កងកម្លាំងយោធារុស្ស៊ី បានចូលកាន់កាប់រោងចក្រ Zaporizhzhia ដែលជារោងចក្រថាមពលនុយក្លេអ៊ែរដ៏ធំបំផុតរបស់អឺរ៉ុបនៅភាគអាគ្នេយ៍នៃប្រទេសអ៊ុយក្រែន។ នេះបើតាមរដ្ឋបាលរដ្ឋក្នុងតំបន់ដែលបានឱ្យដឹងនៅថ្ងៃសុក្រនេះ។
មន្រ្តីចរចាអ៊ុយក្រែនមួយរូបបានឱ្យដឹងនៅថ្ងៃព្រហស្បតិ៍ម្សិលមិញថា កិច្ចចរចាជុំទី២ ស្ដីពីបទឈប់បាញ់របស់ខ្លួនជាមួយរុស្ស៊ី មិនទទួលបានលទ្ធផលច្រើនដូចអ្វីដែលពួកគេបានរំពឹងទុកនោះទេ ប៉ុន្តែភាគីទាំងពីរបានឈានដល់ការយោគយល់គ្នាមួយក្នុងការបង្កើតច្រករបៀងមនុស្សធម៌ដើម្បីជម្លៀសជនស៊ីវិលចេញ។
ប្រភពរដ្ឋាភិបាលមួយបានឱ្យដឹងនៅថ្ងៃព្រហស្បតិ៍នេះថា ប្រទេសអាល្លឺម៉ង់កំពុងពិចារណាផ្គត់ផ្គង់មីស៊ីលប្រឆាំងយន្តហោះចំនួន២ ៧០០គ្រាប់ដល់អ៊ុយក្រែន ខណៈដែលប្រទេសមួយនេះបច្ចុប្បន្នត្រូវការពារខ្លួនប្រឆាំងនឹងការឈ្លានពានរបស់រុស្ស៊ី។
ម្ចាស់ក្លឹបបាល់ទាត់យក្ស Chelsea លោក Roman Abramovich បានឱ្យដឹងថា រូបលោកកំពុងតែដាក់លក់ក្លឹបបាល់ទាត់មួយនេះ បន្ទាប់ពីកាន់កាប់អស់រយៈពេលជិតពីរទសវត្សរ៍ ស្របពេលដែលខ្លួនកំពុងតែរងសម្ពាធពីវិបត្តិរវាងរុស្សី និងអ៊ុយក្រែន។ នេះបើតាមការចុះផ្សាយដោយសារព័ត៌មាន Bloomberg។
វិមានក្រឹមឡាំង (Kremlin) បានឱ្យដឹងថា មន្ត្រីរុស្ស៊ីនានាបានត្រៀមខ្លួនរួចជាស្រេចសម្រាប់កិច្ចចរចាបន្ថែមទៀតជាមួយអ៊ុយក្រែននៅថ្ងៃពុធនេះ ប៉ុន្តែពួកគេមិនច្បាស់ថាតើមន្ត្រីអ៊ុយក្រែនអាចនឹងចូលរួមបានឬយ៉ាងណានោះទេ។
ប្រធានាធិបតីតៃវ៉ាន់ លោកស្រី សៃ អ៊ីងវេន (Tsai Ing-wen) បានឱ្យដឹងនៅថ្ងៃពុធនេះថា រូបលោកស្រី អនុប្រធានាធិបតី លោក William Lai និងនាយករដ្ឋមន្ត្រី លោក Su Tseng-chang នឹងបរិច្ចាគប្រាក់បៀវត្សចំនួនមួយខែរបស់ពួកគេរៀងៗខ្លួន ដើម្បីជួយដល់ប្រទេសអ៊ុយក្រែនក្នុងការទប់ទល់ការឈ្លានពានរបស់រុស្ស៊ី។
អ្នកនាំពាក្យក្រសួងការបរទេសចិន លោក Wang Wenbin បានថ្លែងប្រាប់សន្និសីទសារព័ត៌មានមួយនៅថ្ងៃពុធនេះថា ពលរដ្ឋរបស់ខ្លួនជាង២ ៥០០នាក់ត្រូវបានផ្លាស់ប្ដូរទីតាំងចេញពីប្រទេសអ៊ុយក្រែន ខណៈប្រទេសមួយនេះបច្ចុប្បន្នកំពុងតែរងការឈ្លានពានក្នុងទ្រង់ទ្រាយធំដោយរុស្ស៊ី។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។
ប្រធានាធិបតីសហរដ្ឋអាមេរិក លោក ចូ បៃឌិន នៅថ្ងៃអង្គារម្សិលមិញ បានលើកឡើងថា ប្រធានាធិបតីរុស្ស៊ី លោក វ្លាឌីមៀរ ពូទីន នឹងទទួលរងនូវផលប៉ះពាល់ធ្ងន់ធ្ងរសម្រាប់ការដែលលោកឈ្លានពានអ៊ុយក្រែន បើទោះបីជាយុទ្ធនាការយោធារបស់ខ្លួននៅពេលនេះហាក់ទទួលបានជោគជ័យក្នុងរយៈពេលខ្លីក៏ដោយ។
អនុរដ្ឋមន្ត្រីក្រសួងមហាផ្ទៃប៉ូឡូញ បានឱ្យដឹងនៅថ្ងៃអង្គារនេះថា មនុស្សប្រមាណ៣៥ម៉ឺននាក់ភៀសខ្លួនចូលទៅក្នុងប្រទេសរបស់ខ្លួនពីអ៊ុយក្រែន គិតចាប់តាំងពីប្រទេសរុស្ស៊ីបានឈ្លានពានប្រទេសមួយនេះក្នុងទ្រង់ទ្រាយធំ។
ប្រធានាធិបតីប្រទេសបេឡារុស លោក អេឡិចហ្សានដឺ លូកាហ្សិនកូ (Alexander Lukashenko) បានឱ្យដឹងតាមរយៈការស្រង់សម្ដីដោយទីភ្នាក់ងារព័ត៌មានរដ្ឋមួយនៅថ្ងៃអង្គារនេះថា ប្រទេសរបស់លោកមិនមានគម្រោងណាមួយក្នុងការចូលរួមប្រតិបត្តិការយោធារបស់រុស្ស៊ីនៅអ៊ុយក្រែនឡើយ។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
