ពលករខ្មែរដែលបានវិលត្រឡប់ពីប្រទេស​ថៃ បានអះអាងមកថា ពួកគេខ្លះមិនទាន់មានការងារធ្វើនៅឡើយទេជិតកន្លះឆ្នាំមកនេះ ដោយសារតែទីផ្សារការងារនៅកម្ពុជាចង្អៀត ធ្វើឱ្យប្រឈមនឹងបញ្ហាជីវភាព ទោះក្រសួងការងារ ធ្លាប់​អះអាងពីភាពរីកចម្រើនលើវិស័យការ​ងារ​របស់កម្ពុជាក៏ដោយ។

កម្មករ-កម្មការិនីជាច្រើនពាន់នាក់ ធ្វើការនៅរោងចក្រស្បែកជើង ត្រាយ​អាំ​ហ្វិន ដ្រេហ្គន (Triumphant Dragon) ចំនួន ២ទីតាំងដែលនៅជិតគ្នា ស្ថិតក្នុងស្រុកគងពិសី ខេត្តកំពង់ស្ពឺ និងស្រុកបាទី ខេត្តតាកែវ បាននាំគ្នាតវ៉ា និង​បិទកំណាត់ផ្លូវជាតិលេខ៣ នៅព្រឹកថ្ងៃ​ទី២៦ ខែ មករានេះ ទាមទារឱ្យថៅកែ​រោងចក្រ បើកប្រាក់បំណាច់ឆ្នាំ។

ក្រសួងការងារ និងបណ្តុះបណ្តាលវិជ្ជាជីវៈ និយាយថា ខ្លួនធ្វើការផាកពិន័យចំពោះ​សហ​គ្រាស ក្រុមហ៊ុន រោងចក្រ ដែលតម្រូវ​ឱ្យ​អតីតពលករខ្មែរត្រឡប់មក​ពី​ថៃ ត្រូវតែផ្តល់អត្តសញ្ញាណប័ណ្ណសញ្ជាតិខ្មែរក្នុងការដាក់ពាក្យធ្វើការ ដោយចាត់ទុកថា ការតម្រូវបែបនេះ ផ្ទុយទៅនឹងសេចក្តីជូនដំណឹងកន្លង​មក។

កម្ពុជាកំពុងប្រឈមមុខនឹងគ្រោះអាសន្ន​ដ៏ស្ងប់ស្ងាត់មួយនៅក្នុងប្រទេស បន្ទាប់​ពីរលកនៃពលករចំណាកស្រុកបាន​សម្រុកត្រឡប់មកពីថៃវិញយ៉ាងគំហុក ក្នុងអំឡុងពេលមានជម្លោះព្រំដែន។ ជាច្រើន​ឆ្នាំ​មក​នេះ ថៃ​គឺ​ជាកន្លែង​ចម្ប​ង​ដែល​ប្រជាពលរដ្ឋខ្មែរអាចស្វែង​រកការងារដែលទទួលបានប្រាក់កម្រៃ​ខ្ពស់ នៅពេលដែលការងារនៅក្នុងស្រុក​មានភាពខ្សត់ខ្សោយ។

ក្រុមសហជីព និងសង្គមស៊ីវិល បន្តជំរុញដល់រដ្ឋាភិបាល និងភាគីពាក់ព័ន្ធ ដោះស្រាយ​វិវាទការងារក្រុមហ៊ុនណាហ្គាវើលដ៍ ដែល​បានអូសបន្លាយជាង៤ឆ្នាំ និងបញ្ឈប់​ការរំលោភសិទ្ធិការងារ ការរើស​អើង​សហជីព ដើម្បីយុត្តិធម៌សង្គម ការលើកកម្ពស់សិទ្ធិការងារ និងជាការបង្ហាញ​ពីឆន្ទៈរបស់រដ្ឋាភិបាលក្នុងការរួបរួមជាតិ។

កម្មករ-កម្មការិនីប្រមាណ ២០០០នាក់ ធ្វើការនៅរោងចក្រផលិតស្បែកជើង យូ ជា ឆេង (YJC) នៅស្រុកគងពិសី ខេត្តកំពង់ស្ពឺ បានផ្ទុះការតវ៉ាបិទកំណាត់ផ្លូវជាតិលេខ៣ នាព្រឹកថ្ងៃទី០៧ ខែមករានេះ ដោយទាមទារឱ្យថៅកែរោងចក្រ បញ្ឈប់អ្នកគ្រប់គ្រងជនជាតិចិនម្នាក់ពីការងារ ដែលពួកគាត់ថាបានប្រើពាក្យម៉ាក់ងាយដល់ជនជាតិខ្មែរ និងថ្នាក់ដឹក​នាំ​ខ្មែរថាទន់ខ្សោយ ទើបសៀមឈ្លាន​ពាន​ទឹកដី ព្រមទាំងទាមទារនូវលក្ខខណ្ឌ​ការងារមួយចំនួនផងដែរ។

រដ្ឋាភិបាលថៃ បានបញ្ចាក់ឡើងវិញថា ពលករខ្មែរកំពុងធ្វើការនៅប្រទេសថៃ ដែលមានលិខិតការងារផុតកំណត់ត្រឹមដើមឆ្នាំ២០២៦ អាចបន្តវីសាឬស្នាក់នៅបាន២ឆ្នាំបន្ថែមទៀត ខណៈសារព័ត៌​មាន​​ក្នុងស្រុកថៃធ្លាប់ចុះផ្សាយខុសពីនេះ ដោយសំអាងពីបញ្ហាជម្លោះព្រំដែនជាមួយ​កម្ពុជា។

រដ្ឋាភិបាលថៃ ព្រមានថា ឈប់បន្តលិខិត​ស្នាក់នៅសម្រាប់ការងារដល់ពលករខ្មែរ ចាប់ពីដើមឆ្នាំ២០២៦ទៅ ដោយថា បារម្ភអសន្តិសុខជាតិ ខណៈជម្លោះព្រំដែននៅបន្តអូសបន្លាយ និងអាជ្ញាធរខ្លួនរកឃើញថា ពលករខ្មែរប្រមាណ​ជា១០ម៉ឺននាក់ទៀត កំពុងធ្វើការគ្មានលិខិតបញ្ជាក់ច្បាស់លាស់។

អង្គការធ្វើការលើផ្នែកសិទ្ធិការងារ បានបង្ហាញពីការសិក្សាស្រាវជ្រាវមួយ ដោយ​រកឃើញថា ពលករចំណាកស្រុកខ្មែរដែលបានត្រឡប់មកវិញជាច្រើន កំពុងប្រឈម​នឹងសម្ពាធផ្នែកសេដ្ឋកិច្ចធ្ងន់ធ្ងរ ជាពិសេសបញ្ហាបំណុល ខណៈការ​ជួយ​សង្គ្រោះបឋម និងការទទួលបានជំនួយ​មានតិចតួច ដែលធ្វើឱ្យពលករទាំងនោះស្ទើរជាងពាក់កណ្តាល មានគម្រោងធ្វើចំណាកស្រុកជាថ្មីទៀត។