សហគមន៍ព្រៃឈើភ្នំទទឹង មានទីតាំងស្ថិតក្នុងភូមិកំពង់ចិន ឃុំស្ទឹងកែវ ស្រុកទឹកឈូ ខេត្តកំពត ដែលមានចម្ងាយប្រមាណ២៥គីឡូម៉ែត្រពីទីរួមខេត្តកំពត។ នៅក្នុងព្រៃសហគមន៍មួយនេះមានកូនឈើប្រណិតៗរាប់រយដើមដុះពាសពេញព្រៃ រួមមាន ក្រញូង ធ្នង់ សុក្រំ និងបេង ជាដើម ខណៈដើមឈើប្រណិតធំៗត្រូវរងការកាប់បំផ្លាញពីជនខិលខូចជាបន្តបន្ទាប់តាំងពីអំឡុងឆ្នាំ២០០៩។
ជីកព័ទ្ធជុំវិញចំណុចស្នូលនៃតំបន់ការពារ លេណដ្ឋានការពារសត្វព្រៃពីអ្នកប្រមាញ់ មានជម្រៅ ២ម៉ែត្រកន្លះ និងមានប្រវែង ១៧គីឡូម៉ែត្រ មិនទាន់សាងសង់រួចរាល់ទាំងស្រុងនោះទេ។ គម្រោងជីកលេណដ្ឋានដែលជាខែលការពារសត្វព្រៃនេះ នៅសេសសល់ប្រមាណ ១៥គីឡូម៉ែត្រទៀត ហើយវាមានភាពប្រកៀកប្រកិតគ្នារវាង «ផលប៉ះពាល់បរិស្ថាន និងគុណសម្បត្តិ» ផងដែរ។
បណ្តាញសហគមន៍ព្រៃឡង់ ស្នើដល់រដ្ឋាភិបាលដកហូតសិទ្ធិសម្បទានសេដ្ឋកិច្ចក្រុមហ៊ុនក្នុងដែនជម្រកសត្វព្រៃព្រៃឡង់ និងតួនាទីមន្ត្រីរាជការរូបណាដែលពាក់ព័ន្ធនឹងបទល្មើស ព្រមទាំងអនុវត្តច្បាប់ឱ្យបានតឹងរ៉ឹងក្នុងការទប់ស្កាត់បទល្មើសនានានៅតំបន់ការពារមួយនេះ ក្រោយពួកគេសង្កេតឃើញសកម្មភាពល្មើសច្បាប់នៅជុំវិញតំបន់ព្រៃឡង់ នៅបន្តកើតមានយ៉ាងអនាធិបតេយ្យ។
ប្រជាសហគមន៍ព្រៃឡង់ ខេត្តស្ទឹងត្រែង សម្ដែងការព្រួយបារម្ភពីការបាត់បង់មុខរបរប្រពៃណីតាមរយៈការទាញយកផលអនុផលព្រៃឈើ ខណៈពួកគាត់នៅតែរកឃើញថា បទល្មើសកាប់បំផ្លាញព្រៃឈើបន្តកើតមានឡើងឥតឈប់ឈរ។
ផ្ដើមចេញពីទឹកចិត្តស្រឡាញ់ធនធានធម្មជាតិ បានជំរុញឱ្យប្រជាសហគមន៍មួយរូប វ័យ៧១ឆ្នាំ លោក សយ សាត បានលះបង់សេចក្ដីសុខផ្ទាល់ខ្លួន និងពេលវេលាប្រចាំថ្ងៃ ដើម្បីការពារ «ព្រៃសហគមន៍មេត្តាធម្មជាតិ» ឬ «ព្រៃឧត្ដមស្រែពស់» ស្ថិតនៅស្រុកឱរ៉ាល់ ខេត្តកំពង់ស្ពឺ ទោះបីជាធ្លាប់រងអំពើហិង្សាជាច្រើនដង និងកំពុងជាប់បណ្ដឹងចំនួន២នៅតុលាការ ដោយសារការរារាំងមិនឱ្យកាប់បំផ្លាញព្រៃសហគមន៍។
ប្រជាសហគមន៍ឧត្តមស្រែពស់ ឬព្រៃមេត្តាធម្មជាតិ ដែលរស់នៅភូមិពោធិ៍មាស ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ បានបង្ហាញពីការអស់ជំនឿចិត្តចំពោះមន្រ្តីអាជ្ញាធរខេត្តនេះ ក្នុងការទប់ស្កាត់បទល្មើសការកាប់បំផ្លាញព្រៃសហគមន៍ ខណៈគាត់លើកឡើងថា ជនល្មើសនៅតែបន្តលួចចូលកាប់ព្រៃសហគមន៍ និងបានបំផ្លាញព្រះពុទ្ធរូបថែមទៀតផង។
ជនជាតិដើមភាគតិចកួយ នៅតំបន់ក្បិតចង្ហូរខ្នារ ឃុំងន ស្រុកសណ្ដាន់ ខេត្តកំពង់ធំ មានប្រពៃណីចូលព្រៃចៀរជ័រ ដងជ័រ បោចវល្លិ ធ្វើចន្លុះ កាប់បន្លែព្រៃ ជីករំដេង រកមើមចិន ដកផ្សិត ជីកដំឡូង កាប់សោម ច្រូតស្បូវ បេះផ្លែឈើព្រៃ ដូចជា ផ្លែគុយ សុគង់ រំដួល និងរកអនុផលព្រៃឈើជាច្រើនទៀត ដើម្បីយកទៅលក់។
ក្រុមយុវជនដែលសកម្មការពារបរិស្ថានប្រមាណ៣០នាក់ បាននាំគ្នាស្លៀកពាក់ស ដើរដង្ហែសពព្រៃឈើទៅកាន់ក្រសួងបរិស្ថាន ដើម្បីដាក់ញត្តិទាមទារឱ្យបញ្ឈប់ការរឹតត្បិតសិទ្ធិសេរីភាពពលរដ្ឋក្នុងសកម្មភាពការពារព្រៃឈើ។
ក្រុមយុវជនដែលសកម្មផ្នែកការពារបរិស្ថានប្រមាណ៣០នាក់ នៅព្រឹកថ្ងៃព្រហស្បតិ៍នេះ បាននាំគ្នាស្លៀកពាក់សក្នុងទម្រង់ដង្ហែសពព្រៃឈើ ដើរហែក្បួនពីចំណុចមុខស្ថានទូតចិន ផ្លូវម៉ៅសេទុង ឆ្ពោះទៅកាន់ក្រសួងបរិស្ថាន ដើម្បីដាក់ញត្តិទាមទារឱ្យបញ្ឈប់ការរឹតត្បិតសិទ្ធិសេរីភាពពលរដ្ឋក្នុងសកម្មភាពការពារព្រៃឈើ។
សហគមន៍ជនជាតិភាគតិចគួយ នៅឃុំប្រមេរុ ស្រុកត្បែងមានជ័យ ខេត្តព្រះវិហារ បានស្នើជាថ្មីដល់រដ្ឋាភិបាល ជាពិសេសអាជ្ញាធរមូលដ្ឋាន និងក្រសួងពាក់ព័ន្ធ បង្កើនការការពារព្រៃឈើនៅដែនជម្រកសត្វព្រៃព្រះរការ ដោយពួកគេអះអាងថា ការដឹកឈើខុសច្បាប់ចេញពីព្រៃមួយនេះនៅតែបន្តកើតមានជារៀងរាល់ថ្ងៃ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
