តបនឹងប្រតិកម្មរបស់ក្រសួងវប្បធម៌ និងវិចិត្រសិល្បៈ ជុំវិញពាក្យសម្ដីរបស់នាយគ្រឿន ដែលត្រូវគេស្រង់យកទៅចុះផ្សាយធ្វើឲ្យក្រសួងក្ដៅស្លឹកត្រចៀកនោះ ទាំងសាមីខ្លួន និងចាងហ្វាងផលិតកម្ម បានធ្វើការបញ្ជាក់ជាច្រើនក្នុងន័យបញ្ចប់ចម្រូងចម្រាស់ដែលត្រូវគេមើលឃើញថា បណ្ដាលមកពីក្រុមផលិត និងអ្នកជំនាញភាពយន្តរបស់ក្រសួងធ្វើការមិនទាន់យល់ចិត្តគ្នា។ ភាគីអ្នកឆ្លើយតបក៏បានព្យាយាមពន្យល់ពីផលវិបាក ដើម្បីឲ្យក្រសួងវប្បធម៌មានការយោគយល់ពាក់ព័ន្ធនឹងបញ្ហាដែលបានចោទឡើងនោះផងដែរ។

ជាលើកទី១ដែលតារាសម្ដែង និងជាពិធីការិនីជើងចាស់កញ្ញា ឌួង ហ្សូរីដា សម្រេចចិត្តទទួលយកតំណែងជាឯកអគ្គរាជទូតសុឆន្ទៈរបស់អង្គការជំនួយនៃក្ដីសង្ឃឹមសម្រាប់សហគមន៍ហៅកាត់ថា HHC Cambodia ដើម្បីរួមចំណែកជួយសង្គ្រោះដល់ក្មេងពិការរបស់អង្គការនេះ ដែលពួកគេគឺជាក្មេងពិការខាងផ្នែកស្មារតី។

បើទោះជាបេក្ខជនដែលបានល្បីឈ្មោះពីកម្មវិធី Cambodian Idol លោក ម៉ៅ ហាជី នៅមិនព្រមផ្ដល់សម្ភាសន៍នៅឡើយ ពាក់ព័ន្ធនឹងដំណឹងបញ្ចប់ទំនាក់ទំនងជាមួយប្រពន្ធ និងកូនប្រុសក្រៅចំណងអាពាហ៍ពិពាហ៍នៅខេត្តបាត់ដំបង ក៏ប្រភពកាន់តែច្រើនអះអាងថា នោះជាដំណឹងពិតប្រាកដ។

ខុសពីតារាកំប្លែងរួមក្រុមដូចជា នាយពែកមី នាយក្រូច នាយចឺម និងនាងខ្ញុង ដែលសុទ្ធតែអះអាងថាសល់ផ្ទះសល់សម្បែង និងមុខរបររកស៊ីពីចំណូលក្នុងសិល្បៈនោះ នាយគ្រឿន ដែលត្រូវគេស្គាល់ថាមានទីផ្សារសម្ដែងយ៉ាងជោគជ័យយូរក្រែលដែរហើយ បែរជាថ្ងូរថាអត់ទាន់សល់អី។ នេះជាការលើកឡើងផ្ទុយស្រឡះទាំងស្រុងពីទីផ្សារសិល្បៈជាក់ស្ដែង ក្នុងពេលដែលមានការទម្លាយថា តម្លៃខ្លួនរបស់តារាកំប្លែងរូបនេះក៏ហក់ឡើងខ្ពស់នោះផង។

ចាត់ទុកជាលើកទី១ ដែលផលិតករមួយរូបបានសម្រេចបោះទុនរហូតដល់ជាង១០ម៉ឺនដុល្លារថតរឿងពាក់ព័ន្ធនឹងជំនឿនៅប្រាសាទមួយក្នុងចំណោមប្រាសាទភាគច្រើនក្នុងសំបូរព្រៃគុហ៍ដែលមានអ្នកស្រុកជឿជាក់នៅឡើយ។ ខ្សែរឿងនេះក៏ត្រូវគេឃើញបំផុសឲ្យស្គាល់ពីក្បាច់គុនបុរាណខ្មែរ២ប្រភេទផ្សេងទៀតជាលើកដំបូងគឺក្បាច់គុនរបាំគ្រុឌនាគរាជ និងក្បាច់គុនក្វាមគិរីស្វរៈដែលត្រូវគេឃើញនៅតាមកន្សែងយ័ន្ត និងតាមសិលាចារឹក ផងដែរ។