កម្មករនិយោជិត និងតំណាងសហជីពនៅក្រុមហ៊ុនណាហ្គាវើលដ៏ ធ្វើយុទ្ធនាការដាក់ញត្តិនៅក្រសួងការងារ និងស្ថានទូតបរទេសមួយចំនួនប្រចាំនៅកម្ពុជា ជំរុញឱ្យពន្លឿនការដោះស្រាយវិវាទការងារនៅក្រុមហ៊ុនល្បែងមួយនេះ ដើម្បីឆ្លើយតបទៅនឹងអនុសាសន៍របស់អង្គការអន្តរជាតិខាងការងារ (ILO) និងលុបបំបាត់ការរិះគន់កន្លងមក ដែលថា កម្ពុជាមិនបានការពារសិទ្ធិការងារ និងសេរីភាពសហជីព។
អង្គការសម្ព័ន្ធភាពការងារ និងសិទ្ធិមនុស្សសង់ត្រាល់ នៅថ្ងៃទី១៤ ខែតុលា បានចុះផ្សាយនូវអត្ថបទវិចារណាកថាមួយ ក្រោមចំណងជើងថា ភាពជាប់គាំងសេរីភាពនៃការបង្កើតសមាគម ដែលនិយាយពី ឧបសគ្គនៃការចុះបញ្ជីសហជីពជាប្រព័ន្ធរបស់កម្ពុជា។
ក្រុមកម្មករឱ្យដឹងថា រោងចក្រផលិតស្បែកជើងឡឺក្រោនស៊ូ ដែលមានទីតាំងនៅស្រុកជើងព្រៃ ខេត្តកំពង់ចាម គ្រោងនឹងបិទទ្វារនៅដើមខែមករាខាងមុខនេះ ដោយសារមិនមានអ្នកបញ្ជាទិញ ដែលការណ៍នេះបានធ្វើឱ្យកម្មករមានក្តីបារម្ភពីបញ្ហាភាពគ្មានការងារធ្វើ និងប៉ះពាល់ជីវភាព ដោយសារតែកម្មករមួយចំនួន ជាមនុស្សវ័យចំណាស់។
អង្គការសម្ព័ន្ធខ្មែរជំរឿន និងការពារសិទ្ធិមនុស្ស លីកាដូ ព្រមទាំងអង្គការសមាគម សង្គមស៊ីវិល ១៧ស្ថាប័នផ្សេងទៀត រកឃើញថា ពលករខ្មែរ ដែលបានត្រឡប់មកស្រុកកំណើតវិញ ក្រោយហេតុការណ៍ជម្លោះព្រំដែន រវាងកម្ពុជាជាមួយប្រទេសថៃ ជាច្រើនម៉ឺននាក់ កំពុងប្រឈមនឹងភាពមិនច្បាស់លាស់ នៅក្នុងការចាប់ផ្ដើមជីវិតថ្មី នៅលើទឹកដីកំណើតរបស់ខ្លួន។
កម្មកររោងចក្រតារាល់(TARAL) ដែលបានតវ៉ាច្រើនថ្ងៃជាប់គ្នារហូតមានការបិទកំណាត់ផ្លូវជាតិលេខ៣ ក្នុងស្រុកគងពិសី ខេត្តកំពង់ស្ពឺនោះ បានចូលធ្វើការធម្មតាឡើងវិញហើយ ក្រោយភាគីក្រុមហ៊ុនទទួលយកលក្ខខណ្ឌការងារ ដែលទាមទារដោយកម្មករ ក្រោមការសម្របសម្រួលពីអាជ្ញាធរពាក់ព័ន្ធ។
កម្មករ-កម្មការិនីប្រមាណជាង ៥០០០នាក់ ធ្វើការនៅរោងចក្រកាត់ដេរសំលៀកបំពាក់ឈ្មោះ តារ៉ាល់ បាននាំគ្នាធ្វើកូដកម្មតវ៉ានៅមុខរោងចក្រ និងបានឈានដល់ការបិទកំណាត់ផ្លូវជាតិលេខ៣ ក្នុងឃុំស្នំក្រពើ ស្រុកគងពិសី ខេត្តកំពង់ស្ពឺ ដើម្បីទាមទារឱ្យខាងរោងចក្របញ្ឈប់ការគាបសង្កត់លើកម្មករ និងដោះស្រាយអត្ថប្រយោជន៍ការងារ ទៅតាមច្បាប់ស្តីពីការងារ។
វិបត្តិជីវភាពរបស់ពលរដ្ឋ រួមទាំងមន្ត្រីរាជការ និងគ្រូបង្រៀននៅកម្ពុជា កំពុងក្លាយជាក្តីបារម្ភថា អាចនឹង ជំរុញឱ្យមានរលកតវ៉ាទ្រង់ទ្រាយធំ ដូចបណ្តាប្រទេសមួយចំនួន ក្នុងប្រព័ន្ធដឹកនាំមួយដែលធ្វើឱ្យប្រាក់ខែ មន្ត្រីរាជការ មានគម្លាតដាច់ឆ្ងាយពីប្រាក់ខែតំណាងរាស្ត្រ និងមន្ត្រីអ្នកមានអំណាច។
វិវាទការងារនៅរោងចក្របូវឃើរ ហ្គាមេន ហ្វេកធើរី ក្នុងខេត្តកណ្តាល ត្រូវបានដោះស្រាយបញ្ចប់ ដោយខាងភាគីកម្មករ និងក្រុមហ៊ុន បានឯកភាពទទួលយកការទូរទាត់ប្រាក់អត្ថប្រយោជន៍ការងារចំនួន ៣ចំណុច និងប្រាក់ឧបត្ថម្ភប៉ូវបន្ថែមចំនួន ២០៨ដុល្លារក្នុងម្នាក់។
ការចរចារកដំណោះស្រាយរឿងវិវាទការងារ នៅរោងចក្របូវឃើរ ហ្គាមេន ហ្វេកធើរី នៅមិនទាន់មានលទ្ធផលនៅឡើយ ដែលគិតត្រឹមព្រឹកថ្ងៃទី០១ខែតុលានេះ កម្មករផ្នែកប៉ាក់ដែលត្រូវបានបញ្ឈប់ជាង ៧០នាក់ នៅបន្តប្រមូលផ្តុំតវ៉ានៅមុខរោងចក្រ ទាមទារនូវការទូទាត់សំណង និងអត្ថប្រយោជន៍សមរម្យពីភាគីរោងចក្រ។
កម្មករជិត ៨០នាក់ ធ្វើការនៅរោងចក្រកាត់ដេរ បូវឃើរ ហ្គាមេន ហ្វេកធើរី ក្នុងឃុំបែកចាន ស្រុកអង្គស្នួល ខេត្តកណ្តាល ក្នុងនោះមានទាំងកម្មការិនីមានផ្ទៃពោះផងនោះ បាននាំគ្នាប្រមូលផ្តុំតវ៉ានៅមុខរោងចក្រ ក្រោយថៅកែរោងចក្របញ្ឈប់ពួកគេពីការងារ និងមិនបានបើកប្រាក់ឈ្នួលខែកញ្ញា ដោយខុសនឹងនីតិវិធីច្បាប់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
