លោក វង្ស សុម៉ាលីន

សពកវី គង្គ ប៊ុនឈឿន ដល់កំណត់បូជា

បន្ទាប់ពីបានតម្កល់សពទុកឲ្យសាច់ញាតិ និងអ្នកស្រឡាញ់រាប់អានគោរពបូជាអស់ច្រើនថ្ងៃ នៅទីបំផុតសពរបស់កវីនិពន្ធល្បីឈ្មោះ លោកគង់ ប៊ុនឈឿន ត្រូវកំណត់បូជាហើយនៅរសៀលថ្ងៃទី២៣ មេសានេះ នៅប្រទេសន័រវេស។ ពិធីនេះត្រូវបានចូលរួមតែកូនចៅសាច់ញាតិរស់នៅក្រៅប្រទេសប៉ុណ្ណោះ ខណៈដែលនៅស្រុកខ្មែរក៏មានពិធី៧ថ្ងៃឧទ្ទិសកុសលឲ្យលោកដល់ទៅ២កន្លែងផ្សេងគ្នា។

លោក វង្ស សុម៉ាលីន ២៣ មេសា ២០១៦

យ៉ែម សំអូន សម្ដែងរឿងជាតួស្រឡាញ់ភេទដូចគ្នា

មានការភ្ញាក់ផ្អើលមិនតិចទេ ក្នុងពេលដែលលោក យ៉ែម សំអូន ស្រាប់តែអះអាងថាខ្លួនបានទទួលយកការសម្ដែងជាតួអង្គស្រឡាញ់ភេទដូចគ្នាក្នុងភាពយន្តថ្មីមួយ នៅក្នុងបរិបទដែលផ្ទុះព័ត៌មានចំពោះលោកនៅមិនទាន់ស្ងប់។ លោកបានទាំងរំពឹងថានឹងលេចធ្លោខ្លាំង តាមរយៈការសម្ដែងជាតួអង្គស្រឡាញ់ភេទដូចគ្នានោះផង។

លោក វង្ស សុម៉ាលីន ២២ មេសា ២០១៦

មាស សុខសោភា នៅក្នុងពិធីសម្ពោធរឿង «ទង់ព្រលឹង»

មាស សុខសោភា ទទូចឲ្យជួយគាំទ្រភាពយន្តខ្មែរ

នៅក្នុងពិធីសម្ពោធរឿង «ទង់ព្រលឹង» កាលពីល្ងាចថ្ងៃទី២០ ខែមេសា នៅផ្សារស្ទឹងមានជ័យ តារាចម្រៀង មាស សុខសោភា បានបង្ហាញខ្លួននៅលើវេទិកា ក្រោមសំឡេងគាំទ្រយ៉ាងណែនតាន់តាប់ ព្រមជាមួយនឹងបទចម្រៀងនិពន្ធថ្មីដែលផលិតកម្ម Red Picture និពន្ធឲ្យ។

លោក វង្ស សុម៉ាលីន ២១ មេសា ២០១៦

គង្គ ប៊ុនឈឿន ផ្ដាំចុងក្រោយឲ្យឈប់ចម្លងបទបរទេស

បន្ទាប់ពីទទួលមរណភាពកាលពីថ្ងៃទី១៧ មេសា សពរបស់លោក គង្គ ប៊ុនឈឿន ត្រូវបានក្រុមគ្រួសារបញ្ជាក់ថានឹងត្រូវកំណត់ឲ្យបូជានៅថ្ងៃសៅរ៍សប្ដាហ៍នេះហើយក្នុងប្រទេសន័រវេស ប៉ុន្តែនឹងអាចតម្កល់ទុករហូតដល់១០០ថ្ងៃ ឬច្រើនជាងមុន មុននឹងបញ្ជូនមកតម្កល់នៅកម្ពុជា ដោយសារតែទីអាស្រមតម្កល់ធាតុនៅខេត្តកំពង់ស្ពឺទើបតែស្ថាបនាបាន៩០ភាគរយ។

លោក វង្ស សុម៉ាលីន ១៩ មេសា ២០១៦

កូនស្រី ហួត សារ៉ាវឌី ចោទប៉ូលិសខេត្តព្រៃវែងក្លែងករណីស្លាប់របស់ម្ដាយ

មកទល់នឹងពេលនេះករណីស្លាប់របស់អ្នកស្រី ហួត សារ៉ាវឌី អតីតតារាសម្ដែងយ៉េៗតាំងពីជំនាន់អ្នកនាងអម្ពរទេវីនិងអ្នកនាងសុខ ស្រីមុំនៅក្មេង នៅតែធ្វើឲ្យមានប្រតិកម្មពេញបណ្ដាញហ្វេសប៊ុក បន្ទាប់ពីប៉ូលិសខេត្តព្រៃវែងរក្សាជំហរបញ្ជាក់ក្នុងរបាយការណ៍ថាអ្នកស្រីស្លាប់ដោយគ្រោះថ្នាក់ចរាចរណ៍ ប៉ុន្តែគ្រួសារសពថាជាករណីឃាតកម្ម។

លោក វង្ស សុម៉ាលីន ១៨ មេសា ២០១៦

តារាចម្រៀង រាជ បុរី ក្រឡាប់រថយន្តស្លាប់

កាលពីយប់ថ្ងៃទី១៦ ខែមេសាមុននេះ តារាចម្រៀងនិងជាតារាសម្ដែងល្បីឈ្មោះគួរសមនៅក្នុងផលិតកម្មក្លាស៊ិក លោក រាជ បុរី ត្រូវបានសមាជិកគ្រួសារចេញមុខប្រកាសថាបានទទួលមរណភាពហើយ បន្ទាប់ពីលោកបានជួបឧបទ្ទវហេតុក្រឡាប់រថយន្តដ៏រន្ធត់មួយក្នុងពេលធ្វើដំណើរ។

លោក វង្ស សុម៉ាលីន ១៧ មេសា ២០១៦

ការប្រគំតន្ត្រីនៅកម្ពុជាក្រោម អាជ្ញាធរវៀតណាមរារាំងយប់ទី២

ប្រភពផ្លូវការបានអះអាងថាការប្រគំតន្រ្តីលក់សំបុត្រនៅខេត្តព្រះត្រពាំង(កម្ពុជាក្រោម)ដែលចូលរួមដោយតារាល្បីៗរួមមានលោក ព្រាប សុវត្ថិ អ្នកនាងម៉េង កែវពេជ្ជតា និងតារាមានឈ្មោះបោះសំឡេងនៅកម្ពុជានោះ ប្រព្រឹត្តទៅបានតែមួយយប់ប៉ុណ្ណោះ ក៏ត្រូវអាជ្ញាធរវៀតណាមកំណត់ឲ្យរើបង្វិចមកស្រុកកំណើតវិញ។ យ៉ាងណាក៏ដោយ តារាម្នាក់ៗដែលចូលរួមច្រៀងរាំនៅក្នុងពិធីនោះ ហាក់មិនហ៊ានបញ្ជាក់ពីមូលហេតុនោះទេ បើទោះជាការប្រគំតន្ត្រីដែលប្រកាសធ្វើចំនួន២យប់ជាប់គ្នា ស្រាប់តែត្រូវរើរោងនៅយប់ថ្ងៃទី២នោះក៏ដោយ។

លោក វង្ស សុម៉ាលីន ១៦ មេសា ២០១៦

បទ «រាំញីកែងជើង» ក្លាយជាប្រធានបទចម្រូងចម្រាស

ក្នុងអំឡុងពិធីបុណ្យចូលឆ្នាំខ្មែរឆ្នាំនេះ បទថ្មីរបស់អ្នកនាង ពេជ្រ សោភា និងលោកដេវីត ក្រោមចំណងជើងថា«រាំញីកែងជើង» ត្រូវគេកត់សម្គាល់ថាទទួលបានប្រជាប្រិយភាពយ៉ាងខ្លាំងក្នុងការរាំកម្សាន្ត។ តាមរយៈវីដេអូឃ្លីបខ្លីបង្ហោះក្នុងទំព័រហ្វេសប៊ុករបស់ ពេជ្រ សោភា គឺមានទាំងចាស់ទាំងក្មេង និងជនបរទេសនៅឯក្រៅប្រទេសបានរាំបទនេះយ៉ាងពេញនិយម។ ប៉ុន្តែភាពខ្ទរខ្ទាររបស់បទនេះក៏ក្លាយជាប្រធានបទចម្រូងចម្រាសនៅលើបណ្ដាញសង្គមហ្វេសប៊ុកផងដែរ។

លោក វង្ស សុម៉ាលីន ១២ មេសា ២០១៦

ពលរដ្ឋកុះករធ្វើបុណ្យនៅរូបសំណាកតាខ្មៅ

កាលពីល្ងាចថ្ងៃទី១០ មេសា ពលរដ្ឋជាពុទ្ធបរិស័ទរហូតដល់រាប់ពាន់នាក់ ត្រូវគេឃើញប្រារព្ធពិធីថ្វាយភ្លេង ថ្វាយផ្កាភ្ញី ថ្វាយរបាំ ធ្វើពិធីស្រោចទឹកនិងបួងសួងយ៉ាងណែនតាន់តាប់អស់រយៈពេលប៉ុន្មានម៉ោង នៅខាងមុខរូបសំណាកលោកតាម៉ៅឬតាខ្មៅ ស្ថិតនៅរង្វង់មូលក្រុងតាខ្មៅ ខេត្តកណ្ដាល។ នេះជាប្រពៃណីដែលអ្នកក្រុងតាខ្មៅទម្លាប់ធ្វើរាល់មុនឱកាសបុណ្យចូលឆ្នាំខ្មែរមកដល់ម្ដងៗ ប៉ុន្តែពិធីលើកនេះមានសភាពកកកុញជាងមុន ដោយបាននឹងធ្វើឲ្យរង្វង់មូលក្រុងតាខ្មៅកកស្ទះអស់ប្រមាណ៣ម៉ោងពេញ។

លោក វង្ស សុម៉ាលីន ១១ មេសា ២០១៦

ពែកមី ចំណាយលុយធ្វើកម្មវិធីថ្ងៃចូលឆ្នាំ

ផ្ទុយពីតារាល្បីភាគច្រើនដែលសម្រុកទទួលការងារដើម្បីកើបប្រាក់និងដើម្បីរក្សាភាពលេចធ្លោក្នុងអំឡុង៣ថ្ងៃចូលឆ្នាំ លោក ចែម ចាន់ដារ៉ា ហៅពែកមី បានប្រកាសដោយមុតមាំថាអត់ទទួលការងារទាំងអស់នៅអំឡុងបុណ្យចូលឆ្នាំ។ ក្នុងនោះលោកក៏អះអាងថា នឹងចំណាយលុយធ្វើបុណ្យចែកទាន រៀបចំកម្មវិធីរាំច្រៀងជាច្រើនដើម្បីឲ្យអ្នកស្រុកនៅខេត្តស្វាយរៀងបានសប្បាយទាំង៣ថ្ងៃក្នុងថ្ងៃចូលឆ្នាំ។

លោក វង្ស សុម៉ាលីន ១១ មេសា ២០១៦