អ្នកជំនាញនយោបាយ និងសិទ្ធិមនុស្ស បារម្ភពីហានិភ័យរបស់កម្ពុជា បើទំនាក់ទំនងការទូតរវាងកម្ពុជា-អាមេរិកបន្តធ្លាក់ចុះ ជុំវិញការមិនជឿទុកចិត្តគ្នាអំពីវត្តមានកងទ័ពចិនលើទឹកដីកម្ពុជា ខណៈកម្ពុជាកំពុងជាប់ក្នុងបញ្ជីប្រផេះនៃប្រទេសលាងលុយកខ្វក់ និងធ្លាក់ក្នុងបញ្ជីខ្មៅរបស់អាមេរិកជុំវិញការជួញដូរមនុស្ស។
អ្នកឃ្លាំមើលសង្គម បង្ហាញការយល់ឃើញថា ឆ្នាំ២០២៣ ជាពេលវេលាដែលអ្នកនយោបាយខ្មែរត្រូវរួមគ្នាស្ដារប្រជាធិបតេយ្យឡើងវិញ ដើម្បីដោះស្រាយបញ្ហាជាតិ ដោយសម្អាងថា វិធានបិទខ្ទប់អ្នកនយោបាយជំទាស់ មិនឱ្យធ្វើសកម្មភាពនយោបាយរយៈពេល៥ឆ្នាំមកនេះ គ្មានអ្នកឈ្នះនោះទេ តែធ្វើឱ្យជាតិខាតបង់។
ក្រុមអតីតអ្នកនយោបាយនៃគណបក្សសង្រ្គោះជាតិមួយចំនួន ដែលត្រូវតុលាការកំពូលរំលាយ នៅតែមានភាពស្ទាក់ស្ទើរអំពីជំហរវិលចូលឆាកនយោបាយឡើងវិញ នៅបន្ទាប់ពីបម្រាមតុលាការនឹងត្រូវផុតកំណត់នៅថ្ងៃទី១៦ ខែវិច្ឆិកា ស្អែកនេះ ដែលបើកផ្លូវឱ្យពួកគេអាចធ្វើសកម្មភាពនយោបាយបានឡើងវិញ ប្រសិនបើពួកគេគ្មានទោសព្រហ្មទណ្ឌផ្សេងទៀតនោះទេ។
អ្នកឃ្លាំមើលសង្គមមួយចំនួនបង្ហាញជាទស្សនៈថា ផែនការបន្តវេនរបស់បក្សកាន់អំណាចគំរាមកំហែងដល់ការជំរុញឱ្យបើកលំហប្រជាធិបតេយ្យឡើងវិញ ដែលការណ៍នេះនឹងបន្តឱ្យកម្ពុជាបាត់ឱកាសចាប់យកអំណោយផលសេដ្ឋកិច្ចពីប្លុកលោកសេរី បើទោះជាមានជំនួបកំពូលរវាងប្រធានាធិបតីសហរដ្ឋអាមេរិក លោក ចូ បៃដិន និងលោកនាយករដ្ឋមន្ត្រី ហ៊ុន សែន មេដឹកនាំកម្ពុជាក្ដី។
ក្រុមស្ត្រីថ្ងៃសុក្រ បានប្រមូលផ្ដុំគ្នានៅមុខស្ថានទូតសហរដ្ឋអាមេរិកប្រចាំនៅកម្ពុជា នៅថ្ងៃសុក្រនេះ ដើម្បីស្នើប្រទេសប្រកាន់លទ្ធិប្រជាធិបតេយ្យមួយនេះ ជួយជំរុញទៅរដ្ឋាភិបាលកម្ពុជាឱ្យដោះលែងស្វាមី និងសាច់ញាតិរបស់ពួកគេ ព្រមទាំងអ្នកទោសនយោបាយ ដែលកំពុងជាប់ពន្ធនាគារឱ្យមានសេរីភាពវិញ។
ជិត៥ឆ្នាំ ដែលរដ្ឋសភាអាណត្តិទី៦ បាត់បង់តុល្យភាពអំណាចទាំងស្រុងក្នុងការតាមដានការអនុវត្តច្បាប់ ក្រោយគណបក្សប្រឆាំងត្រូវបានរំលាយចេញពីសង្វៀននយោបាយ ហើយបទឧក្រិដ្ឋ រួមទាំងបទល្មើសបំផ្លាញធនធានធម្មជាតិ សំណុំរឿងបង្ខាំងមនុស្ស ចាប់ជំរិត គ្រឿងញៀន ការរឹតត្បិតសេរីភាពបញ្ចេញមតិ និងការជួបជុំជាដើមនោះ ត្រូវបានគេរកឃើញថាកើតឡើងលើទឹកដីកម្ពុជាកាន់តែច្រើន ដែលការណ៍នេះបង្កើតជាការចោទសួរជុំវិញទំនួលខុសត្រូវរបស់រដ្ឋាភិបាលចំពោះមុខម្ចាស់ឆ្នោតនិងរដ្ឋធម្មនុញ្ញ។
អគ្គព្រះរាជអាជ្ញារងនៃមហាអយ្យការអមតុលាការកំពូល ឱ្យដឹងថា អ្នកទោសនយោបាយនៃគណបក្សសង្រ្គោះជាតិដែលត្រូវបានតុលាការរំលាយ អាចនឹងប្រកបវិជ្ជាជីវៈជាអ្នកនយោបាយឡើងវិញបានជាធម្មតា ក្រោយបម្រាមនេះត្រូវផុតកំណត់ ប្រសិនបើអ្នកទាំងនោះគ្មានទោសព្រហ្មទណ្ឌផ្សេងទៀតទេ។
សមត្ថកិច្ចនៃក្រសួងមហាផ្ទៃ ចាប់ខ្លួនអតីតមេឃុំត្រែងត្រយឹង កូតាមកពីគណបក្សសង្គ្រោះជាតិ អ្នកស្រី កឹម តុលា បន្ទាប់ពីតុលាការរាជធានីភ្នំពេញ ចេញសាលក្រមកំបាំងមុខ ដាក់ពន្ធនាគារ១៨ខែ និងចេញដីកាចាប់ខ្លួន ទាំងសាម៉ីខ្លួនមិនបានដឹងរឿងនោះឡើយ។
មហិច្ឆតាក្រាញអំណាច កម្សោយការទទួលខុសត្រូវរបស់ស្ថាប័នជាតិ រួមទាំងកង្វះមូលដ្ឋានក្នុងការពិចារណាដើម្បីរើសមេដឹកនាំ ជាឧបសគ្គចម្បងរារាំងដល់ការកសាងប្រជាធិបតេយ្យនៅកម្ពុជា បើទោះជាយន្តការនេះមានការគាំទ្រពីសហគមន៍អន្តរជាតិ និងការពារដោយរដ្ឋធម្មនុញ្ញ។
លោកនាយករដ្ឋមន្រ្តី ហ៊ុន សែន នៅថ្ងៃសុក្រនេះ បានអំពាវនាវឱ្យមនុស្សមួយចំនួនដែលបន្តគាំទ្រលោក សម រង្ស៊ី ហើយចង់រួចខ្លួនពីបម្រាមតុលាការ អាចផ្ដាច់ខ្លួនពីពេលនេះបាន ដោយលោកធានាក្នុងការផ្ដល់ជូននូវសេរីភាព តាមរយៈការស្នើសុំព្រះរាជទានលើកលែងទោសពីព្រះមហាក្សត្រ ប៉ុន្តែលោកថា ការដើរចេញពីស្ថាបនិកមេបក្សជំទាស់នេះត្រូវធ្វើដោយមានភាពស្មោះត្រង់ជាមួយគ្នា។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
