ប្រជាពលរដ្ឋរាប់សិបគ្រួសារនៅភូមិចំនួន៨ ក្នុងសង្កាត់បល្ល័ង្គ ក្រុងរុនតាឯក ខេត្តសៀមរាបស្នើអាជ្ញាធររកដំណោះស្រាយបញ្ហាដីសហគមន៍រួម ដែលត្រូវបានអាជ្ញាធរមូលដ្ឋានគប់គិតធ្វើប្លង់ឱ្យបុគ្គលឯកជនកាន់កាប់ ហើយបុគ្គលទាំងនោះបានបិទផ្លូវធ្វើដំណើរឆ្លងកាត់ និងហាមប្រជាពលរដ្ឋលែងឱ្យចូលអាស្រ័យផលនៅលើដីនោះដូចមុន។
តំណាងជនជាតិដើមភាគតិចពូនង មានគ្នាប្រមាណ៦០នាក់ មកពី៤ភូមិ គឺភូមិពុលុ ភូមិប៊ូស្រា ភូមិឡាំមេះ និងភូមិពូចារ ស្ថិតក្នុងឃុំប៊ូស្រា ស្រុកពេជ្រាដា នៅព្រឹកថ្ងៃព្រហស្បតិ៍នេះ បានប្រមូលផ្តុំគ្នានៅមុខសាលាដំបូងខេត្តមណ្ឌលគិរី ដើម្បីស្នើសុំឲ្យតុលាការប្រគល់ទីបញ្ចុះសពតាំងដូនតា ដែលត្រូវមន្ត្រីស្ថាប័នជំនាញគប់គិតចេញប្លង់កម្មសិទ្ធិជូនឈ្មោះ ទូច វុត្ថា និងឈ្មោះ ស៊ាង រ៉ាវី ទាំងពួកគាត់មិនបានដឹងជាមុន។
ក្រុមយុវជនស្រឡាញ់បរិស្ថាន រកឃើញថា ពលរដ្ឋជាច្រើនពាន់គ្រួសារ រស់នៅក្នុងតំបន់បឹងទន្លេសាប ខេត្តបាត់ដំបង និងពលរដ្ឋរស់នៅតាមបណ្ដោយដងស្ទឹងសង្កែ ក្នុងស្រុកឯកភ្នំ នៅមិនទាន់ទុកដាក់សំរាមត្រឹមត្រូវនៅឡើយទេមកទល់ពេលនេះ។
ប្រជាពលរដ្ឋរស់នៅក្រុងព្រះសីហនុ បានត្អូញត្អែរពីផលលំបាកធ្វើប្លង់ដី ដោយថា ជិត៦ឆ្នាំមកនេះ ពួកគេមិនទាន់ទទួលបានប្លង់កម្មសិទ្ធិនៅឡើយទេ ទោះមន្ត្រីជំនាញបានចុះវាស់វែងតាំងពីឆ្នាំ២០២២ មកហើយក្តី ដែលបញ្ហានេះ ពួកគេបារម្ភពីសុវត្ថិភាពដីធ្លីដែលធ្លាប់អាស្រ័យផល។
ជនជាតិដើមភាគតិចកួយជាង ៣០០គ្រួសារ រស់នៅភូមិដងផ្លិត និងភូមិណារុង ឃុំឆែបពីរ ស្រុកឆែប នៅតែទន្ទឹងរង់ចាំពន្លឺយុត្តិធម៌ជាង ១ឆ្នាំមកហើយ ក្នុងករណីក្រុមហ៊ុនមួយរបស់អភិបាលរងខេត្តព្រះវិហារ លោក អ៊ុក គឹមសាន បានបញ្ជូនគ្រឿងចក្រជាច្រើនគ្រឿងសម្រុកឈូសឆាយព្រៃជំនឿអស់ជាង ១ពាន់ហិកតា នៅចំណុចព្រលានតាដែវ។
សហគមន៍ជនជាតិដើមភាគតិចព្នង រស់នៅឃុំប៊ូស្រា ស្រុកពេជ្រាដា អស់ជំនឿចិត្តចំពោះវិធានការទប់ស្កាត់បទល្មើសព្រៃឈើ ពីសំណាក់ឆ្មាំអភិរក្សរបស់ក្រសួងបរិស្ថាន ដោយពួកគេសង្កេតឃើញថា ជាង ១០ ឆ្នាំកន្លងទៅនេះ ក្រោយពីមានវត្តមានមន្ត្រីបរិស្ថាន ការពារដែនជម្រកសត្វព្រៃភ្នំណាមលៀរ ព្រៃឈើកាន់តែហិនហោច សត្វព្រៃកម្រជាច្រើនប្រភេទផុតពូជ ហើយដីព្រៃស្រោងរាប់ពាន់ហិកតារ នៅតំបន់ខ្លះបានក្លាយជាដីចម្ការជាកម្មសិទ្ធិឯកជន។
មន្ទីរបរិស្ថានខេត្តពោធិ៍សាត់ នៅថ្ងៃទី១៩ ខែឧសភានេះ បានផ្សព្វផ្សាយករណីបាត់បង់ជីវិតរបស់សត្វប្រើសញីមួយក្បាល ដែលបានវង្វេងចូលចម្ការដំឡូងមី និងត្រូវបានពលរដ្ឋបង្អៅឆ្កែដេញខាំរហូតដល់ស្លាប់។
ប្រជាពលរដ្ឋមួយចំនួនរស់នៅភូមិតានី ស្ថិតក្នុងឃុំភ្ញីមាស ស្រុកគីរីសាគរ បង្ហាញភាពអស់ជំនឿទៅលើ មន្ត្រីជាថ្នាក់ដឹកនាំនៅតាមមន្ទីរស្ថាប័នជំនាញខេត្តកោះកុង ដែលថា មិនអាចការពារដីព្រៃសាធារណៈ របស់រដ្ឋឲ្យបានគង់វង្ស ដោយសង្កេតឃើញថា ដីព្រៃលិចទឹករាប់សិបហិកតា ត្រូវបានគេប្រើគ្រឿងចក្រឈូសឆាយ និងលក់ដូរបន្ត ជូនអ្នកមានទ្រព្យ យ៉ាងអនាធិបតេយ្យ។
ប្រជាពលរដ្ឋចំនួន ១៣០នាក់ តំណាងឱ្យពលរដ្ឋសរុប ៨៧៥គ្រួសារ នៅព្រឹកថ្ងៃទី១៨ ខែឧសភានេះ បានប្រមូលផ្ដុំគ្នាកាន់បដា និងស្រែកដាក់មេក្រូ នៅមុខសាលាក្រុងប៉ោយប៉ែត ទាមទារឱ្យអាជ្ញាធរជួយដោះស្រាយករណី អ្នកស្រី ពៅ វណ្ណា លក់ដីខ្យល់ជាង៦ឆ្នាំមកនេះ។
ប្រជាពលរដ្ឋជិត ៩០គ្រួសារ នៅឃុំត្រពាំងភ្លាំង ស្រុកឈូក ខេត្តកំពត នៅថ្ងៃចន្ទនេះ បាននាំគ្នាប្រមូលផ្តុំដាក់ញត្តិនៅក្រសួងរៀបចំដែនដី ស្នើឱ្យជួយអន្តរាគមន៍ទៅអាជ្ញាធរខេត្ត ឱ្យពន្លឿនការវាស់វែង និងផ្តល់ប័ណ្ណកម្មសិទ្ធិដីធ្លីជូនពួកគាត់ ខណៈពួកគាត់អះអាងថា កំពុងមានក្តីបារម្ភជាខ្លាំងបាត់បង់ដីធ្លាប់រស់នៅនិងអាស្រ័យផល ទៅលើក្រុមហ៊ុនកាឡាក់ស៊ីរបស់ឧកញ៉ា ឡេង ណាវ៉ាត្រា និងក្រុមហ៊ុនរបស់ឧកញ៉ា ប៉ែន នួន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
