សមាគមគ្រូបង្រៀនកម្ពុជាឯករាជ្យ បានហែធម្មយាត្រាថ្មើរជើងចេញពីរាជធានីភ្នំពេញ នៅព្រឹកថ្ងៃទី១ ខែកុម្ភៈនេះ ឆ្ពោះទៅខេត្តចំនួន៤ ដោយអះអាងថា ដើម្បីជំរុញការលើកកម្ពស់សីលធម៌សង្គម ខណៈបារម្ភថា បើមនុស្សចាស់គ្រប់លំដាប់ថ្នាក់នៅតែបន្តប្រើភាសាអសុរោះ មិនរួបរួមសាមគ្គីគ្នាដូចមួយរយៈកាលចុងក្រោយនេះ នោះយុវជនបន្តវេននឹងយកគំរូតាម ដែលអាចឱ្យសង្គមជាតិធ្លាក់ទៅក្នុងគ្រោះមហន្តរាយ។
នៅសល់តែប៉ុន្មានថ្ងៃទៀតប៉ុណ្ណោះ ឆ្នាំចាស់នឹងត្រូវបិទបញ្ចប់ ហើយឆ្នាំថ្មីនឹងចូលមកដល់ ទោះជាយ៉ាងណា ភាពចាក់ស្រេះផ្នែកវិបត្តិនយោបាយនៅកម្ពុជា ត្រូវគេមើលឃើញថា នៅតែមិនអាចទម្លុះភាពជាប់គាំងបាន នៅបន្ទាប់ពីគណបក្សប្រឆាំងដែលមានសំឡេងគាំទ្រមិនចាញ់នឹងគណបក្សកាន់អំណាចប៉ុន្មាន ត្រូវបានតុលាការកំពូលរំលាយកាលពីចុងឆ្នាំ២០១៧ ដែលធ្វើឱ្យភាពប្រេះឆាផ្ទៃក្នុងនេះបន្តដោះមិនចេញដល់ពេលបច្ចុប្បន្ន។
មេធាវីការពារក្ដីឱ្យកញ្ញា សេង ធារី គឺលោក សំ ទិត្យសីហា គ្រោងដាក់ពាក្យទៅក្រសួងមហាផ្ទៃជាថ្មី ដើម្បីសុំផ្ទេរកូនក្ដីរបស់ខ្លួនពីពន្ធនាគារខេត្តព្រះវិហារមកភ្នំពេញ ក្រោយពីលិខិតទីមួយផ្ញើទៅក្រសួងកាលពីចុងខែសីហាកន្លងទៅ មិនមានការឆ្លើយតប។
សហរដ្ឋអាមេរិកបានលើកឡើងថា ខ្លួនមានការព្រួយបារម្ភយ៉ាងខ្លាំងចំពោះការចាប់ខ្លួនប្រធានសហជីពប្រចាំក្រុមហ៊ុនណាហ្គាវើលដ៍ (Naga world) កញ្ញា ឈឹម ស៊ីថរ និងបានស្នើឱ្យកម្ពុជាដោះលែងកញ្ញា និងសមាជិកសហជីពផ្សេងទៀតដែលកំពុងជាប់ឃុំ។
ស្ថានទូតសហរដ្ឋអាមេរិកប្រចាំកម្ពុជា អះអាងថា ប្រធានាធិបតីរបស់ខ្លួន លោក ចូ បៃដិន ពិតជាបានស្នើទៅលោកនាយករដ្ឋមន្ត្រី ហ៊ុន សែន ឱ្យដោះលែងពលរដ្ឋខ្មែរសញ្ជាតិអាមេរិកាំង និងជាមេធាវីអន្តរជាតិ កញ្ញា សេង ធារី រួមទាំងសកម្មជនគណបក្សប្រឆាំងផ្សេងទៀត។
ក្រុមយុវជនខ្មែរថាវរៈ ធ្វើយុទ្ធនាការបង្អត់អាហារក្នុងរយៈពេលមួយសប្ដាហ៍ ដើម្បីទាមទារឱ្យតុលាការដោះលែងមេធាវីអន្តរជាតិសញ្ជាតិខ្មែរ-អាមេរិកាំង គឺកញ្ញា សេង ធារី ឱ្យមានសេរីភាពក្រោយជាប់ពន្ធនាគាររយៈពេល១៥២ថ្ងៃ ដោយគិតត្រឹមថ្ងៃពុធនេះ។
មេធាវីការពារក្ដីឱ្យកញ្ញា សេង ធារី បង្ហាញការសោកស្ដាយចំពោះក្រសួងមហាផ្ទៃ ដែលមកដល់ពេលនេះ នៅមិនទាន់ឆ្លើយតបលើសំណើសុំផ្ទេរកូនក្ដីរបស់ខ្លួន មកកាន់ពន្ធនាគារនៅរាជធានីភ្នំពេញ ខណៈលោកបានដាក់សំណើលើករណីនេះជាងមួយខែមកហើយ។
តុលាការកំពូល សម្រេចតម្កល់សាលដីកាសាលាឧទ្ធរណ៍រាជធានីភ្នំពេញ ទុកជាបានការ ដោយមិនដោះលែងកញ្ញា សេង ធារី ឱ្យមានសេរីភាព ក្រោមហេតុផលថា រក្សាជនជាប់ចោទទុកជូនតុលាការ និងបារម្ភខ្លាចកញ្ញាបង្កចលាចល ឬអសន្តិសុខក្នុងសង្គម។
ក្រុមយុវជនខ្មែរថាវរៈ បានអះអាងថា សមត្ថកិច្ចខេត្តព្រះវិហារបានដាក់របាំងរារាំងពួកគេ និងក្រុមស្រ្តីថ្ងៃសុក្រ មិនឱ្យធ្វើដំណើរទៅកាន់មុខពន្ធនាគារខេត្ត ដើម្បីបង្ហោះប៉ោងប៉ោងលើកទឹកចិត្ត និងទាមទារឱ្យមានការដោះលែងកញ្ញា សេង ធារី នោះទេ។
សាលាឧទ្ធរណ៍រាជធានីភ្នំពេញ សម្រេចមិនដោះលែងកញ្ញា សេង ធារី ឱ្យមានសេរីភាពនោះទេ ខណៈសវនាការបណ្ដឹងឧទ្ធរណ៍នាថ្ងៃនេះ មន្ត្រីពន្ធនាគារក៏មិនបានយកកញ្ញា សេង ធារី ចូលរួមដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
