ក្រុមសមត្ថកិច្ចជំនាញបាននិងកំពុងសាកសួរជនជាតិចិនចំនួន៥នាក់ នៅព្រឹកថ្ងៃព្រហស្បតិ៍នេះ ដើម្បីកសាងសំណុំរឿងបញ្ជូនទៅតុលាការ ក្រោយជនជាតិចិនទាំងនោះត្រូវបានសមត្ថកិច្ចចម្រុះចាប់ខ្លួននៅក្នុងដែនសមុទ្រកម្ពុជា ក្នុងខេត្តព្រះសីហនុ ពាក់ព័ន្ធនឹងករណីជួញដូរគ្រឿងញៀនឆ្លងដែនជិត១តោន។
លោកនាយករដ្ឋមន្រ្តី ហ៊ុន សែន បានប្រាប់ទៅមេខ្លោងម្នាក់ដែលបានទន្ទ្រានដីរដ្ឋនៅខេត្តព្រះសីហនុ ដែលកំពុងរត់គេចខ្លួន ឱ្យចូលខ្លួនទៅសារភាពកំហុស ស្របពេលសមត្ថកិច្ចខេត្តព្រះសីហនុបានចាប់ខ្លួនពលរដ្ឋ៤នាក់ ក្នុងករណីទន្ទ្រានដីក្រុមហ៊ុនឯកជនមួយដែលបានទទួលសិទ្ធិវិនិយោគពីរដ្ឋាភិបាល។
គ្រូបង្វឹកគុនខ្មែរម្នាក់ស្ថិតក្នុងចំណោមជនជាតិខ្មែរ និងជនជាតិចិនមួយក្រុម បានប្រឈមមុខនឹងការចោទប្រកាន់តាមផ្លូវច្បាប់ពាក់ព័ន្ធនឹងករណីឃុំឃាំងនិងបង្ខាំងមនុស្សខុសច្បាប់ បន្ទាប់ពីមានការឆ្មក់ចូលឆែកឆេរកាស៊ីណូ Jin Gang នៅខេត្តព្រះសីហនុ កាលពីខែមេសា ដែលក្នុងប្រតិបត្តិការនោះមានជនជាតិវៀតណាមជាង២០០នាក់ត្រូវបានរំដោះ។
ជនជាតិចិន៤រូប ដែលក្នុងនោះ ៣រូបមានមុខរបរជាអ្នកគ្រប់គ្រងក្នុងកាស៊ីណូមួយកន្លែង ត្រូវបានតុលាការចោទប្រកាន់ពីបទឃាតកម្ម ទាក់ទងករណីបាញ់សម្លាប់បុរស២នាក់ជាជនជាតិចិនដូចគ្នា នៅក្រុងព្រះសីហនុ កាលពីចុងខែកក្កដាកន្លងទៅ។
រដ្ឋមន្ត្រីការបរទេសឥណ្ឌូនេស៊ី បានពិភាក្សាអំពីករណីប្រតិបត្តិការឆបោកដែលពលរដ្ឋឥណ្ឌូនេស៊ីបានចាញ់បោក នៅក្នុងជំនួបជាមួយអគ្គស្នងការនគរបាលជាតិកម្ពុជា ហើយក៏បានជួបជាមួយពលរដ្ឋឥណ្ឌូនេស៊ីរាប់សិបនាក់ដែលត្រូវបានជួយសង្គ្រោះពីទីតាំងឆបោកក្នុងខេត្តព្រះសីហនុផងដែរ។
យោងតាមប្រព័ន្ធផ្សព្វផ្សាយឥណ្ឌូនេស៊ី ឱ្យដឹងថា ស្ថានទូតឥណ្ឌូនេស៊ីបានជួយសង្គ្រោះពលរដ្ឋរបស់ខ្លួនចំនួន៦២នាក់ពីកន្លែងឃុំខ្លួនក្នុងឧស្សាហកម្មឆបោកនៅខេត្តព្រះសីហនុ កាលពីចុងសប្ដាហ៍កន្លងទៅនេះ។
សង្គមស៊ីវិល និងប្រជាពលរដ្ឋមួយចំនួន បានអំពាវនាវទៅអាជ្ញាធរពាក់ព័ន្ធក្នុងខេត្តព្រះសីហនុ ទប់ស្កាត់បទល្មើសបង្ខាំងមនុស្សខុសច្បាប់ ចាប់ជំរិត អំពើហិង្សា គ្រឿងញៀន និងបទល្មើសផ្សេងៗទៀតឱ្យមានប្រសិទ្ធភាពនិងតម្លាភាព ដើម្បីការពារសុខសន្តិភាពជូនប្រជាពលរដ្ឋ និងភ្ញៀវទេសចរដែលមកលេងកម្សាន្តខេត្តជាប់មាត់សមុទ្រមួយនេះ។
White Shark ហាក់ដូចជាប្រភេទនៃព្រឹត្តិបត្រជាភាសាចិន សម្រាប់សហគ្រាសឧក្រិដ្ឋកម្មជុំវិញពិភពលោក ជាកន្លែងដែលអង្គការនានានៅក្នុងឧស្សាហកម្មឆបោកតាមអ៊ីនធឺណិតអាចចរចាអំពីការជួញដូរមនុស្ស និងពាណិជ្ជកម្មខុសច្បាប់។ ជារៀងរាល់ថ្ងៃ អ្នកបង្ហោះនៅក្នុងបណ្ដាញនេះផ្សព្វផ្សាយអំពីសេវារបស់ពួកគេ ឬស្វែងរកអ្នករត់ពន្ធមនុស្ស អ្នកស្វែងរកចាប់ឧក្រិដ្ឋជន សូម្បីតែជនឆបោកដែលកំពុងស្វែងរកការងារថ្មី ក៏មាននៅក្នុងបណ្ដាញសង្គម White Shark នេះដែរ។
ក្រសួងការបរទេសសហរដ្ឋអាមេរិក បានដាក់កម្ពុជានៅចំណាត់ថ្នាក់ទី៣ ក្នុងបញ្ជីខ្មៅ នៅឆ្នាំ២០២២នេះ ពាក់ព័ន្ធនឹងអំពើឆបោកទង់ក្រហម (Red Flags Scam Operations) ការជួញដូរជនបរទេសចូលមកក្នុងប្រទេសកម្ពុជាដែលកំពុងមានការកើនឡើង ក៏ដូចជាការរំលោភបំពានផ្សេងទៀត ពាក់ព័ន្ធនឹងពលករចំណាកស្រុក។
ក្រសួងការបរទេសសហរដ្ឋអាមេរិក បានចង្អុលបង្ហាញអំពីប្រតិបត្តិការឆបោកតាមអ៊ីនធឺណិត ដែលជាប្រភេទប្រតិបត្តិការឆបោកទង់ក្រហម (Red Flags Scam Operations) ការជួញដូរជនបរទេសចូលមកក្នុងប្រទេសកម្ពុជាដែលកំពុងមានការកើនឡើង ក៏ដូចជាការរំលោភបំពានផ្សេងទៀត ពាក់ព័ន្ធនឹងពលករចំណាកស្រុក ហើយសកម្មភាពទាំងនេះបានធ្វើឱ្យប្រទេសកម្ពុជាធ្លាក់ដល់ចំណាត់ថ្នាក់ទាបបំផុត។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
