កូនប្រុសច្បងរបស់លោក ហ៊ុន សែន បានទម្លាយថា លោកធ្លាប់បានប្រាប់ទៅអនុប្រធានគណបក្សភ្លើងទៀន លោក ថាច់ សេដ្ឋា ឱ្យណែនាំសកម្មជនរបស់ខ្លួនបញ្ឈប់វប្បធម៌សាបព្រោះនយោបាយជេរប្រមាថ និងលាបពណ៌មកលើគណបក្សប្រជាជនកម្ពុជាបន្តទៀត។
អ្នកឃ្លាំមើលមួយចំនួនយល់ឃើញថា ទីលានប្រកួតការបោះឆ្នោតអាណត្តិថ្មីនេះ អ្នកនយោបាយគួរប្រកួតគ្នាដោយផ្តោតលើការធ្វើកំណែទម្រង់ស្ថាប័នរដ្ឋ ដើម្បីការពារផលប្រយោជន៍ជាតិ ជាជាងប្រើប្រាស់ធនធានជាតិ និងប្រព័ន្ធច្បាប់យកប្រៀបលើដៃគូប្រកួត ផ្ទុយពីគោលការណ៍សិទ្ធិមនុស្សអន្តរជាតិ ដែលជាដើមចមជំរុញឱ្យកម្ពុជាបន្តជាប់ផុងក្នុងវិបត្តិជាតិ។
យុវជន និងអ្នកឃ្លាំមើល លើកឡើងថា ទោះជារដ្ឋាភិបាលចាត់វិធានការលើមេដឹកនាំបក្សប្រឆាំង ដោយមិនឱ្យនិយាយប្រវត្តិគណបក្សប្រជាជនកម្ពុជាក្ដី ប៉ុន្តែរឿងប្រវត្តិសាស្ត្រនេះ វាជាឫសគល់នៃការពិត ដោយលាក់បាំងមិនបានយូរឡើយ។
សកម្មជនបក្សភ្លើងទៀនមួយចំនួនអះអាងថា ពួកគេនៅតែបន្តដំណើរនយោបាយទៅមុខដដែល បើទោះក្បាលម៉ាស៊ីនបក្សខ្លួនកំពុងមានបញ្ហាប្រឈម និងរងការព្រមានធ្ងន់ៗពីគណបក្សកាន់អំណាចក៏ដោយ។
សាលាដំបូងរាជធានីភ្នំពេញ បានផ្ដន្ទាទោសអ្នកវិភាគនយោបាយ លោក គឹម សុខ ឱ្យជាប់ពន្ធនាគារ ១៨ខែ និងសងជំងឺចិត្តជាង ១ម៉ឺនដុល្លារ ទៅគណបក្សប្រជាជនកម្ពុជា ក្រោមបទចោទប្រកាន់ «ញុះញង់ និងបរិហារកេរ្តិ៍» ពាក់ព័ន្ធការធ្វើអត្ថាធិប្បាយរឿងសម្លាប់លោកបណ្ឌិត កែម ឡី។
គណបក្សភ្លើងទៀន បានព្រមានធ្វើពហិការមិនចូលរួមក្នុងការបោះឆ្នោតជ្រើសតាំងតំណាងរាស្ត្រដែលនឹងប្រព្រឹត្តទៅនាខែកក្កដា ឆ្នាំ២០២៣ ខាងមុខនេះទេ ប្រសិនបើបរិយាកាសនយោបាយនៅតែបន្តមានភាពអាប់អួដូចសព្វថ្ងៃនេះ ប៉ុន្តែគណបក្សកាន់អំណាចវិញបានចាត់ទុកសារនយោបាយរបស់គណបក្សក្រៅរដ្ឋាភិបាលមួយនេះថា វាគឺជាផ្នែកមួយនៃការគំរាមកំហែងខាងនយោបាយ។
នៅថ្ងៃទី១៤ ខែមករា ឆ្នាំ២០២៣ ជាខួបលើកទី៣៨ឆ្នាំហើយ នៃការឡើងកាន់អំណាចជានាយករដ្ឋមន្រ្តីរបស់លោក ហ៊ុន សែន។ ស្ថិតក្នុងដំណើរជីវិតនយោបាយដ៏វែងឆ្ងាយនេះ គេអាចនិយាយបានថា លោក ហ៊ុន សែន ជាមនុស្សទី១ហើយដែលកាន់មុខតំណែងជាមេដឹកនាំកំពូលបានយូរជាងគេ បើធៀបនឹងមេដឹកនាំដទៃទៀតរបស់កម្ពុជា រួមទាំងនៅក្នុងតំបន់ និងពិភពលោកផង។
ក្រុមអ្នកនយោបាយនៅក្រៅរដ្ឋាភិបាល ដាក់ការព្រួយបារម្ភចំពោះកម្ដៅនយោបាយដែលនៅតែមិនថមថយ ក្រោយលោកនាយករដ្ឋមន្ត្រី ហ៊ុន សែន បន្តព្រមានជាថ្មីទៀតកាលពីថ្ងៃម្សិលមិញ ថានឹងប្ដឹងបណ្ដាបក្សនយោបាយណាដែលប្រើប្រាស់វេទិកាឃោសនានយោបាយវាយប្រហារទៅលើបក្សកាន់អំណាច។
អ្នកជំនាញផ្នែកគោលនយោបាយ យល់ឃើញថា ស្មារតីនៃថ្ងៃ៧មករានេះ វាហាក់មិនទាន់បានជួយឱ្យកម្ពុជាមានការឯកភាពផ្ទៃក្នុង និងផ្សះផ្សាជាតិ ដូចដែលរដ្ឋាភិបាលធ្លាប់បញ្ជាក់ជំហរជាញឹកញាប់ពីគុណបំណាច់នៃជ័យជម្នះរបស់ខ្លួនលើរបបខ្មែរក្រហម ហើយនាំឱ្យមានសុខសន្តិភាព និងលទ្ធិប្រជាធិបតេយ្យពិតប្រាកដនៅឡើយទេ។
អង្គការឃ្លាំមើលការបោះឆ្នោតរកឃើញថា សភាអាណត្តិទី៦នេះអសកម្មក្នុងការលើកយកបញ្ហារបស់ប្រជាពលរដ្ឋម្ចាស់ឆ្នោត មកជជែកដេញដោលជាមួយរដ្ឋាភិបាល ដើម្បីជំរុញឱ្យការការអនុវត្តច្បាប់ធានាដល់ផលប្រយោជន៍ម្ចាស់ឆ្នោតដែលមានចែងក្នុងរដ្ឋធម្មនុញ្ញ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
