លោកនាយករដ្ឋមន្ត្រី ហ៊ុន សែន បានបញ្ជានៅព្រឹកថ្ងៃនេះឲ្យស្វែងរកមេខ្លោងនៃបទល្មើសគ្រឿងញៀនដែលត្រូវបានបង្ក្រាប និងរឹបអូសបាននៅក្លឹបកម្សាន្តដ៏ធំមួយនៅក្បែរមណ្ឌលសិក្សានៅកណ្ដាលរាជធានីភ្នំពេញកាលពីខែកុម្ភៈកន្លងមកនេះ។
យោងតាមការចុះផ្សាយលើទំព័រហ្វេសប៊ុករបស់អគ្គនាយកដ្ឋានអន្តោប្រវេសន៍ កាលពីម្សិលមិញ ឲ្យដឹងថាសមត្ថកិច្ចខេត្តកោះកុង បានប្រទះឃើញសាកសពបុរសជនជាតិចិនម្នាក់ នៅឃុំប៉ាក់ខ្លង ស្រុកមណ្ឌលសីមា។ តាមការធ្វើកោសល្យវិច្ច័យរបស់សមត្ថកិច្ចខេត្ត ការស្លាប់នេះជាអំពើឃាតកម្ម ដែលសម្លាប់នៅតំបន់ផ្សេង ហើយយកសពមកទម្លាក់ចោលនៅកន្លែងកើតហេតុ។
សមត្ថកិច្ចរាជធានីភ្នំពេញ សម្រេចបញ្ជូនជនជាតិអាមេរិកម្នាក់ទៅកាន់សាលាដំបូងរាជធានីភ្នំពេញនៅរសៀលនេះ ក្រោយពីបុរសបរទេសរូបនេះ ត្រូវបានឃាត់ខ្លួនក្រោមការចោទថា ពាក់ព័ន្ធនឹងការទិញពេស្យាចារកុមារ។
របាយការណ៍អគ្គនាយកដ្ឋានអន្តោប្រវេសន៍ បានឲ្យដឹងថា សមត្ថកិច្ចកម្ពុជាបានដកហូតឯកសាររដ្ឋបាលមិនប្រក្រតីដែលកាន់កាប់ដោយជនបរទេសដល់ទៅជាង ៣ម៉ឺន ៥ពាន់ច្បាប់ ហើយក៏បានផ្ដល់ប័ណ្ណស្នាក់នៅអចិន្ត្រៃយ៍ជិត ២ម៉ឺនសន្លឹកដល់ជនបរទេសផងដែរ។
អាជ្ញាធរជាតិអប្សរាជូនដំណឹងទៅស្ថាប័នជាតិ និងអន្តរជាតិ ជួយណែនាំភ្ញៀវទេសចរទាំងអស់កុំឲ្យបរិភោគអាហារក្នុងបរិវេណប្រាសាទ អំឡុងពេលចូលទស្សនាប្រាសាទអង្គរវត្ត និងបាយ័ន ដោយថា ប្រាសាទទាំងពីរនេះ ជាទីគោរពសក្ការៈដ៏ស័ក្តិសិទ្ធិ និងជាដួងព្រលឹងរបស់ជាតិខ្មែរទាំងមូល។
មន្ត្រីជាន់ខ្ពស់ក្រសួងប្រៃសនីយ៍ និងទូរគមនាគមន៍ បានឲ្យដឹងថា ក្រសួងមិនទាន់សម្រេចឲ្យគេហទំព័រសារព័ត៌មាន ខេមបូឌា ដេលី បើកដំណើរការឡើងវិញទេ ចាប់តាំងពីរដ្ឋាភិបាលសម្រេចរាំងខ្ទប់គេហទំព័រសារព័ត៌មានមួយនេះ បើទោះជាគេអាចបើកមើលឃើញនៅពេលនេះក្តី។
អភិបាលខ័ណ្ឌដូនភ្នំពេញ លោក សុខ ពេញវុធ បានប្រាប់ វីអូឌី នៅថ្ងៃនេះថា ដើមចមដែលនាំឲ្យក្រុមសមត្ថកិច្ចចំរុះ រួមមាន អភិបាលខណ្ឌ អធិការនគរបាលខណ្ឌ និងប៉េអឹមខណ្ឌ ហៅនគរបាលផ្កាយពីរម្នាក់ដែលបម្រើការនៅអគ្គស្នងការនគរបាលជាតិ នៅផ្នែកប្រឆាំងបទល្មើសគ្រឿងញៀនការិយាល័យ(ក១) និងកូនចៅប្រមាណ១០នាក់ សួរនាំកាលពីយប់ថ្ងៃទី២៤ ខែកុម្ភៈ ឆ្នាំ២០១៩ ពិតមែន។ លោក បន្តថា ការសួរនាំនេះធ្វើឡើងដោយសារតែពួកលោកមិនស្គាល់មន្រ្តីដែលចុះទៅបង្ក្រាបបទល្មើសគ្រឿងញៀនទាំងនោះ។
សង្គមស៊ីវិល បានសាទរចំណាត់ការរដ្ឋាភិបាលដែលបានឆ្មក់ចាប់គ្រឿងញៀនបាន៥០គីឡូក្រាមក្នុងក្លឹបកំសាន្តរ៉ក់ (Rock) នៅរាជធានីភ្នំពេញ ប៉ុន្តែថារដ្ឋាភិបាលនឹងបរាជ័យលើការទប់ស្កាត់ចរាចរណ៍គ្រឿងញៀននៅទូទាំងប្រទេស បើឧក្រិដ្ឋជនមិនត្រូវបានចាប់ខ្លួន ។
មន្ត្រីជាន់ខ្ពស់នគរបាលជាតិ បានឲ្យដឹងថា សមត្ថកិច្ចរកឃើញអ្នកពាក់ព័ន្ធគ្រឿងញៀនជិត ៣០នាក់ នៅក្នុងចំណោមមនុស្សជាង ៣០០នាក់ ដែលត្រូវបានឃាត់ខ្លួននៅអំឡុងការបង្ក្រាបមួយនៅមជ្ឈមណ្ឌលកំសាន្តរ៉ក់កាលពីចុងសប្តាហ៍មុន។
ទំព័រហ្វេសប៊ុកផ្លូវការរបស់លោកនាយករដ្ឋមន្ដ្រី ហ៊ុន សែន បានអះអាងថា ទំព័របណ្ដាញទំនាក់ទំនងសង្គមមួយនេះ ត្រូវបានឧក្រិដ្ឋជនលួចយកទៅគ្រប់គ្រង ដែលការអះអាងនេះបានកើតឡើងបន្ទាប់ពីទំព័រហ្វេសប៊ុកដដែលនេះ បានព្រមានបិទបណ្ដាញសង្គមមួយនេះមិនឲ្យមាននៅកម្ពុជា។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
