ប្រធានគណបក្សសង្គ្រោះជាតិដែលត្រូវបានតុលាការរំលាយ លោក កឹម សុខា បានអះអាងថា មន្ត្រីជាន់ខ្ពស់របស់ចក្រភពអង់គ្លេស បន្តតាមដានដោយចិត្តទុកដាក់អំពីដំណើរការ និងលទ្ធផលនៃសវនាការនារឿងក្តីរបស់លោក ដើម្បីរួមចំណែកក្នុងដំណើរការប្រជាធិបតេយ្យនៅកម្ពុជានាពេលខាងមុខ។
អតីតមេដឹកនាំគណបក្សប្រឆាំង លោក កឹម សុខា បានលើកឡើងពីកត្តាចាំបាច់មួយចំនួន ក្នុងនោះមានទាំងការធានាយុត្តិធម៌សង្គម និងការលើកកម្ពស់សិទ្ធិមនុស្ស ជាដើម ដែលលោកថា ដើមចមទាំងអស់នោះជាមូលដ្ឋានគ្រឹះនៃសន្តិភាព និងបញ្ចៀសបាននូវវប្បធម៌សងសឹក សម្រាប់ជាគំរូដល់ក្មេងជំនាន់ក្រោយ។
សហមេធាវីការពារក្ដីឱ្យអតីតប្រធានគណបក្សសង្រ្គោះជាតិ បង្ហាញក្ដីសង្ឃឹមថា រឿងក្ដីលោក កឹម សុខា នឹងមានដំណោះស្រាយក្នុងពេលឆាប់ៗខាងមុខ បន្ទាប់ពីសាលាដំបូងរាជធានីភ្នំពេញសម្រេចបន្តសវនាការឡើងវិញនៅដើមឆ្នាំក្រោយ។
តុលាការរាជធានីភ្នំពេញ បានកោះហៅអតីតប្រធានគណបក្សសង្រ្គោះជាតិ លោក កឹម សុខា ចូលរួមសវនាការនៅចុងខែមករា ឆ្នាំ២០២២ខាងមុខ ក្រោយពីសំណុំរឿងមួយនេះ តុលាការបានផ្អាកសវនាការប្រមាណ២ឆ្នាំមកហើយ ក្រោមហេតុផលទប់ស្កាត់ការឆ្លងរីករាលដាលជំងឺកូវីដ-១៩។
មេដឹកនាំបក្សកាន់អំណាច ប្រកាសជាផ្លូវការគាំទ្រលោក ហ៊ុន ម៉ាណែត កូនប្រុសច្បងរបស់លោក ជាបេក្ខភាពនាយករដ្ឋមន្ត្រី សម្រាប់ស្នងតំណែងរបស់លោកទៅថ្ងៃអនាគត និងបានច្រានចោលការចោទពីការគំរាមកំហែងដើម្បីបំបែកក្បាលម៉ាស៊ីនដឹកនាំរបស់មេដឹកនាំអតីតគណបក្សសង្គ្រោះជាតិ។
កញ្ញា កឹម មនោវិទ្យា កូនស្រីច្បងរបស់លោក កឹម សុខា បានអះអាងថា ឪពុករបស់ខ្លួនមានសិទ្ធិក្នុងការបញ្ចេញមតិ ដើម្បីប្រាប់ដៃគូរបស់លោកឱ្យបញ្ឈប់ការកេងចំណេញនិងបោកប្រាស់សាធារណជនតទៅទៀត។
អតីតប្រធានគណបក្សសង្គ្រោះជាតិ លោក កឹម សុខា កាលពីថ្ងៃអាទិត្យ បានចេញសារនយោបាយដ៏កម្រមួយរិះគន់សម្ព័ន្ធមិត្តរបស់ខ្លួនថា មិនគោរពគោលការណ៍រួបរួម ដែលការណ៍នេះ លោកអំពាវនាវឱ្យឈប់យករូបថតរបស់លោកភ្ជាប់ទៅនឹងសកម្មភាពនយោបាយ ខណៈលោកជាប់បម្រាមតុលាការនៅឡើយ។
មេដឹកនាំអតីតបក្សសង្គ្រោះជាតិមួយរូបដែលកំពុងនិរទេសខ្លួននៅក្រៅប្រទេស លោក សម រង្ស៊ី បានចាត់ទុកការបង្ហោះសារនយោបាយរបស់លោក កឹម សុខា ដែលថា ពួកគេទាំងពីរនាក់មិនមែនជាមនុស្សតែមួយ ដោយសារលោកនាយករដ្ឋមន្ត្រី ហ៊ុន សែន គំរាមកំហែងនិងចាប់យកលោក កឹម សុខា ជាចំណាប់ខ្មាំង។
ក្នុងឱកាសដែលរដ្ឋាភិបាលបន្តប្រារព្ធពិធីបុណ្យឯករាជ្យជាតិ ដើម្បីរម្លឹកពីបូជនីយកម្មរបស់ព្រះបរមរតនកោដ្ឋនោះ អ្នកនយោបាយមួយចំនួនដែលមិនកាន់អំណាច បានលើកឡើងពីសារៈសំខាន់នៃការផ្សះផ្សាជាតិ ខណៈវិបត្តិនយោបាយនៅបន្តជាប់គាំង។
ប្រភពស្និទ្ធនឹងលោក កឹម សុខា មួយរូប បានឱ្យដឹងថា ប្រធានអតីតគណបក្សប្រឆាំងរូបនេះបានដាក់លក់វីឡារបស់ខ្លួននៅរាជធានីភ្នំពេញ តាំងពីអំឡុងឆ្នាំ២០២០មកម្ល៉េះ ដោយសារគាត់មានគម្រោងផ្លាស់ទៅរស់នៅតំបន់ជាយក្រុងឬខេត្តផ្សេងជំនួសវិញ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
