ក្រុមអ្នកឃ្លាំមើល បង្ហាញការព្រួយបារម្ភពីការកើនឡើងបទឧក្រិដ្ឋផ្សេងៗ ដូចជាអំពើប្លន់ ជំរិតជាដើម ដែលបានកើតឡើងនៅតាមបណ្តាខេត្តមួយចំនួន ក្រោយមានករណីបង្ក្រាបទីតាំង Scams Online ខណៈជនបរទេសទាំងនោះ កំពុងរស់នៅរាយប៉ាយក្នុងទឹកដីកម្ពុជា។
ភាពវឹកវរកំពុងផ្ទុះឡើងក្នុងចំណោមជនបរទេស រស់នៅក្នុងប្រទេសកម្ពុជា តាមតំបន់ដែលត្រូវបានសមត្ថកិច្ចចុះបង្ក្រាបទីតាំងប្រតិបត្តិការឧក្រិដ្ឋកម្មអនឡាញ។ វីដេអូជាច្រើនឃ្លីបដែលចែកចាយលើបណ្ដាញសង្គម បានបង្ហាញឱ្យឃើញជនបរទេសចម្រុះជាតិសាសន៍ រត់គេចចេញពីការចាប់ខ្លួន ក្នុងប្រតិបត្តិការបង្ក្រាបអនឡាញនៅក្រុងប៉ោយប៉ែត កាលពីចុងខែមេសា។
ប្រជាពលរដ្ឋប្រមាណជា ១០០នាក់ តំណាងឲ្យពលរដ្ឋជិត ៤០០គ្រួសារ រស់នៅស្រុករវៀង និងស្រុកសង្គមថ្មី ខេត្តព្រះវិហារ បានជំរុញឱ្យអាជ្ញាធរពន្លឿនយន្តការកាត់ឆ្វៀលដីទំហំជិត ២ពាន់ហិកតា ចេញពីក្រុមហ៊ុនចិន ដើម្បីបានអាស្រ័យផល ដោយគ្មានការរំខាន ក្រោយពីអាជ្ញាធរចុះរារាំង។
ប្រធានគណបក្សដើម្បីកម្ពុជា លោក ឯម សុខសុវណ្ណ ចាត់ទុកលទ្ធផលអង្កេតរបស់អង្គភាពប្រឆាំងអំពើពុករលួយថា មិនបានយកចិត្តទុកដាក់ស៊ើបអង្កេតឱ្យច្បាស់លាស់ ផ្អែកតាមអង្គហេតុ និងអង្គច្បាប់ ដើម្បីស្វែងរកការពិតកម្ចាត់អំពើពុករលួយដែលធ្វើឱ្យបាត់ថវិកាជាតិនៅខេត្តព្រៃវែងនោះទេ។
សមាគមអាដហុក រកឃើញថា បញ្ហាវិវាទដីធ្លីនៅកម្ពុជា នៅតែបន្តមានលក្ខណៈធ្ងន់ធ្ងរ រ៉ាំរៃ និងស្មុគស្មាញ ដែលទាមទារឱ្យមានការកែលម្អផ្នែកច្បាប់ គោរពសិទ្ធិសហគមន៍ ទប់ស្កាត់អំពើពុករលួយ និងបញ្ឈប់ការប្រើអំណាចខុសពីគោលបំណងនៃច្បាប់ បើពុំនោះទេ វិវាទដីធ្លីនឹងបង្កផលប៉ះពាល់ធ្ងន់ធ្ងរដល់ស្ថិរភាពសេដ្ឋកិច្ច សង្គម និងការបាត់បង់ទំនុកចិត្តលើរដ្ឋាភិបាលនិងប្រព័ន្ធយុត្តិធម៌ ដែលអាចរារាំងដល់ការអភិវឌ្ឍរយៈពេលវែង។
ស្របពេលវិធានការបញ្ឈប់ការដាក់រង្វាន់លើក្រវិលកំប៉ុងស្រា និងគម្របដបភេសជ្ជៈមានជាតិស្ករ កំពុងទទួលបានការសាទរ ប្រជាពលរដ្ឋទូទៅក៏កំពុងរង់ចាំមើលប្រសិទ្ធភាពវិធានការនេះ ជាមួយការរំពឹងថារដ្ឋាភិបាលនឹងបន្តចាត់វិធានការថ្មីៗបន្ថែមទៀត។
ប្រជាសហគមន៍ចំនួន៤មកពី៦ឃុំំ ក្នុងស្រុកស្រែអំបិល និងស្រុកបូទុមសាគរ ខេត្តកោះកុង ដែលអះអាងថាមានជាង ៨រយគ្រួសារ បានឡើងមករាជធានីភ្នំពេញ ដើម្បីដាក់ញត្តិជាថ្មីទៀត នៅក្រសួងរៀបចំដែនដីជំរុញឱ្យក្រសួងសមីនេះ ពន្លឿនដំណោះស្រាយបញ្ហាដីធ្លី ខណៈបញ្ហាបានអូសបន្លាយចាប់តាំងពីឆ្នាំ២០២០មក។
អាជ្ញាធរស្រុករវៀង ខេត្តព្រះវិហារ មិនអនុញ្ញាតឱ្យប្រជាពលរដ្ឋនៅឃុំរួសរាន់ ដែលមានបញ្ហាដីធ្លីជាមួយក្រុមហ៊ុន ក្លូប៊ល ហ្រ្គីន របស់លោក ទ្រី ដាលុច កូនលោក ទ្រី ភាព ធ្វើវេទិកាសារធារណៈ ដែលគ្រោងធ្វើនៅថ្ងៃស្អែកនេះ និងបានគំរាមចាត់វិធានការផ្លូវច្បាប់ បើពលរដ្ឋនៅបន្តធ្វើ។
អ្នកឃ្លាំមើល និយាយថា ការដោះសាររបស់លោក ហ៊ុន តូ ថា មិនពាក់ព័ន្ធនឹងក្រុមហ៊ុន ហួយវ័ន ផេ ដែលត្រូវសហរដ្ឋអាមេរិកដាក់ទណ្ឌកម្ម ពុំមែនជារឿងថ្មីទេ ហើយថានេះបញ្ជាក់ថា អតិថិជន ១៣០០នាក់ ដែលរងគ្រោះនឹងមិនទទួលបានយុត្តិធម៌ពីប្រព័ន្ធច្បាប់នៅកម្ពុជាទេ ដូចទៅនឹងអ្វីដែលក្រុមឧកញ៉ាមួយចំនួនដែលស្និទ្ធនឹងមេដឹកនាំ ធ្លាប់បដិសេធទៅនឹងបទឧក្រិដ្ឋរបស់ខ្លួនដែរ។
ពលរដ្ឋរស់នៅក្នុងតំបន់អង្គរក្នុងស្រុកពួក ស្រុកប្រាសាទបាគង និងក្រុងសៀមរាប កំពុងតាមដានយ៉ាងយកចិត្តទុកដាក់ ចំពោះសេចក្ដីសម្រេចរបស់ក្រសួងរៀបចំដែនដី និងក្រសួងវប្បធម៌ ក្នុងការកំណត់លក្ខខណ្ឌការប្រើប្រាស់ដីទាំង ១១៤ ភូមិ ក្នុងតំបន់រមណីយដ្ឋានបេតិកភណ្ឌពិភពលោកអង្គរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
