ក្រោយបែកធ្លាយលិខិតកោះហៅរបស់ក្រសួងវប្បធម៌ និងវិចិត្រសិល្បៈ ឲ្យតារាសម្ដែងស៊ិចស៊ី នាងដេនី ក្វាន់ ចូលខ្លួនទៅបកស្រាយ បានធ្វើឲ្យមានការចុះផ្សាយព្រោងព្រាតថាក្រសួងនឹងផ្ដល់ការព្រមាននិងស្ដីបន្ទោសឲ្យនាងជាច្រើនដើម្បីដុះក្អែល បើទោះជានាងបានសុំទោសជាសាធារណៈតាមការចង់បានរបស់សមាគមនិងក្រសួងវប្បធម៌។
ក្រោយពីចូលបំភ្លឺនៅចំពោះមុខតុលាការកាលពីថ្ងៃទី១២ ឧសភា ប្រភពដែលបានទម្លាយចេញបានអះអាងថា លោកប៉ែន ចំរ៉ុង មិនព្រមកែប្រែជំហរប្ដឹងលែងភិន សុដាលីស នោះទេ ទើបធ្វើឲ្យការសម្រុះសម្រួលរបស់តុលាការបរាជ័យ។ ក្នុងនោះភាគីនាងភិន សុដាលីស ក៏បានបង្ហើបប្រាប់ផងដែរថានាងសុំលែងដូចគ្នា ទើបតម្រូវឲ្យតុលាការត្រូវបន្តនីតិវិធី។
បន្ទាប់ពីមានការផ្ទុះជម្លោះយ៉ាងក្ដៅគគុករវាងតារាសម្ដែងស៊ិចស៊ី ដេនី ក្វាន់និងតារាសិល្បៈល្បីៗឈ្មោះកាន់តែច្រើននៅក្នុងពិភពសិល្បៈ លោក សុះ ម៉ាច ក្នុងនាមជាប្រធានសមាគម បានអះអាងថាលោកនឹងធ្វើសន្និសីទកាសែតមួយនៅសប្ដាហ៍នេះ ឬដើមសប្ដាហ៍ក្រោយ ប្រមូលសំឡេងតារាសិល្បៈឲ្យបានច្រើនដាក់ញត្តិដើម្បីសុំឲ្យក្រសួងវប្បធម៌លុបឈ្មោះកញ្ញាដេនី ក្វាន់ ចេញពីបញ្ជីអ្នកសិល្បៈ ដោយអះអាងថានាងធ្វើឲ្យវប្បធម៌និងអរិយធម៌ខ្មែរមានការប៉ះពាល់ដោយការបង្ហោះរូបស៊ិចស៊ីដដែលជាដដែល។
ខុសពីផលិតករមួយចំនួន ដែលរិះគន់ពីការឡើងថ្លៃរបស់តារាសម្ដែង ផលិតករប្រចាំផលិតកម្មល្បីឈ្មោះ២រូបបានយល់ស្របថាការដំឡើងថ្លៃខ្លួនរបស់តារាខ្មែរគឺជារឿងត្រឹមត្រូវ។ បរិយាកាសថ្មីនេះ អ្នកជំនាញដដែលបានអះអាងថានឹងធ្វើឲ្យវិស័យភាពកាន់តែប្រសើរ និងមានមានស្ដង់ដារគ្រប់គ្រាន់ដើម្បីប្រកួតប្រជែងនោះផង។
កាលពីល្ងាចថ្ងៃ៥ ខែឧសភា បវរកញ្ញាលំដាប់ពិភពលោក៣នាក់ដែលបានជាប់ចំណាត់ថ្នាក់នៅក្នុងព្រឹត្តិការណ៍ Miss Global 2015 នៅក្នុងប្រទេសហ្វីលីពីនបានធ្វើដំណើរមកដល់កម្ពុជាតាមគម្រោងស្នើសុំរបស់សមាគមសិល្បករខ្មែរ ដើម្បីចូលរួមក្នុងកម្មវិធីប្រគំតន្ត្រីលក់សំបុត្រធំមួយ ដែលគ្រោងធ្វើនៅសាលចតុមុខនៅថ្ងៃទី៨ ខែឧសភា ខាងមុខ។ តន្ត្រីសប្បុរសធម៌នេះគឺជាគម្រោងប្រមូលថវិកាប្រគល់ជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរខេត្តសៀមរាប ដើម្បីជួយសង្គ្រោះដល់កុមារកម្ពុជា។
ចាត់ទុកជារឿងភ្ញាក់ផ្អើល ដែលតារាសម្ដែង និងជាពិធីការិនីនាង ថន តារា ដែលអ្នកណាក៏ស្គាល់ថាជាបងស្រីបង្កើតរបស់នាងថន លក្ខិណា ប្រកាសឲ្យដឹងថានឹងចូលរោងការជាមួយមន្ត្រីមួយរូបក្នុងជួររដ្ឋាភិបាលថៃ និងជាប្អូនប្រុសអតីតឧបនាយករដ្ឋមន្ត្រីនៃប្រទេសថៃ។ នេះជាលើកទី១ដែលមន្ត្រីក្នុងប្រទេសក្បែរខាងកម្ពុជាជ្រើសរើសតារាខ្មែរជាភរិយា ដោយអ្នកទាំងពីរនឹងរៀបការនៅក្នុងប្រទេសកម្ពុជានៅខែក្រោយនេះ។
បន្ទាប់ពីមានដំណឹងថាលោក ប៉ែន ចំរ៉ុង សម្រេចចិត្តលែងលះ កញ្ញា ភិន សុដាលីស ជាភរិយាអេតាស៊ីវិល មានការលើកឡើងជាច្រើនថាគូស្នេហ៍មួយគូនេះអាចនឹងត្រូវរ៉ូវគ្នាវិញនៅក្នុងដំណាក់កាលសម្រុះសម្រួលគ្នារបស់តុលាការ។ យ៉ាងណាក៏ដោយភាគីខាងឪពុករបស់នាងបានអះអាងថាដាលីសអស់ចិត្តនឹងប៉ែន ចំរ៉ុង ហើយ ហើយបើទោះជាមានការសម្រុះសម្រួលពីដើមបណ្ដឹងពិតមែន ក៏កូនស្រីខ្លួនមិនទទួលយកនោះដែរ។
នៅទីបំផុតគូស្នេហ៍ដែលបានប្រកាសថានឹងតស៊ូស្រឡាញ់គ្នាដោយមិនខ្វល់ពីបោះបង់របស់គ្រួសារខាងស្រី គឺលោក ប៉ែន ចំរ៉ុងនិងកញ្ញា ភិន សុដាលីស នោះ បានឈានដល់ផ្លូវបំបែកហើយ ខណៈពាក្យប្តឹងសុំលែងលះរបស់លោក ប៉ែន ចំរ៉ុង ធ្លាក់ដល់ដៃសាលាដំបូងរាជធានីភ្នំពេញ កាលពីថ្ងៃសុក្រទី ២៩ មេសា។ នេះជាដំណឹងដ៏រសើបបើកឆាកសម្រាប់ខែឧសភាតែម្ដង ខណៈដែលភិន សុដាលីស ក៏ត្រូវគេដឹងថាទើបនឹងបានពរពោះក្នុងផ្ទៃជាង៣ខែ។
ចាត់ទុកជាការចាប់អារម្មណ៍មួយថ្មី បន្ទាប់ពីក្រុមផលិតកររឿង «ប៉ុបពីទៅហូលីវូដ» បានប្រកាសឲ្យដឹងនៅក្នុងសន្និសីទសារព័ត៌មានកាលពីថ្ងៃ២៩ ខែមេសាថា ប្រទេស៥នៅក្នុងតំបន់អាស៊ានបានសម្រេចកុងត្រាទទួលយករឿងនេះ ទៅដាក់បញ្ចាំងនៅក្នុងប្រទេសរបស់ពួកគេនៅតាមរោងកុន។ យ៉ាងណាមិញ ក្រុមផលិតករដដែល ហាក់មិនសូវទុកចិត្តថារឿងមួយនេះនឹងទទួលបានការគាំទ្រខ្លាំងក្លានៅក្នុងប្រទេសកម្ពុជាខ្លួងឯងនោះឡើយ។
នៅថ្ងៃសុក្រទី២៩ ខែមេសានេះ គឺជាថ្ងៃដែលពិធីករល្បីឈ្មោះលោក ធី រតនា ហៅVJ រតនា រៀបការជាមួយកូនក្រមុំឈ្មោះ លឹម លីសា វ័យ២៤ឆ្នាំ បន្ទាប់ពីអ្នកទាំងពីរភ្ជាប់ពាក្យអស់ប្រមាណជិតមួយឆ្នាំតាំងពីថ្ងៃទី៩ ខែកញ្ញាឆ្នាំ២០១៥។ ខុសពីគូស្នេហ៍ភាគច្រើនដែលបង្ហាញពីគម្រោងទៅក្រេបទឹកឃ្មុំពីប្រទេសមួយទៅប្រទេសមួយ តារារូបនេះបញ្ជាក់ថានឹងយកពេលក្រោយថ្ងៃរៀបការភ្លាមៗ ទៅមើលការសាងសង់ស្ថានីយចាក់សាំងថ្មីមួយនៅខេត្តព្រះវិហារ ដែលជាជំនួញទី២របស់ខ្លួនទៅវិញ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
