កម្ពុជាក្នុងនាមប្រធានអាស៊ាន ជំរុញឱ្យបញ្ឈប់អំពើហិង្សានៅមីយ៉ាន់ម៉ាជាបន្ទាន់ ខណៈខ្លួនមានការព្រួយបារម្ភជាខ្លាំងចំពោះការកើនឡើងនូវអំពើហិង្សាក្នុងប្រទេសនេះ ជាពិសេសការវាយប្រហារតាមអាកាសនាពេលថ្មីៗនេះ ដែលបណ្ដាលឱ្យមនុស្សស្លាប់ និងរងរបួសជាច្រើននាក់។
ក្រុមប្រឆាំង និងប្រព័ន្ធផ្សព្វផ្សាយ បានឱ្យដឹងកាលពីថ្ងៃចន្ទថា ការវាយប្រហារតាមអាកាសបានសម្លាប់មនុស្សយ៉ាងហោចណាស់៥០នាក់ នៅកន្លែងប្រគុំតន្ត្រីមួយក្នុងប្រទេសមីយ៉ាន់ម៉ា ដែលរៀបចំឡើងដោយក្រុមជនជាតិភាគតិច ដែលមានជម្លោះជាមួយយោធាដែលកំពុងកាន់អំណាច។ អង្គការសហប្រជាជាតិ និងស្ថានទូតលោកខាងលិច បានថ្កោលទោសការវាយប្រហារនោះ។
យោងតាមប្រភពមួយបានឱ្យដឹងថា តុលាការដែលគ្រប់គ្រងដោយរបបយោធាមីយ៉ាន់ម៉ា នៅថ្ងៃពុធនេះ បានកាត់ទោសអតីតមេដឹកនាំមីយ៉ាន់ម៉ាដែលត្រូវបានទម្លាក់ពីតំណែង លោកស្រី អ៊ុងសាន ស៊ូជី ឱ្យជាប់ពន្ធនាគាររយៈពេល៣ឆ្នាំបន្ថែមទៀត ពីបទ «ទទួលសំណូក»។
រដ្ឋមន្ត្រីការបរទេសអាមេរិក លោក អែនតូនី ប្លីងខិន (Antony Blinken) បាននិយាយថា នៅថ្ងៃព្រហស្បតិ៍ម្សិលមិញនេះ សហរដ្ឋអាមេរិកបានដាក់ទណ្ឌកម្មលើពាណិជ្ជករមីយ៉ាន់ម៉ាម្នាក់ និងមនុស្សពីរនាក់ទៀត ពាក់ព័ន្ធនឹងការទិញអាវុធពីប្រទេសបេឡារុស ដែលផលិតនៅរុស្ស៊ី សម្រាប់របបយោធាដែលបានដណ្ដើមអំណាចកាលពីដើមឆ្នាំមុន។
ប្រភពមួយបានឱ្យដឹងថា តុលាការដែលគ្រប់គ្រងដោយរបបយោធាមីយ៉ាន់ម៉ា នៅថ្ងៃព្រហស្បតិ៍នេះ បានកាត់ទោសអតីតមេដឹកនាំមីយ៉ាន់ម៉ាដែលត្រូវបានទម្លាក់ពីតំណែង លោកស្រី អ៊ុងសាន ស៊ូជី និងអតីតទីប្រឹក្សាសេដ្ឋកិច្ចរបស់លោកស្រីមួយរូប លោក សន ថឺនែល (Sean Turnell) ឱ្យជាប់ពន្ធនាគាររយៈពេល៣ឆ្នាំ ពីបទ «រំលោភការសម្ងាត់រដ្ឋ»។
ប្រភពមួយបានឱ្យដឹងនៅថ្ងៃអង្គារម្សិលមិញថា ចក្រភពអង់គ្លេសមិនបានអញ្ជើញតំណាងណាមួយមកពីប្រទេសរុស្ស៊ី បេឡារុស្ស និងមីយ៉ាន់ម៉ា ដើម្បីចូលរួមពិធីបុណ្យព្រះសពរបស់ព្រះមហាក្សត្រី អេលីហ្សាប៊ែត ទី២ (Elizabeth II) ដែលនឹងត្រូវធ្វើឡើងនៅថ្ងៃចន្ទសប្តាហ៍ក្រោយនេះទេ។
ប្រធានាធិបតីរុស្ស៊ី លោក វ្លាឌីមៀរ ពូទីន (Vladimir Putin) បានសាទរចំពោះទំនាក់ទំនងជាវិជ្ជមានជាមួយប្រទេសមីយ៉ាន់ម៉ា នៅថ្ងៃទី៧ ខែកញ្ញា ឆ្នាំ២០២២នេះ ខណៈលោកបានជួបជាមួយប្រមុខយោធារបស់ប្រទេសនេះ គឺលោក មីន អ៊ុងឡាំង (Min Aung Hlaing) នៅទីក្រុងវ្លាឌីវូស្តុក (Vladivostok) ភាគខាងកើតរុស្ស៊ី។
មេដឹកនាំរបបយោធាមីយ៉ាន់ម៉ា បាននិងកំពុងបំពេញទស្សនកិច្ចទៅកាន់ប្រទេសរុស្ស៊ី នៅថ្ងៃទី៥ ខែកញ្ញា ឆ្នាំ២០២២នេះ ដែលជាដំណើរទស្សនកិច្ចលើកទី២របស់លោកទៅកាន់ប្រទេសនេះក្នុងរយៈពេលតិចជាង ២ខែ ខណៈយោធាដែលកំពុងកាន់អំណាចរបស់មីយ៉ាន់ម៉ា ព្យាយាមស្វែងរកសម្ព័ន្ធភាពការទូត ចំពេលដែលប្រទេសមីយ៉ាន់ម៉ា រងសម្ពាធខ្លាំងពីសហគមន៍អន្តរជាតិ។
ប្រភពមួយបានឱ្យដឹងថា អតីតមេដឹកនាំមីយ៉ាន់ម៉ាដែលត្រូវបានទម្លាក់ពីតំណែង លោកស្រី អ៊ុងសាន ស៊ូជី នៅថ្ងៃសុក្រនេះ ត្រូវបានតុលាការកាត់ទោសឱ្យជាប់ពន្ធនាគាររយៈពេល៣ឆ្នាំបន្ថែមទៀត ក្រោយរកឃើញថា លោកស្រីមានទោសពីបទក្លែងបន្លំលទ្ធផលការបោះឆ្នោតដែលប្រព្រឹត្តក្នុងឆ្នាំ២០២០កន្លងទៅ។
របបយោធាមីយ៉ាន់ម៉ាបានឃុំខ្លួនអតីតឯកអគ្គរាជទូតអង់គ្លេសប្រចាំប្រទេសរបស់ខ្លួន ក្រោមបទចោទល្មើសច្បាប់អន្តោប្រវេសន៍។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
