មេធាវីការពារក្ដីឱ្យមេដឹកនាំសហជីពក្រុមហ៊ុនណាហ្គាវើលដ៍ កញ្ញា ឈឹម ស៊ីថរ ថាកូនក្ដីរបស់ខ្លួនមិនបានទទួលដីកាដែលបញ្ជាក់ថាមិនឱ្យចេញទៅក្រៅប្រទេសនោះទេ មុនពេលកញ្ញា ឈឹម ស៊ីថរ ត្រូវបានសមត្ថកិច្ចចាប់ឃុំខ្លួនជាថ្មី។
សាច់ញាតិរបស់សកម្មជនបក្សប្រឆាំងដែលកំពុងជាប់ពន្ធនាគារ ចាត់ទុកការលើកលែងនិងបន្ធូរបន្ថយទោសដល់ទណ្ឌិតជិ៣០០នាក់ នៅថ្ងៃទី៧ ខែមករា ខាងមុខនេះ ដោយមិនមានវត្តមានសកម្មជនបក្សប្រឆាំង ថាជារឿងអយុត្តិធម៌ និងមានការរើសអើងផ្នែកនយោបាយ ខណៈពួកគេមិនបានធ្វើខុសដូចការចោទប្រកាន់នោះទេ។
ចាប់តាំងពីដើមខែធ្នូ ឆ្នាំ២០២២ រហូតដល់ពេលនេះ សមត្ថកិច្ចថានៅមិនទាន់រកឃើញជនបង្កគ្រោះថ្នាក់ចរាចរណ៍ដែលបណ្ដាលឱ្យទារិកាអាយុ២ខែម្នាក់ស្លាប់ ទោះបីជាតុលាការបានចេញដីកាបង្គាប់ឱ្យចាប់ខ្លួនក្ដី។
មេធាវីការពារក្តីឱ្យលោក សុន ឆ័យ បានដាក់ពាក្យបណ្តឹងសាទុក្ខទៅតុលាការកំពូល នៅរសៀលថ្ងៃអង្គារនេះ ដើម្បីប្រឆាំងនឹងសាលដីការបស់សាលាឧទ្ធរណ៍ ដែលបង្គាប់ឱ្យកូនក្តីរបស់លោកផ្តល់សំណងជំងឺចិត្តទៅឱ្យបក្សកាន់អំណាចដល់ចំនួន ១លានដុល្លារអាមេរិក។
លោក ចេន បៅរ៉ុង (Chen Baorong) ជាពាណិជ្ជករជនជាតិចិន ដែលដឹកនាំប្រតិបត្តិការជួយសង្គ្រោះកម្មកររាប់រយនាក់ពីប្រតិបត្តិការឆបោកតាមអ៊ីនធឺណិតនៅកម្ពុជា ត្រូវបានដោះលែងពីពន្ធនាគារខេត្តព្រះសីហនុ កាលពីថ្ងៃចន្ទម្សិលមិញនេះ។
សង្គមស៊ីវិលដែលធ្វើការលើការការពារ និងលើកកម្ពស់ស្ត្រី ទាមទារឱ្យរដ្ឋាភិបាលចាត់វិធានការច្បាប់ដោយម៉ឺងម៉ាត់ទៅលើជនមានអំណាចដែលប្រើហិង្សានិងបៀតបៀនលើស្ត្រី ដើម្បីផ្តល់យុត្តិធម៌ដល់ជនរងគ្រោះ និងលើកកម្ពស់ការអនុវត្តច្បាប់ ខណៈមើលឃើញថា បើរឿងរ៉ាវបញ្ចប់ទៅវិញដោយត្រឹមតែបញ្ចប់មុខតំណែងជនប្រព្រឹត្ត ឬសម្របសម្រួលក្រៅប្រព័ន្ធច្បាប់ គឺងាយនឹងធ្វើឱ្យករណីហិង្សាទាំងនេះកើតទៅលើស្ត្រីបន្តទៀត ហើយក៏បង្ហាញពីវប្បធម៌និទណ្ឌភាព ឬភាពគ្មានទោសពៃរ៍នៅកម្ពុជាផងដែរ។
អ្នកឃ្លាំមើលសង្គម យល់ថា ការដែលលោកនាយករដ្ឋមន្ត្រី ហ៊ុន សែន ចេញអន្តរាគមន៍រកយុត្តិធម៌ឱ្យអ្នកអត្ថាធិប្បាយទូរទស្សន៍បាយ័ន ដែលត្រូវតុលាការបង្គាប់ឱ្យឃុំខ្លួន ក្រោយរងការចោទពីបទ «ឆបោកប្រាក់ជាង៣៦លានដុល្លារ» ភ្ជាប់នឹងសារព្រមានដកតំណែងមន្ត្រីអនុវត្តច្បាប់ មិនអាចធានាយុត្តិធម៌សង្គមបានទេ ដរាបណារដ្ឋាភិបាលមិនបង្កើតឱ្យមានប្រព័ន្ធតុលាការឯករាជ្យនោះ។
តុលាការសម្រេចបន្តឃុំខ្លួនប្រធានសហជីព កញ្ញា ឈឹម ស៊ីថរ ក្រោមហេតុផលថា សំណុំរឿងរបស់កញ្ញាត្រូវបានបញ្ជូនទៅជំនុំជម្រះ ដោយចោទប្រកាន់ពីបទ «បំពានលើបម្រាមដាក់ឱ្យស្ថិតក្រោមការត្រួតពិនិត្យរបស់តុលាការ» ខណៈសង្គមស៊ីវិលថា ការសម្រេចនេះជារឿងមិនត្រឹមត្រូវ ព្រោះនេះមិនមែនជាកំហុសរបស់កញ្ញា ឈឹម ស៊ីថរ ទេ តែជាកំហុសនីតិវិធីរបស់តុលាការ ដែលមិនបានផ្តល់ដំណឹងពាក់ព័ន្ធដីកាដាក់ក្រោមការត្រួតពិនិត្យរបស់តុលាការទៅកញ្ញា និងមេធាវី។
ព្រះរាជអាជ្ញាខេត្តមណ្ឌលគិរី កំពុងសាកសួរមនុស្ស៤នាក់ដែលត្រូវបានចាប់ខ្លួន បន្ទាប់ពីមានការប្រឈមមុខដាក់គ្នារវាងអាជ្ញាធរ និងប្រជាពលរដ្ឋ ជុំវិញការរំលោភដីធ្លីនៅស្រុកកែវសីមា។
បុរសជនជាតិចិនម្នាក់ដែលជាប់ពន្ធនាគារ ខណៈដឹកនាំការជួយសង្គ្រោះកម្មករក្នុងប្រតិបត្តិការឆបោកមនុស្សរាប់រយនាក់ អាចនឹងត្រូវបានដោះលែងពីពន្ធនាគារខេត្តព្រះសីហនុ ក្នុងពេលឆាប់ៗនេះ បន្ទាប់ពីទោសរបស់លោកក្នុងសំណុំរឿង «ទាសករលក់ឈាម» ត្រូវបានបន្ធូរបន្ថយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
