ម្ចាស់រោងម៉ាស៊ីនកិនស្រូវរំពឹងថា ស្រូវនឹងរក្សាតម្លៃជាង១ ០០០រៀលក្នុងមួយគីឡូ ក្រោយរដ្ឋាភិបាលបានបញ្ចេញថវិកាជិត១០០លានដុល្លារ ដើម្បីគាំទ្រដល់រោងម៉ាស៊ីនកិនស្រូវ និងក្រុមហ៊ុនកែច្នៃនាំអង្ករចេញ ក្នុងការប្រមូលទិញស្រូវពីប្រជាកសិករតាមតម្លៃសមស្រប ចៀសវាងការទិញទម្លាក់ថ្លៃពីឈ្មួញខិលខូចមួយចំនួន។
ស្ថិតនៅក្នុងតំបន់ដែលពោរពេញទៅដោយជ្រលងភ្នំ ក្រុមពលរដ្ឋលើកឡើងថា ភោជនីយដ្ឋានមួយចំនួនក្នុងតំបន់ ក៏មានដាក់លក់សាច់ស្វាផងដែរ ខណៈពួកគេក៏បានចង្អុលបង្ហាញប្រាប់អ្នកយកព័ត៌មានអំពីទីតាំងដែលសម្បូរទៅដោយសកម្មភាពបរបាញ់ ហើយថែមទាំងបានសួរអ្នកយកព័ត៌មានថាចង់ទិញសត្វស្វាឬអត់ទៀតផង។
អង្ករផ្ការំដួលកម្ពុជា ជាប់ជា «អង្ករល្អដាច់គេ» ក្នុងវេទិកាស្រូវអង្ករពិភពលោក ខណៈកសិករនៅខេត្តមួយចំនួនត្អូញត្អែរពីវិបត្តិទីផ្សារស្រូវ ដោយថាអង្ករកម្ពុជាល្អដាច់គេមែន តែពួកគាត់លក់ស្រូវបានតម្លៃថោក មិនចំណេញ ស្របពេលតម្លៃទំនិញ-ជីលើទីផ្សារឡើងថ្លៃជាលំដាប់ ដែលចាំបាច់ឱ្យរដ្ឋាភិបាលបំពេញតួនាទីរបស់ខ្លួនបន្ថែមក្នុងការជួយជ្រោមជ្រែងពួកគាត់ជាបន្ទាន់។
ក្រសួងកសិកម្ម រុក្ខាប្រមាញ់ និងនេសាទ បានថ្លែងការពារ ដោយអះអាងថានឹងស្វែងរកយុត្តិធម៌ដល់មន្ត្រីរបស់ខ្លួនដែលត្រូវបានចាប់ខ្លួននៅសហរដ្ឋអាមេរិក ក្រោមបទឧក្រិដ្ឋកម្មរបស់ប្រទេសលោកសេរីមួយនេះ ជុំវិញការរត់ពន្ធសត្វស្វាក្ដាមចេញពីកម្ពុជា។
មន្ត្រីក្រសួងកសិកម្មម្នាក់ត្រូវបានចាប់ខ្លួននៅទីក្រុងញូវយ៉ក សហរដ្ឋអាមេរិក ក្រោមបទឧក្រិដ្ឋកម្មរបស់សហរដ្ឋអាមេរិក ជុំវិញការរត់ពន្ធសត្វស្វាក្ដាម (long-tailed macaques) ចេញពីកម្ពុជា ខណៈអគ្គនាយករដ្ឋបាលព្រៃឈើនៃក្រសួងកសិកម្មម្នាក់ ក៏ត្រូវបានរកឃើញថាមានជាប់ពាក់ព័ន្ធនឹងករណីនេះផងដែរ។
ក្រសួងកសិកម្ម រុក្ខាប្រមាញ់ និងនេសាទ បានអំពាវនាវដល់ប្រជាកសិករឱ្យបញ្ឈប់ការបង្ហោះព័ត៌មានតាមបណ្ដាញសង្គម ដែលថាក្រសួងមិនអើពើក្នុងការជួយដោះស្រាយករណីកសិផលចុះថោក ខណៈក្រុមការងារក្រសួងបានចុះដោះស្រាយបញ្ហានេះជូនកសិករនៅកន្លែងជាក់ស្តែងហើយ។
ប្រជាកសិករនៅតាមបណ្តាខេត្តមួយចំនួនបង្ហាញសុទិដ្ឋិនិយមចំពោះរដ្ឋមន្ត្រីក្រសួងកសិកម្មថ្មី ថានឹងអាចដោះស្រាយបញ្ហាប្រឈមនានារបស់កសិករបាន ពិសេសពួកគេចង់ឃើញវិបត្តិទីផ្សារកសិកម្មនៅកម្ពុជាត្រូវបានបញ្ចប់ ក្រោយរដ្ឋមន្ត្រីថ្មីឡើងកាន់តំណែង។
រដ្ឋសភាបោះឆ្នោតគាំទ្រជាឯកច្ឆ័នផ្តល់សេចក្តីទុកចិត្តលោក ឌិត ទីណា ធ្វើជា រដ្ឋមន្រ្តីថ្មីនៃក្រសួងកសិកម្ម ដោយសំឡេងគាំទ្រ១១១ លើ១១១។ ការបោះឆ្នោតផ្តល់សេចក្តីទុកចិត្តនេះ ធ្វើឡើងនៅក្នុងកិច្ចប្រជុំពេញអង្គរដ្ឋសភា នៅព្រឹកថ្ងៃទី១៤ ខែតុលា នេះ បន្ទាប់ពីលោកនាយករដ្ឋមន្ត្រី ហ៊ុន សែន បានស្នើសភាបោះឆ្នោតទុកចិត្តលោក ឌិត ទីណា ជារដ្ឋមន្ត្រីក្រសួងកសិកម្ម។
ព្រះមហាក្សត្របានត្រាស់បង្គាប់តែងតាំងមុខតំណែងអតីតរដ្ឋមន្ត្រីក្រសួងកសិកម្ម លោក វេង សាខុន ជារដ្ឋមន្ត្រីប្រតិភូអមនាយករដ្ឋមន្ត្រី ក្រោយមានការស្នើពីប្រមុខរដ្ឋាភិបាល។
ប្រមុខរដ្ឋាភិបាល នឹងធ្វើលិខិតមួយ ថ្វាយទៅព្រះមហាក្សត្រ ដើម្បីស្នើសុំតែងតាំងលោក វេង សាខុន ជារដ្ឋមន្ត្រីប្រតិភូអមនាយករដ្ឋមន្ត្រី ដោយថា បើទោះជាមានការបញ្ចប់មុខតំណែង ប៉ុន្តែអតីតរដ្ឋមន្ត្រីក្រសួងកសិកម្មរូបនេះ មិនបានប្រព្រឹត្តកំហុសធ្ងន់ធ្ងរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
