គណៈកម្មាធិការជាតិរៀបចំការបោះឆ្នោត គ.ជ.ប ទុករយៈពេល៤ខែដើម្បីឱ្យអ្នកសារព័ត៌មានជាតិ និងអន្តរជាតិទៅដាក់ពាក្យសុំចុះឈ្មោះធ្វើបណ្ណសម្គាល់ខ្លួន ចេញដោយ គ.ជ.ប សម្រាប់ចុះយកព័ត៌មានពីដំណើរការបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០២២ ខាងមុខនេះ។
គណៈកម្មាធិការជាតិរៀបចំការបោះឆ្នោត (គ.ជ.ប) បញ្ជាក់ជំហរថា ការដាក់ឱ្យអនុវត្តប្រព័ន្ធបោះឆ្នោតតាមគន្លងថ្មី ដោយប្រើប្រព័ន្ធបច្ចេកវិទ្យា មិនមែនជាការដាក់ឱ្យតាមដានព័ត៌មាន ឬធ្វើឱ្យប៉ះពាល់ទៅដល់លទ្ធផលឆ្នោតទេ ខណៈសង្គមស៊ីវិលដាក់ការព្រួយបារម្ភអំពីវិធានការថ្មីនេះ។
គណបក្សនយោបាយចំនួន៦ ដែលកំពុងតស៊ូមតិប្រឆាំងការសម្រេចចិត្តរបស់គណៈកម្មាធិការជាតិរៀបចំការបោះឆ្នោត (គ.ជ.ប) ដែលកែនីតិវិធីខ្លះនៃទម្រង់១១០២ កំពុងស្ទាក់ស្ទើរក្នុងការសម្រេចចិត្តចូលរួមនៅក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ដែលនឹងប្រព្រឹត្តទៅនាខែមិថុនាខាងមុខនេះ។
គណបក្សនយោបាយចំនួន៦ បានដាក់ញត្តិរួមគ្នាដោយបដិសេធនូវការបកស្រាយរបស់គណៈកម្មាធិការជាតិរៀបចំការបោះឆ្នោត (គ.ជ.ប) អំពីមូលហេតុនៃការកែប្រែនីតិវិធីដែលលុបបំបាត់ព័ត៌មានសំខាន់លើកំណត់ហេតុនៃការរាប់សន្លឹកឆ្នោត ឬ «ទម្រង់១១០២»។
គណបក្សក្រៅរដ្ឋាភិបាលមួយចំនួនចោទអាជ្ញាធរមូលដ្ឋានក្នុងខេត្តខ្លះថា នៅតែបន្តរារាំងពួកគេមិនឱ្យលើកស្លាកសញ្ញាគណបក្សនយោបាយ និងរឹតត្បិតសេរីភាពនៃការជួបជុំ ដែលផ្ទុយពីច្បាប់ជាតិនិងច្បាប់ស្ដីពីគណបក្សនយោបាយ។
ប្រធានស្ដីទីគណបក្សហ្វ៊ុនស៊ិនប៉ិច ព្រះអង្គម្ចាស់ នរោត្ដម ចក្រាវុធ មានព្រះរាជបន្ទូលប្រកាសស្វាគមន៍ចំពោះអតីតថ្នាក់ដឹកនាំបក្ស ឬអ្នកនយោបាយគណបក្សផ្សេងដែលចង់មករួមរស់ក្រោមដំបូលគណបក្សហ្វ៊ុនស៊ិនប៉ិច ដើម្បីនាំមកនូវសុខសន្តិភាពនិងស្ថិរភាពនយោបាយនៅកម្ពុជា។
គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចលុបឈ្មោះប្រជាពលរដ្ឋ៥នាក់ចេញពីបញ្ជីបោះឆ្នោត នៅសង្កាត់ផ្សារចាស់ រាជធានីភ្នំពេញ ខណៈពួកគេប្ដឹងតវ៉ាចំពោះសេចក្ដីសម្រេចនេះ។
គណបក្សនយោបាយចំនួន៣ បានប្រកាសរួមគ្នាជាថ្មីទៀតថា នឹងបន្តទាមទារឱ្យស្ថាប័នជាតិរៀបចំការបោះឆ្នោត (គ.ជ.ប) ត្រូវទទួលយកសេចក្ដីស្នើអំពីទម្រង់១១០២ ដែលជាក្ដីកង្វល់របស់គណបក្សនយោបាយនៅក្រៅរដ្ឋាភិបាល ដាក់បញ្ចូលទៅក្នុងដំណើរការបោះឆ្នោតឡើងវិញ ខណៈ គ.ជ.ប ធ្លាប់បានច្រានចោលសេចក្ដីស្នើនោះ។
គណៈកម្មាធិការជាតិរៀបចំការបោះឆ្នោត (គ.ជ.ប) បានទទួលពាក្យបណ្តឹងចំនួន៣៦បណ្តឹង ពីបណ្តារាជធានី-ខេត្តចំនួន១០ នៅដំណាក់កាលបិទផ្សាយបញ្ជីឈ្មោះបោះឆ្នោតដំបូង និងបញ្ជីឈ្មោះអ្នកបោះឆ្នោតដែលនឹងត្រូវលុបចេញពីបញ្ជីឈ្មោះបោះឆ្នោតឆ្នាំ២០២១ ក្រុមប្រឹក្សាឃុំ-សង្កាត់ ទូទាំងប្រទេស។
គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចច្រានចោលក្ដីកង្វល់របស់គណបក្សនយោបាយមួយចំនួន អំពីទម្រង់១១០២ និងទម្រង់១១០៤ ដែលបម្រើឱ្យការបោះឆ្នោតឃុំ-សង្កាត់ឆ្នាំ២០២២ ខណៈគណបក្សនយោបាយទាំងនោះនឹងនៅតែបន្តជំរុញឱ្យ គ.ជ.ប ប្ដូរឥរិយាបថនៃការសម្រេចចិត្តរបស់ខ្លួន ដើម្បីធានាឱ្យការបោះឆ្នោតប្រព្រឹត្តទៅដោយសេរី ត្រឹមត្រូវ និងយុត្តិធម៌។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
