សារព័ត៌មានថៃ Bangkok Post បានចុះផ្សាយថា អ្នកជំនួញជនជាតិចិនមួយរូបដែលមានលិខិតឆ្លងដែនកម្ពុជា ត្រូវបានអាជ្ញាធរថៃចាប់ខ្លួន ក្រោមដីកាចាប់ខ្លួនអន្តរជាតិ ពីបទ «បើកកាស៊ីណូអនឡាញខុសច្បាប់» ខណៈមន្ត្រីរដ្ឋាភិបាលកម្ពុជាពុំទាន់អាចបំភ្លឺបានទេជុំវិញរឿងនេះ។
កម្មកររាប់សិបនាក់ កាលពីព្រឹកថ្ងៃព្រហស្បតិ៍សប្ដាហ៍មុន បាននាំគ្នាសម្រុករត់គេចចេញពីកាស៊ីណូមួយកន្លែងក្នុងស្រុកកោះធំ ខេត្តកណ្ដាល និងលោតចូលក្នុងព្រែកបិនយី (Binh Di) ដើម្បីហែលឆ្លងទៅត្រើយម្ខាងទៀតនៃប្រទេសវៀតណាម។
គ្រូបង្វឹកគុនខ្មែរម្នាក់ស្ថិតក្នុងចំណោមជនជាតិខ្មែរ និងជនជាតិចិនមួយក្រុម បានប្រឈមមុខនឹងការចោទប្រកាន់តាមផ្លូវច្បាប់ពាក់ព័ន្ធនឹងករណីឃុំឃាំងនិងបង្ខាំងមនុស្សខុសច្បាប់ បន្ទាប់ពីមានការឆ្មក់ចូលឆែកឆេរកាស៊ីណូ Jin Gang នៅខេត្តព្រះសីហនុ កាលពីខែមេសា ដែលក្នុងប្រតិបត្តិការនោះមានជនជាតិវៀតណាមជាង២០០នាក់ត្រូវបានរំដោះ។
រដ្ឋមន្ត្រីការបរទេសឥណ្ឌូនេស៊ី បានពិភាក្សាអំពីករណីប្រតិបត្តិការឆបោកដែលពលរដ្ឋឥណ្ឌូនេស៊ីបានចាញ់បោក នៅក្នុងជំនួបជាមួយអគ្គស្នងការនគរបាលជាតិកម្ពុជា ហើយក៏បានជួបជាមួយពលរដ្ឋឥណ្ឌូនេស៊ីរាប់សិបនាក់ដែលត្រូវបានជួយសង្គ្រោះពីទីតាំងឆបោកក្នុងខេត្តព្រះសីហនុផងដែរ។
អង្គការធ្វើការផ្នែកសិទ្ធិមនុស្សមួយ បានរកឃើញថា ការផ្ដល់ប្រាក់កម្ចីមិនផ្លូវការ កំពុងដាក់គោលដៅលើស្រ្តីខ្មែរ នៅលើបណ្ដាញសង្គមហ្វេសប៊ុក និងតេឡេក្រាម ហើយការប្រើប្រាស់កម្ចីអនឡាញនេះ អាចទាញស្ដ្រីទាំងនោះឱ្យធ្លាក់ក្នុងបំណុលវ័ណ្ឌក និងការជំរិតទារប្រាក់ តាមរយៈការប្រើប្រាស់រូបភាព និងវីដេអូអាក្រាតរបស់ជនរងគ្រោះ។
យោងតាមប្រព័ន្ធផ្សព្វផ្សាយឥណ្ឌូនេស៊ី ឱ្យដឹងថា ស្ថានទូតឥណ្ឌូនេស៊ីបានជួយសង្គ្រោះពលរដ្ឋរបស់ខ្លួនចំនួន៦២នាក់ពីកន្លែងឃុំខ្លួនក្នុងឧស្សាហកម្មឆបោកនៅខេត្តព្រះសីហនុ កាលពីចុងសប្ដាហ៍កន្លងទៅនេះ។
ទស្សនាវដ្ដី ឥណ្ឌូនេស៊ី Tempo បានរាយការណ៍ថា ស្ថានទូតឥណ្ឌូនេស៊ីបានអំពាវនាវឱ្យនគរបាលកម្ពុជាជួយសង្គ្រោះជនជាតិរបស់ខ្លួនចំនួន៥៣នាក់ ដែលស្ថានទូតមួយនេះជឿថា កំពុងជាប់ឃុំនៅទីកន្លែងឧស្សាហកម្មឆបោកក្នុងប្រទេសកម្ពុជា ដែលជាផ្នែកមួយនៃការកើនឡើងយ៉ាងខ្លាំងនៃជនរងគ្រោះនៅឆ្នាំនេះ។
សង្គមស៊ីវិល និងប្រជាពលរដ្ឋមួយចំនួន បានអំពាវនាវទៅអាជ្ញាធរពាក់ព័ន្ធក្នុងខេត្តព្រះសីហនុ ទប់ស្កាត់បទល្មើសបង្ខាំងមនុស្សខុសច្បាប់ ចាប់ជំរិត អំពើហិង្សា គ្រឿងញៀន និងបទល្មើសផ្សេងៗទៀតឱ្យមានប្រសិទ្ធភាពនិងតម្លាភាព ដើម្បីការពារសុខសន្តិភាពជូនប្រជាពលរដ្ឋ និងភ្ញៀវទេសចរដែលមកលេងកម្សាន្តខេត្តជាប់មាត់សមុទ្រមួយនេះ។
White Shark ហាក់ដូចជាប្រភេទនៃព្រឹត្តិបត្រជាភាសាចិន សម្រាប់សហគ្រាសឧក្រិដ្ឋកម្មជុំវិញពិភពលោក ជាកន្លែងដែលអង្គការនានានៅក្នុងឧស្សាហកម្មឆបោកតាមអ៊ីនធឺណិតអាចចរចាអំពីការជួញដូរមនុស្ស និងពាណិជ្ជកម្មខុសច្បាប់។ ជារៀងរាល់ថ្ងៃ អ្នកបង្ហោះនៅក្នុងបណ្ដាញនេះផ្សព្វផ្សាយអំពីសេវារបស់ពួកគេ ឬស្វែងរកអ្នករត់ពន្ធមនុស្ស អ្នកស្វែងរកចាប់ឧក្រិដ្ឋជន សូម្បីតែជនឆបោកដែលកំពុងស្វែងរកការងារថ្មី ក៏មាននៅក្នុងបណ្ដាញសង្គម White Shark នេះដែរ។
ក្រសួងការបរទេសសហរដ្ឋអាមេរិក បានដាក់កម្ពុជានៅចំណាត់ថ្នាក់ទី៣ ក្នុងបញ្ជីខ្មៅ នៅឆ្នាំ២០២២នេះ ពាក់ព័ន្ធនឹងអំពើឆបោកទង់ក្រហម (Red Flags Scam Operations) ការជួញដូរជនបរទេសចូលមកក្នុងប្រទេសកម្ពុជាដែលកំពុងមានការកើនឡើង ក៏ដូចជាការរំលោភបំពានផ្សេងទៀត ពាក់ព័ន្ធនឹងពលករចំណាកស្រុក។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
