រដ្ឋមន្ត្រីក្រសួងមហាផ្ទៃ លោក ស ខេង ព្រមានពីវិធានការផាកពិន័យធ្ងន់ធ្ងរ ចំពោះជនបរទេសទាំងឡាយណាមិនគោរពច្បាប់កម្ពុជា រួមទាំងអ្នកគប់គិត ដែលជាផ្នែកមួយដើម្បីបង្កើនប្រាក់ចំណូលជាតិ ក្រោយពីរកឃើញថា ជនបរទេសដែលធ្វើការនៅកម្ពុជាជិត៩០ភាគរយកំពុងបំពានច្បាប់កម្ពុជា។
សមត្ថកិច្ចក្នុងតំបន់ បាននិយាយកាលពីថ្ងៃព្រហស្បតិ៍ម្សិលមិញថា ពលករបរទេសរាប់រយនាក់ដែលត្រូវបានសង្រ្គោះពីកាស៊ីណូនៅក្រុងបាវិត ខេត្តស្វាយរៀង បាននាំគ្នាសម្រុកចូលទៅក្នុងប្រទេសវៀតណាម ដោយរត់កាត់តាមវាលស្រែ និងហែលឆ្លងទន្លេ។
សមត្ថកិច្ចខេត្តស្វាយរៀង បានឱ្យដឹងថា ពលករបរទេសបានគប់ដុំថ្មទៅលើរថយន្តក្រុង ក្នុងក្រុងបាវិត ហើយអ្នកដំណើរបានព្យាយាមសម្រុកចាកចេញពីរថយន្តក្រុងនោះ ខណៈប្រជាពលរដ្ឋក្នុងតំបន់និយាយថា មានមនុស្សរាប់រយនាក់បានចាកចេញពីទីតាំងប្រតិបត្តិការឆបោកក្នុងក្រុងបាវិត ខេត្តស្វាយរៀង នៃប្រទេសកម្ពុជា ជាប់ព្រំដែនប្រទេសវៀតណាម ជារៀងរាល់ថ្ងៃ។
ស្របពេលមានការចុះបង្រ្កាប និងការចាប់ខ្លួនកាន់តែខ្លាំងពីសំណាក់អាជ្ញាធរ ក្នុងនោះ គេសង្កេតឃើញថា ក្រុមអ្នកឆបោកដែលកំពុងតែធ្វើសកម្មភាពក្នុងប្រទេសកម្ពុជាហាក់កំពុងតែងាកទៅកាន់ប្រទេសផ្សេងៗ ខណៈរបាយការណ៍អំពីការកើនឡើងនៃករណីឆបោកក៏បានលេចឡើងនៅក្នុងប្រទេសឡាវ និងមីយ៉ាន់ម៉ា ផងដែរ។
ខណៈដែលចំនួនវិនិយោគិនចិន និងពលករចំណាកស្រុក មានការកើនឡើងនៅកម្ពុជា ករណីឧក្រិដ្ឋកម្មឆ្លងដែនក៏កើនឡើងដំណាលគ្នានេះដែរ។ បទល្មើសនេះបានគំរាមកំហែងយ៉ាងធ្ងន់ធ្ងរដល់សន្តិសុខនៅក្រុងកំពង់ផែនៃខេត្តព្រះសីហនុ និងគំរាមដល់សន្តិសុខនៅកន្លែងផ្សេងទៀតនៅក្នុងប្រទេស។
បុរសម្នាក់បានចាប់ផ្ដើមដោះស្លាកឈ្មោះកាស៊ីណូមួយកន្លែងនៅក្នុងសង្កាត់លេខ៤ ក្រុងព្រះសីហនុ ដែលបានបិទអាជីវកម្មរួច។ គ្រប់បង្អួចទាំងអស់នៃអាគារនេះសុទ្ធតែបិទជិត ចំណែកជណ្ដើរដែកនៅចំហៀងអាគារនេះមានវល្លិដុះព័ទ្ធជិត។
រថយន្តក្រុងចំនួន៣គ្រឿងត្រូវបានដឹកនាំដោយរថយន្តស៊ីរ៉ែនរបស់នគរបាលចេញពីផ្លូវលេខ៣១០ នៅកណ្ដាលរាជធានីភ្នំពេញ នៅម៉ោង១២និង២៥នាទី រំលងអធ្រាត្រថ្ងៃព្រហស្បតិ៍ម្សិលមិញ។ មន្ត្រីនគរបាលបានទៅឈរជើងតាំងពីព្រឹកព្រលឹម នៅអគារអាផាតមិន (Apartment) មួយកន្លែង និងបិទចរាចរណ៍មហាវិថីព្រះមុនីវង្ស និងផ្លូវលេខ៦៣។ យ៉ាងហោចណាស់មានរថយន្តនគរបាលចំនួន៦គ្រឿងចតនៅតាមផ្លូវ។
ឯកអគ្គរាជទូតអូស្ត្រាលីប្រចាំនៅកម្ពុជា អះអាងថា លោកបានលើកយកបញ្ហាមួយចំនួននៅកម្ពុជា ដូចជា បញ្ហាជួញដូរមនុស្ស គ្រឿងញៀន ការលាងលុយកខ្វក់ វិវាទការងារនៅក្រុមហ៊ុនណាហ្គាវើលដ៍ ការបោះឆ្នោតឆ្នាំ២០២៣ រួមទាំងសំណុំរឿងលោក កឹម សុខា និងលោក សុន ឆ័យ ជាដើម ទៅជជែកជាមួយរដ្ឋមន្ត្រីក្រសួងមហាផ្ទៃ លោក ស ខេង។
ខេត្តព្រះសីហនុ ដែលស្ថិតនៅជាប់មាត់សមុទ្រ ភាគខាងត្បូងប្រទេសកម្ពុជា បច្ចុប្បន្នកំពុងស្ថិតនៅក្រោមការឆ្មក់របស់នគរបាល ចំពោះការជួញដូរមនុស្ស ដែលត្រូវបានរកឃើញថា មានការបង្ខាំង ការធ្វើទារុណកម្ម និងមានពលករបរទេសរាប់ពាន់នាក់ដែលមិនមានឯកសារត្រឹមត្រូវ។ អស់រយៈពេលជាងមួយឆ្នាំមកនេះ ពលករបរទេសជាច្រើននាក់បានចាញ់បោកគេមកធ្វើការនៅកម្ពុជា ដែលការងារនោះជាការឆបោកតាមអ៊ីនធឺណិត និងត្រូវបានបង្ខំឱ្យបង់ប្រាក់រាប់ពាន់ដុល្លារជាថ្នូរនឹងការដោះលែង។
កម្មករ ១០នាក់ដែលត្រូវបានជួយសង្គ្រោះចេញពីទីតាំងប្រតិបត្តិការឆបោក បាននាំគ្នារត់គេចចេញពីមណ្ឌលមួយកន្លែងដែលអាជ្ញាធររៀបចំឱ្យស្នាក់នៅបណ្ដោះអាសន្ន ក្នុងរាជធានីភ្នំពេញ កាលពីយប់ថ្ងៃពុធកន្លងទៅ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
