លោកនាយករដ្ឋមន្រ្តី ហ៊ុន សែន ប្រកាសបញ្ជូនមន្ត្រីជំនាញបច្ចេកទេសស៊ីម៉ាក់ចំនួន៣នាក់ ដើម្បីជួយហ្វឹកហ្វឺនជំនាញសកម្មភាពដោះមីននៅប្រទេសអ៊ុយក្រែន ទោះបីជាសង្គ្រាមរវាងរុស្ស៊ី និងអ៊ុយក្រែន នៅមិនទាន់បញ្ចប់នៅឡើយ។
ស្ថានទូតសហរដ្ឋអាមេរិកប្រចាំកម្ពុជា អះអាងថា ប្រធានាធិបតីរបស់ខ្លួន លោក ចូ បៃដិន ពិតជាបានស្នើទៅលោកនាយករដ្ឋមន្ត្រី ហ៊ុន សែន ឱ្យដោះលែងពលរដ្ឋខ្មែរសញ្ជាតិអាមេរិកាំង និងជាមេធាវីអន្តរជាតិ កញ្ញា សេង ធារី រួមទាំងសកម្មជនគណបក្សប្រឆាំងផ្សេងទៀត។
មន្រ្តីជាន់ខ្ពស់គណបក្សប្រជាជនកម្ពុជា បានហៅការលើកឡើងរបស់លោក សម រង្ស៊ី ដែលអំពាវនាវឱ្យគណបក្សនយោបាយប្រឆាំងគម្រោងផ្ទេរអំណាចបន្តទៅកូនពីសំណាក់នាយករដ្ឋមន្ត្រី ថាជាការលូកដៃចូលកិច្ចការផ្ទៃក្នុងរបស់បក្សនយោបាយដទៃដែលត្រូវបានការពារដោយច្បាប់ ហើយការធ្វើដូច្នេះមានន័យថាជាការរំលោភលើនីតិវិធីដែលមានជាធរមានរបស់កម្ពុជា។
លោកនាយករដ្ឋមន្ត្រី ហ៊ុន សែន បារម្ភពីសុខភាពមេដឹកនាំបណ្ដាប្រទេសមួយចំនួន រួមទាំងប្រធានាធិបតីអាមេរិកផងដែរ ក្រោយលោកឆ្លងជំងឺកូវីដ-១៩ ដោយលោកថា ក្នុងអំឡុងកិច្ចប្រជុំកំពូលអាស៊ានដែលកម្ពុជាធ្វើជាម្ចាស់ផ្ទះ លោកបានចាប់ដៃ ធ្វើដំណើរ និងបរិភោគអាហារ ប្រកបដោយភាពស្និទ្ធស្នាលជាមួយមេដឹកនាំបណ្ដាប្រទេសទាំងនោះ។
លោកនាយករដ្ឋមន្ត្រី ហ៊ុន សែន ប្រកាសថាមានវិជ្ជមានកូវីដ-១៩ បន្ទាប់ពីពេទ្យប្រទេសឥណ្ឌូនេស៊ី បានយកសំណាកទៅធ្វើតេស្ត មុនពេលចូលរួមក្នុងកិច្ចប្រជុំ G20។
លោកនាយករដ្ឋមន្ត្រី ហ៊ុន សែន នៅរសៀលថ្ងៃចន្ទនេះ បានដឹកនាំគណៈប្រតិភូកម្ពុជា ទៅចូលរួមកិច្ចប្រជុំកំពូល G20 ក្រោមមូលបទ «ស្ដារឡើងវិញទាំងអស់គ្នា ស្ដារឡើងវិញកាន់តែរឹងមាំ» ចាប់ពីថ្ងៃទី១៥-១៦ ខែវិច្ឆិកា នៅប្រទេសឥណ្ឌូនេស៊ី។
អ្នកឃ្លាំមើលសង្គមមួយចំនួនបង្ហាញជាទស្សនៈថា ផែនការបន្តវេនរបស់បក្សកាន់អំណាចគំរាមកំហែងដល់ការជំរុញឱ្យបើកលំហប្រជាធិបតេយ្យឡើងវិញ ដែលការណ៍នេះនឹងបន្តឱ្យកម្ពុជាបាត់ឱកាសចាប់យកអំណោយផលសេដ្ឋកិច្ចពីប្លុកលោកសេរី បើទោះជាមានជំនួបកំពូលរវាងប្រធានាធិបតីសហរដ្ឋអាមេរិក លោក ចូ បៃដិន និងលោកនាយករដ្ឋមន្ត្រី ហ៊ុន សែន មេដឹកនាំកម្ពុជាក្ដី។
អ្នកនយោបាយជើងចាស់វ័យ៨១ឆ្នាំ លោក គង់ គាំ ដែលបច្ចុប្បន្នជាឧត្ដមទីប្រឹក្សាគណបក្សភ្លើងទៀន បានផ្ញើសារបែបឌឺដងទៅកាន់លោកនាយករដ្ឋមន្ត្រី ហ៊ុន សែន ថាជា«មេដឹកនាំសម្លុត» ដែលការណ៍នេះ លោកអំពាវនាវដល់ក្រុមប្រឹក្សាជាប់ឆ្នោតរបស់ខ្លួន កុំឱ្យមានការភ័យខ្លាចក្នុងដំណើរឆ្ពោះទៅកាន់ការបោះឆ្នោតជាតិ ឆ្នាំ២០២៣។
លោកនាយករដ្ឋមន្ត្រី ហ៊ុន សែន ថ្លែងថា អំណាចនៅរដ្ឋសភាកម្ពុជាខ្លាំងជាងគេ បើធៀបទៅនឹងបណ្ដាប្រទេសដទៃ រាប់ទាំងប្រទេសអង់គ្លេស និងប្រទេសម៉ាឡេស៊ី។
លោកនាយករដ្ឋមន្ត្រី ហ៊ុន សែន ជំរុញឱ្យមេដឹកនាំបក្សភ្លើងទៀនចេញមកបញ្ជាក់ចំពោះការលើកឡើងរបស់លោក សម រង្ស៊ី ដែលបានប្រមាថព្រះមហាក្សត្រ ដោយថា ដើម្បីឱ្យអស់មន្ទិលសង្ស័យ ខណៈបក្សភ្លើងទៀននេះ លោក សម រង្ស៊ី ជាអ្នកបង្កើតឡើង។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
