បាតុកម្មទ្រង់ទ្រាយធំប្រឆាំងនឹងរដ្ឋបាល លោក ត្រាំ បានកើតឡើងនៅក្នុង​ទីក្រុងនានានៅទូទាំងសហរដ្ឋ​អាមេរិក ដែលនេះគឺជាការជួបជុំគ្នាលើកទី៣ នៃចលនា “No Kings” ដែលកាលពីមុនធ្លាប់បានទាក់ទាញមនុស្សចូលរួមរាប់លាននាក់។

ប្រទេសអ៊ីរ៉ង់ បានថ្លែងថា ខ្លួនបានត្រៀម​ខ្លួនរួចជាស្រេច ដើម្បីឆ្លើយតបទៅ​នឹង​ការវាយប្រហារតាមជើងគោករបស់​សហរដ្ឋអាមេរិក ដោយបានចោទប្រកាន់ទីក្រុងវ៉ាស៊ីនតោន កាលពីថ្ងៃ​ទី​២៩​ខែ​មីនា​ថា កំពុងរៀបចំការវាយលុកតាម​ផ្លូវគោក បើទោះបីជាកំពុងស្វែង​រក​ការ​ចរចា ហើយខណៈពេលដែលមហាអំណាច​ក្នុងតំបន់ បាននិងកំពុងបើកកិច្ច​ពិភាក្សា​នៅក្នុងប្រទេសប៉ាគីស្ថាន ដើម្បីព្យាយាមបញ្ចប់ការប្រយុទ្ធគ្នាក៏​ដោយ។

សំណើរបស់សហរដ្ឋអាមេរិកសម្រាប់បញ្ចប់​ការប្រយុទ្ធគ្នា ដែលបានអូសបន្លាយ​ពេលជិត ៤ សប្តាហ៍ គឺជាសំណើ «លម្អៀងទៅរកភាគីម្ខាង និងអយុត្តិ​ធម៌»។ នេះបើតាមការលើកឡើងរបស់មន្ត្រី​ជាន់ខ្ពស់អ៊ីរ៉ង់ម្នាក់បានប្រាប់ភ្នាក់​ងារ​សារ​ព័ត៌មាន Reuters កាលពីថ្ងៃទី​២៦​ខែ​មីនា ខណៈដែលលោកក៏បានសង្កត់​ធ្ងន់ផងដែរថា កិច្ចខិតខំប្រឹងប្រែងផ្នែកការទូតមិនទាន់បញ្ចប់នៅ​ឡើយ​ទេ ទោះបីជាបច្ចុប្បន្ននៅខ្វះ​ខាត​ផែន​​ការជាក់ស្តែងសម្រាប់កិច្ចចរចាសន្តិភាពក៏ដោយ។

លោកប្រធានាធិបតីសហរដ្ឋអាមេរិក ដូណាល់ ត្រាំ បានមានប្រសាសន៍ថា លោក​នឹងបន្តពន្យារពេលការវាយប្រហារ​លើ​រោង​ចក្រថាមពលរបស់អ៊ីរ៉ង់រហូតដល់​ខែមេសា ហើយការចរចាជាមួយអ៊ីរ៉ង់កំពុងដំណើរការទៅមុខ “យ៉ាងល្អប្រសើរ”។

ក្រសួងការពារជាតិរុស្ស៊ី បាននិយាយកាល​ពី​ថ្ងៃទី២៥ខែមីនាថា ប្រព័ន្ធការពារអាកាស​របស់រុស្ស៊ីបានបាញ់ទម្លាក់ដ្រូនអ៊ុយ​ក្រែនដែលហោះចូលមកចំនួន ៣៨៩ គ្រឿង ដែលនេះត្រូវបានរាយការណ៍​ថា​ជាការវាយប្រហារពេញមួយយប់ដ៏ធំបំផុត លើតំបន់នានារបស់រុស្ស៊ី និងតំបន់គ្រីមៀ (Crimea) ចាប់តាំងពីកងកម្លាំងទីក្រុងម៉ូស្គូបានចូលលុកលុយអ៊ុយក្រែនអស់រយៈពេលជាង ៤ ឆ្នាំមកនេះ។

ប្រធានាធិបតីអាមេរិក លោក ដូណាល់ ត្រាំ បានមានប្រសាសន៍ថា លោកនឹង​ជួប​ជាមួយប្រធានាធិបតីចិនលោក ស៊ី ជីនពីង នៅប្រទេសចិន នាថ្ងៃទី​១៤-១៥ ខែឧសភា បន្ទាប់ពីបានពន្យារពេលដំណើរ​ទស្សនកិច្ចដ៏សំខាន់នេះ ដោយ​សារ​តែសង្គ្រាមរវាងអាមេរិក-អ៊ីស្រាអែល ជាមួយ​អ៊ីរ៉ង់។

រុស្ស៊ីបានបើកការវាយប្រហារដ៏ធំដោយប្រើ​ប្រាស់​ដ្រូនជិត ១ ០០០ គ្រឿង មកលើអ៊ុយក្រែន ដែលបានសម្លាប់មនុស្សយ៉ាង​ហោចណាស់ ៧ នាក់ ខណៈដែលទីក្រុងមូស្គូ​ហាក់កំពុងបង្កើនការវាយ​លុក​ក្នុងរដូវផ្ការីក ក្នុងបំណងបំបែកការតស៊ូ​របស់​អ៊ុយក្រែននៅតាមខ្សែត្រៀម​ជួរមុខ។

តម្លៃមាសបានហក់ឡើងខ្ពស់នៅថ្ងៃ​ទី​២៥​ខែ​មីនា​នេះ ខណៈដែលការធ្លាក់ចុះនៃ​តម្លៃប្រេងបានជួយកាត់បន្ថយការព្រួយ​បារម្ភអំពីអតិផរណាដែលកំពុងបន្តកើតមាន បន្ទាប់ពីមានសេចក្តីរាយការណ៍ថា ទីក្រុងវ៉ាស៊ីនតោនកំពុងរៀប​ចំ​​សេចក្តី​ស្នើដើម្បីបញ្ចប់ជម្លោះនៅមជ្ឈិម​​បូព៌ា។

យោងតាមអត្ថបទព្រាងដែលរ៉យទ័របានឃើញកាលពីថ្ងៃទី២៣ខែមីនា ប្រទេសបារ៉ែនបានដាក់ចេញនូវសេចក្តីព្រាងរបស់ក្រុមប្រឹក្សាសន្តិសុខអង្គការសហប្រជាជាតិ ដែលនឹងអនុញ្ញាតឱ្យបណ្តាប្រទេសនានាប្រើប្រាស់ “រាល់មធ្យោបាយចាំបាច់ទាំងអស់” ដែលជាភាសាការទូតមានន័យថាការប្រើប្រាស់កម្លាំងបាយ ដើម្បីការពារការដឹកជញ្ជូនពាណិជ្ជកម្មនៅក្នុង និងជុំវិញច្រកសមុទ្រ Hormuz។

កាលពីថ្ងៃទី២៣ខែមីនា ប្រទេសអ៊ីរ៉ង់ បានបដិសេធថា ខ្លួនមិនបានចូលរួមក្នុងកិច្ចចរចាជាមួយសហរដ្ឋអាមេរិកនោះទេ បន្ទាប់ពីប្រធានាធិបតី លោក ដូណាល់ ត្រាំ បានពន្យារពេលការគំរាមកំហែងបំផ្ទុះបណ្តាញអគ្គិសនីរបស់អ៊ីរ៉ង់ ដោយសារអ្វីដែលលោកបានពណ៌នាថា ជាកិច្ចពិភាក្សាប្រកបដោយផ្លែផ្កាជាមួយមន្ត្រីអ៊ីរ៉ង់ដែលមិនបញ្ចេញឈ្មោះ។