រដ្ឋាភិបាលគ្រួសារហ៊ុន ច្រានចោលការចោទថាបានគំរាមយុទ្ធជននៅសមរភូមិជួរមុខមិនឱ្យទម្លាយរឿងកាត់ប្រាក់ខែពួកគេ រហូតពាក់កណ្តាលដោយគ្មានមូលហេតុ ព្រមទាំងគំរាមអនុវត្តច្បាប់ដកសញ្ជាតិចំពោះក្រុមដែលលាតត្រដាងរឿងអាស្រូវពុករលួយនេះ។
នៅពេលដែលមានការផ្ទុះអាវុធទ្រង់ទ្រាយធំជាមួយថៃ រយៈពេល៥ថ្ងៃ កាលពីខែកក្កដា គេឃើញកងទ័ពកម្ពុជានៅជួរមុខ និងក្រុមគ្រួសារពួកគាត់ក្នុងចំនួនដ៏ច្រើនបានបង្ហោះសាររូបភាព និងវីដេអូព្រោងព្រាតពេញបណ្តាញសង្គម បង្ហាញពីភាពក្រីក្រតោកយ៉ាកយ៉ាងខ្លាំងដ៏គួរឱ្យសង្វេគ ធ្វើឱ្យពលរដ្ឋខ្មែរដែលជាអ្នកស្រឡាញ់ជាតិរំជួលចិត្តយ៉ាងខ្លាំង។
មិនថាគ្រួសារកងទ័ពដែលពលី និងកងទ័ពដែលកំពុងដេកសម្រាកព្យាបាលមុខរបួសនៅតាមមន្ទីរពេទ្យនានានោះទេ សូម្បីកងទ័ពដែលកំពុងឈរជើងនៅជួរមុខ ក៏ឃើញតែបង្ហោះសារព្រោងព្រាតជាមួយរូបថត និងវីដេអូលើកដៃសំពះសុំជំនួយពីសប្បុរសជន ដើម្បីបានជាប្រាក់ព្យាបាលរបួស និងស្រោចស្រង់ជីវភាពដែលកំពុងខ្វះខាតយ៉ាងខ្លាំងផងដែរ ខណៈរដ្ឋាភិបាលហាក់ដូចនៅស្ងៀមមិនឃើញបញ្ចេញកញ្ចប់ថវិកាជាតិជួយដល់កងទ័ព និងគ្រួសារកងទ័ពដែលខ្វះខាតទាំងនោះឡើយ។
បក្សប្រឆាំងនិយាយថា កម្ពុជាមានលទ្ធភាពទិញយន្តហោះចម្បាំង និងអាវុធទំនើប សម្រាប់ពង្រឹងវិស័យការពារជាតិ ដើម្បីទប់ទល់នឹងសត្រូវឈ្លានពាន បើបក្សកាន់អំណាចប្រើប្រាស់ថវិកាជាតិឱ្យចំគោលដៅ មិនពុករលួយ និងបក្ខពួកនិយម សំពីងសំពោង ដែលគេហៅថា ក្បាលធំជាងខ្លួន ដូចបច្ចុប្បន្ននេះ។
អ្នកនយោបាយប្រឆាំង និងអ្នកឃ្លាំមើលសង្គម រួមទាំងប្រជាពលរដ្ឋខ្មែរនៅគ្រប់ទិស បានបង្ហាញពីការគាំទ្រយ៉ាងខ្លាំងដល់វីរៈកងទ័ពកម្ពុជា ដែលមានទឹកចិត្តមោះមុតអង់អាចក្លាហាន ក្នុងការច្បាំងទប់ទល់ប្រឆាំងទៅនឹងការឈ្លានពានរបស់ថៃ ក្នុងរយៈពេល៥ថ្ងៃកន្លងមក គឺចាប់ពីថ្ងៃទី២៤រហូតដល់ម៉ោង១២យប់ថ្ងៃទី២៨ ខែកក្កដា ឆ្នាំ២០២៥។
ចំពេលដែលបទឈប់បាញ់កម្ពុជា-ថៃ ស្ថិតនៅក្នុងភាពប្រកាសអាសន្ននៅឡើយនោះ គណបក្សប្រឆាំងបានព្យាយាមបើកកកាយរឿងអាស្រូវពុករលួយរបស់បក្សកាន់អំណាច ដោយថា គ្រាន់តែលុយពុករលួយបានពីបណ្តាញឧក្រិដ្ឋកម្មឆ្លងដែនក្នុងមួយឆ្នាំ អាចទិញយន្តហោះ F-16 បានដល់ជិត ៣០០គ្រឿង ដើម្បីពង្រឹងវិស័យការពារជាតិ។
អង្គភាពប្រឆាំងអំពើពុករលួយ (ACU) អះអាងថា ផ្អាកមុខងារលោក ស៊ាន បូរ៉ាត ពីអនុប្រធានអង្គភាពប្រឆាំងអំពើពុករលួយដើម្បីធ្វើការស៊ើបអង្កេតរឿងពុករលួយ ខណៈអ្នកឃ្លាំមើល ជំរុញឱ្យការស៊ើបអង្កេតនោះធ្វើឡើងដោយតម្លាភាព និងពន្លឿននីតិវិធី ដើម្បីផ្តល់យុត្តិធម៌ដល់ជនរងគ្រោះរាប់រយនាក់ ដែលចាញ់បោកក្រុមហ៊ុនប្រ៊ីលានស៊ីធីរបស់អតីតឧកញ៉ា ឡេង ចាន់ណា ដែលមានលោក ស៊ាន បូរ៉ាត នៅពីក្រោយខ្នង។
សង្គមស៊ីវិល និងគណបក្សក្រៅរដ្ឋាភិបាល មើលឃើញថា ដើម្បីបង្ក្រាបបទឧក្រិដ្ឋឆបោក នៅកម្ពុជា ឱ្យមានប្រសិទ្ធភាព រដ្ឋាភិបាលចាំបាច់ត្រូវបោសសម្អាតអំពើពុករលួយជាប្រព័ន្ធ រួមទាំងមន្ត្រីខិលខូចនៅពីក្រោយបទល្មើស បើមិនដូច្នេះទេ កម្ពុជានៅតែបន្តខូចឈ្មោះលើឆាកអន្តរជាតិ។
ប្រាក់ប្រមាណជា ១០លានដុល្លារ ត្រូវគេអះអាងថា បានបង្វិលចូលរដ្ឋវិញ ក្រោយពីរកឃើញមានភាពមិនប្រក្រតី នៅតាមក្រសួងស្ថាប័នថ្នាក់ជាតិ និងក្រោមជាតិ ក្រោមហេតុផលថា ជាប្រាក់បៀវត្សរ៍ដែលបើកលើសឱ្យទៅមន្ត្រីចូលវិវត្តន៍ ការលុបឈ្មោះ និងបញ្ហាមួយចំនួនទៀត។
ក្រុមជនរងគ្រោះចាញ់បោកអតីតឧកញ៉ា ឡេង ចាន់ណា ទាមទារឱ្យកាត់ទោស លោក ស៊ាន បូរ៉ាត់ និងលោក ស ថាវី ដោយថា មន្រ្តី២រូបនេះជាមេឧក្រិដ្ឋជនឆបោកដែលអូសទាញពួកគាត់រាប់ពាន់គ្រួសារឱ្យធ្លាក់ក្នុងវិបត្តិបំណុល
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
