋានទ័ពជើងទឹករាម ដែលអាចធ្វើឱ្យប៉ះពាល់ដល់សន្តិសុខនៅក្នុងតំបន់។
បន្ទាប់ពីទទួលបានករណីកម្មកររាប់សិបនាក់ស្នើសុំឱ្យមានការជួយសង្រ្គោះ និងតាមរយៈការឆ្មក់ចូលទៅក្នុងប្រព័ន្ធកុំព្យូទ័ររបស់ប្រតិបត្តិការឆបោកនានា អតីតចោរបច្ចេកវិទ្យា (Hacker) ល្បីឈ្មោះមួយរូប ដែលបច្ចុប្បន្នកំពុងតែធ្វើការឱ្យទីភ្នាក់ងារសន្តិសុខតាមប្រព័ន្ធអ៊ីនធឺណេត (Cyber Security) របស់រដ្ឋវៀតណាម បានអំពាវនាវឱ្យមានកិច្ចអន្តរាគមន៍ជាបន្ទាន់មួយ ដើម្បីជួយជនរងគ្រោះរាប់ពាន់នាក់ចេញពីទីតាំងខុសច្បាប់ទាំងឡាយក្នុងប្រទេសកម្ពុជា។
អាជ្ញាធរខេត្តព្រះសីហនុ អនុញ្ញាតឱ្យធ្វើចរាចរណ៍លើកំណាត់ផ្លូវជាតិលេខ៤ ចំណុចស្ពានស្ទឹងសំរោងឡើងវិញ ក្រោយផ្អាកចរាចរណ៍បណ្ដោះអាសន្នកាលពីម្សិលមិញ ដោយសារជំនន់ទឹកភ្លៀងបានហក់ឡើងយ៉ាងខ្លាំង។
ក្រសួងធនធានទឹក និងឧតុនិយម និងអាជ្ញាធរខេត្តមាត់សមុទ្រចំនួន២ អំពាវនាវដល់ប្រជាពលរដ្ឋបង្កើនការប្រុងប្រយ័ត្ននឹងបញ្ហាអាកាសធាតុ ជាពិសេសពលរដ្ឋរស់នៅភូមិសាស្ត្រខេត្តកោះកុង និងខេត្តព្រះសីហនុ ខណៈកម្ពុជានឹងរងនូវឥទ្ធិពលប្រព័ន្ធសម្ពាធទាប ដែលនឹងធ្វើឱ្យបណ្ដាខេត្តនិងរាជធានី នឹងមានភ្លៀងធ្លាក់ លាយឡំនឹងរន្ទះ និងខ្យល់កន្ត្រាក់ខ្លាំង។
ជនជាតិថៃចំនួន៣រូបដែលសង្ស័យថាត្រូវបានគេចាប់បង្ខាំងនិងលក់នៅកាស៊ីណូមួយកន្លែង ត្រូវបានសមត្ថកិច្ចចាប់ខ្លួននិងចោទប្រកាន់ពីបទលួចមានស្ថានទម្ងន់ទោស បន្ទាប់ពីពួកគេព្យាយាមបើករថយន្តក្រុមហ៊ុនត្រលប់ទៅកាន់ប្រទេសកំណើតវិញ។
ស្នងការនគរបាលខេត្តព្រះសីហនុ បានបញ្ជូនជនជាតិខ្មែរចំនួន៦នាក់បន្ថែមទៀតទៅតុលាការកាលពីថ្ងៃសៅរ៍ ពាក់ព័ន្ធនឹងការកែច្នៃនិងជួញដូរអាវុធខុសច្បាប់ជាង៤០ដើមនៅក្នុងខេត្តនេះ។
តុលាការខេត្តព្រះសីហនុ សម្រេចចោទប្រកាន់ជនជាតិចិន៣នាក់ ពីបទ «គំរាមកំហែងថានឹងសម្លាប់ និងកាន់កាប់អាវុធដោយគ្មានការអនុញ្ញាត» ពាក់ព័ន្ធសំណុំរឿងចាប់ជំរិតមិត្តភក្តិដែលជាជនជាតិចិនដូចគ្នា ដើម្បីទារប្រាក់ជាង១លានដុល្លារពីគ្រួសារជនរងគ្រោះជាថ្នូរនឹងការដោះលែងវិញ។
សមត្ថកិច្ចជំនាញនៅខេត្តព្រះសីហនុ កំពុងសិក្សាស្រាវជ្រាវមើលពីផលប៉ះពាល់នៃការជក់បារីអេឡិចត្រូនិច (Vape) ទៅលើសុខភាព និងការចាត់វិធានការទៅលើអ្នកប្រើប្រាស់បារីប្រភេទនេះ ដើម្បីទប់ស្កាត់កុំឱ្យមានការប្រើប្រាស់កាន់តែច្រើនក្នុងស្រទាប់យុវវ័យនៅក្នុងខេត្តមាត់សមុទ្រមួយនេះ។
ចៅក្រមស៊ើបសួរសាលាដំបូងខេត្តព្រះសីហនុ សម្រេចឃុំខ្លួនជនជាតិចិនចំនួន ៣នាក់ជាបណ្តោះអាសន្ននៅពន្ធនាគារ ពាក់ព័ន្ធសំណុំរឿងចាប់ជំរិតមិត្តភក្តិដែលជាជនជាតិចិនដូចគ្នាដើម្បីទារប្រាក់ជាង ១លានដុល្លារពីគ្រួសារ ជាថ្នូរនឹងការដោះលែងជនរងគ្រោះវិញ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
