ការទម្លាក់គ្រាប់បែកយ៉ាងធ្ងន់ធ្ងររបស់អ៊ីស្រាអែលទៅលើប្រទេសលីបង់ ក្នុងរយៈពេលប៉ុន្មានម៉ោង បន្ទាប់ពីបទឈប់បាញ់រវាងសហរដ្ឋអាមេរិក និងអ៊ីរ៉ង់ ត្រូវបានទទួលរងការថ្កោលទោសយ៉ាងទូលំទូលាយ ចំពេលមានកិច្ចខិតខំប្រឹងប្រែង​​ជាសកល ដើម្បីស្រោចស្រង់​បទ​ឈប់​បាញ់​នេះឡើងវិញ។

រដ្ឋមន្ត្រីការពារជាតិ លោក John Healey បានមានប្រសាសន៍ថា នាវាមុជទឹករបស់​រុស្ស៊ីចំនួន ៣ គ្រឿង បានធ្វើប្រតិ​បត្តិ​ការ “សម្ងាត់” លើខ្សែកាប និងបំពង់​​បង្ហូរប្រេង នៅក្នុងដែនទឹកភាគខាង​ជើងនៃចក្រភពអង់គ្លេស។

តម្លៃប្រេងបានធ្លាក់ចុះយ៉ាងគំហុកមកនៅក្រោម ១០០ ដុល្លារក្នុងមួយបារ៉ែល កាល​ពីថ្ងៃទី៨ខែមេសា បន្ទាប់ពីប្រធានា​ធិបតី​សហរដ្ឋអាមេរិក លោក Donald Trump បានមានប្រសាសន៍ថា លោកបាន​យល់ព្រមលើបទឈប់បាញ់រយៈពេល​ពីរសប្តាហ៍ជាមួយប្រទេសអ៊ីរ៉ង់ ក្រោមលក្ខខណ្ឌនៃការបើកច្រកសមុទ្រ Hormuz ឡើងវិញជាបន្ទាន់ និងប្រកប​ដោយ​សុវត្ថិភាព។

នាយករដ្ឋមន្ត្រីអេស្ប៉ាញ លោក Pedro Sánchez កាលពីថ្ងៃទី៨ខែមេសា បានចូល​រួមជាមួយបណ្តាមេដឹកនាំពិភព​លោក​ក្នុងការស្វាគមន៍ចំពោះការប្រកាស​​ឈប់​បាញ់គ្នារវាងសហរដ្ឋ​អាមេ​រិក និងអ៊ីរ៉ង់ ប៉ុន្តែលោកបានប្រើ​សម្តីឌឺដងមិនចំឈ្មោះទៅកាន់រដ្ឋបាលលោក Trump ចំពោះការបង្កឱ្យមានជម្លោះតាំង​ពី​ដំបូង​មក។

សហរដ្ឋអាមេរិក និងអ៊ីរ៉ង់ បានយល់ព្រម​លើបទឈប់បាញ់តាមលក្ខខណ្ឌរយៈពេលពីរសប្តាហ៍ កាលពីល្ងាចថ្ងៃទី៧ខែមេសា បន្ទាប់ពីមានអន្តរាគមន៍ការទូតនៅនាទីចុងក្រោយ ដឹកនាំដោយប្រទេស​ប៉ាគីស្ថាន ដែលបានធ្វើឱ្យការកំណត់​ឱសាន​​វាទរបស់ លោក ដូណាល់ ត្រាំ ឱ្យអ៊ីរ៉ង់ចុះចាញ់ ឬប្រឈមមុខនឹងការបំផ្លិច​បំផ្លាញរីករាលដាល ត្រូវបាន​លុប​ចោល​វិញ។

នៅម៉ោង ១៨:៣២ នាទី ម៉ោងនៅទីក្រុងវ៉ាស៊ីនតោន ប្រធានាធិបតី ដូណាល់ ត្រាំ បានបង្ហោះនៅលើបណ្តាញសង្គមរបស់លោក​ថា សហរដ្ឋអាមេរិក និងអ៊ីរ៉ង់ បាន​ឈាន​មកដល់ “ដំណាក់កាលឆ្ងាយណាស់​ហើយ” ជាមួយកិច្ចព្រមព្រៀងសន្តិ​ភាព “ច្បាស់លាស់” មួយ ហើយលោកបាន​យល់ព្រមលើបទឈប់បាញ់រយៈពេលពីរសប្តាហ៍ ដើម្បីអនុញ្ញាតឱ្យការចរចា​បន្តទៅមុខទៀត។

ក្រុមប្រឹក្សាសន្តិសុខអង្គការសហប្រជាជាតិ ត្រូវបានគេរំពឹងថានឹងបោះឆ្នោតនៅ​ថ្ងៃទី៧ខែមេសានេះ លើសេចក្តីសម្រេច​មួយ ដើម្បីការពារការដឹកជញ្ជូនពាណិជ្ជកម្មនៅច្រកសមុទ្រ Hormuz ប៉ុន្តែក្នុងទម្រង់ដែលត្រូវបានកាត់បន្ថយ​ខ្លឹមសារឱ្យស្រាលជាងមុនយ៉ាងខ្លាំង បន្ទាប់ពីប្រទេសចិនដែលមានអំណាច​​វីតូ បានជំទាស់នឹងការអនុញ្ញាត​ឱ្យប្រើប្រាស់កម្លាំងបាយ។ នេះបើយោងតាមការលើកឡើងរបស់អ្នកការទូត។

ក្រសួងសុខាភិបាលលីបង់ បានថ្លែងក្នុងសេចក្តីថ្លែងការណ៍មួយថា ការវាយប្រហារ​តាម​អាកាសរបស់អ៊ីស្រាអែលលើភូមិ Kfarhata នៅភាគខាងត្បូងប្រទេសលីបង់ បានសម្លាប់មនុស្ស ៧ នាក់ កាល​ពី​ថ្ងៃ​ទី៥ ខែមេសា រួមទាំងកុមារអាយុ​ ៤ ឆ្នាំម្នាក់ផងដែរ។

កាលពីថ្ងៃទី៥ខែមេសា ប្រធានាធិបតី Donald Trump បានបង្ហោះសារតាមបណ្តាញ​សង្គមដែលពោរពេញទៅដោយពាក្យសម្តីអសុរស ដោយបានប្តេជ្ញាថា នឹង​វាយប្រហារលើរោងចក្រអគ្គិសនី និងស្ពាន​នានារបស់ប្រទេសអ៊ីរ៉ង់។

លោក Emmanuel Macron បានមានប្រសាសន៍ថា ការលើកឡើងរបស់ លោក Donald Trump អំពីអាពាហ៍ពិពាហ៍របស់លោកគឺ «មិនមានភាពថ្លៃថ្នូរ និងមិនគ្រប់ស្តង់ដារឡើយ» បន្ទាប់ពីប្រធានា​ធិបតី​​សហរដ្ឋអាមេរិកបានធ្វើត្រាប់តាម​​សំឡេង និងចំអកឱ្យសម​ភាគី​បារាំង​​រូបនេះ រួមទាំងភរិយារបស់លោក ក្នុងអំឡុងពេលអាហារថ្ងៃត្រង់ឯកជនមួយនៅទីក្រុងវ៉ាស៊ីនតោន។