ប្រជាពលរដ្ឋនៅតំបន់ព្រៃសហគមន៍ឧត្ដមស្រែពស់ ហៅព្រៃមេត្តាធម្មជាតិ បានអះអាងថា ក្រុមទាហាននៅតែបន្តធ្វើសកម្មភាពទន្ទ្រានយកដីព្រៃសហគមន៍មួយនេះ ខណៈអាជ្ញាធរនៅមិនទាន់ដោះស្រាយបញ្ហាវិវាទដីធ្លីនេះចប់នៅឡើយ។
សាលាដំបូងខេត្តកំពង់ឆ្នាំង បានកោះហៅសកម្មជនដីធ្លីចំនួន២នាក់នៅសហគមន៍ឡពាង ឱ្យចូលសវនាការនៅពាក់កណ្ដាលខែមករានេះ ពាក់ព័ន្ធរឿងជម្លោះដីធ្លីកាលពីឆ្នាំមុន នៅភូមិតាមល់លើ ឃុំកោះថ្កូវ ស្រុកជលគិរី ខេត្តកំពង់ឆ្នាំង។
ពលរដ្ឋប្រមាណ៤៦០គ្រួសាររស់នៅជាប់ព្រលានយន្តហោះថ្មី នៅខេត្តកណ្ដាល អះអាងថា អ្នកភូមិកំពុងមានសម្ពាធធ្ងន់ធ្ងរ និងចេញប្រកបរបររកស៊ីទាំងអារម្មណ៍មិននឹងនរ ដោយសារបារម្ភថានឹងត្រូវគេឈូសឆាយបណ្តេញចេញពីផ្ទះទាំងបង្ខំ ខណៈមានគេមកប្រាប់ជាច្រើនលើកច្រើនសាឱ្យពួកគាត់រុះរើរោងចិញ្ចឹមសត្វចេញពីដីផ្ទះ និងហាមសង់សំណង់ថ្មីជាដើម ស្របពេលអាជ្ញាធរខេត្តមិនទាន់ឆ្លើយតបជាវិជ្ជមាននូវការស្នើសុំបណ្ណកម្មសិទ្ធិដីធ្លីរបស់ពួកគាត់។
ក្រុមអ្នកការពារសិទ្ធិមនុស្ស កត់សម្គាល់ថា ក្នុងឆ្នាំ២០២២នេះ ការរំលោភបំពានដីធ្លីនៅតែបន្តកើនឡើងរាលដាលដល់តំបន់ជនជាតិដើមភាគតិចរស់នៅ ជាប់ព្រំដែនវៀតណាមនិងថៃ បង្កផលប៉ះពាល់ដល់សិទ្ធិរស់រានមានជីវិត និងសិទ្ធិសេដ្ឋកិច្ច ដែលការពារដោយរដ្ឋធម្មនុញ្ញ។
លោកនាយករដ្ឋមន្ត្រី ហ៊ុន សែន ណែនាំឱ្យក្រសួង និងអាជ្ញាធរពាក់ព័ន្ធ ពន្លឿនការចុះបញ្ជីក្បាលដីជូនប្រជាពលរដ្ឋ ដោះស្រាយបញ្ហាដីធ្លី និងអនុវត្តការងារកាត់ឆ្វៀលដីតំបន់បឹងទន្លេសាបជូនប្រជាពលរដ្ឋឱ្យបានរួចរាល់នៅឆ្នាំ២០២៣។
ពលរដ្ឋ ៧៣គ្រួសារ នៅភូមិស្នាសង្គ្រាម ឃុំបល្ល័ង្ក ស្រុកប្រាសាទបាគង ខេត្តសៀមរាប បានទៅប្រមូលផ្តុំ និងបោះតង់ស្នាក់នៅលើដីជម្លោះជាថ្មីទៀត នៅថ្ងៃសុក្រនេះ ក្រោយគ្មានដំណោះស្រាយពីអាជ្ញាធរ។
ជនជាតិដើមភាគតិចកួយ ចំនួន៥នាក់ បានស្នើទៅតុលាការឱ្យទម្លាក់ចោលការចោទប្រកាន់លើពួកគេ ក្រោយជាប់បណ្ដឹងពាក់ព័ន្ធរឿងជម្លោះដីធ្លីជាមួយក្រុមហ៊ុនចិន ស្ថិតនៅឃុំប្រមេរ ស្រុកត្បែងមានជ័យ ខេត្តព្រះវិហារ។
ពលរដ្ឋជាង២០០នាក់ តំណាងឱ្យជាង៣០០គ្រួសារ បានប្រមូលផ្តុំតវ៉ានៅមុខសាលាឃុំឃុនរាម ស្រុកបន្ទាយស្រី ខេត្តសៀមរាប នៅថ្ងៃពុធនេះ ដើម្បីទាមទារឱ្យអាជ្ញាធរដោះស្រាយបញ្ហាដីធ្លីជូនពួកគាត់ តាមការសន្យាដែលបានធ្វើឡើងមុនពេលបោះឆ្នោតក្រុមប្រឹក្សាឃុំសង្កាត់។
តំណាងពលរដ្ឋជាង៧០គ្រួសារ នៅភូមិស្នាសង្គ្រាម ឃុំបល្ល័ង្ក ស្រុកប្រាសាទបាគង ខេត្តសៀមរាប ដែលអះអាងថាមានវិវាទដីធ្លីជាមួយអាជ្ញាធរជាតិអប្សរា ទទូចជាថ្មីឱ្យអាជ្ញាធរពន្លឿនការដោះស្រាយបញ្ចប់វិវាទដីធី្លដែលអូសបន្លាយមកជិត២០ឆ្នាំមកហើយ ខណៈពួកគាត់កំពុងជួបការលំបាកក្នុងជីវភាព។
ប្រជាសហគមន៍អះអាងថា ទាហាននៃបញ្ជាការដ្ឋានរថក្រោះកងទ័ពជើងគោក បានដាក់គ្រឿងចក្រទៅភ្ជួរលើដីសហគមន៍ «ឧត្ដមស្រែពស់ និងព្រៃមេត្តាធម្មជាតិ» ស្ថិតនៅឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ ជាថ្មីទៀត បើទោះជាអាជ្ញាធរបានកាត់ឆ្វៀលដីនោះឱ្យទៅប្រជាសហគមន៍គ្រប់គ្រង និងអាស្រ័យផលរួចទៅហើយក៏ដោយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
