ស្ត្រីជាបុគ្គលិកកាស៊ីណូណាហ្គាវើលដ៍ដែលមានផ្ទៃពោះ ហើយត្រូវសមត្ថកិច្ចចាប់ឃាត់ខ្លួននៅពេលកំពុងតវ៉ានោះ ថ្លែងថា ក្រោយពេលដោះលែងមកវិញ គាត់កំពុងតែឈឺពេញខ្លួន ដោយសារតែកម្លាំងសមត្ថកិច្ចជាបុរសមានគ្នាច្រើន បានចាប់រុញច្រានរូបគាត់ទាំងបង្ខំ និងគំរាមវាយដោយដំបង បើទោះជាគាត់បានប្រាប់ថាមានផ្ទៃពោះក៏ដោយ។
ក្រុមអ្នកជំនាញរបស់អង្គការសហប្រជាជាតិថ្កោលទោសចំពោះការចាប់ខ្លួន និងឃុំខ្លួនថ្នាក់ដឹកនាំសហជីពណាហ្គាវើលដ៍ និងបានអំពាវនាវឱ្យរដ្ឋាភិបាលពន្យល់នូវសកម្មភាពឆ្លើយតបរបស់មន្រ្តីនគរបាលនៅក្នុងករណីនេះ។
គិតត្រឹមសប្ដាហ៍ទី១ ខែមករានេះ បុគ្គលិកណាហ្គាវើលដ៍ចំនួន២៦នាក់ដែលភាគច្រើនជាស្ត្រីនិងជាមេដឹកនាំសហជីព ក្នុងនោះមានទាំងកញ្ញា ឈឹម ស៊ីថរ ផងនោះ ត្រូវបានអាជ្ញាធរឃាត់ខ្លួនជាបន្តបន្ទាប់ ដោយចោទថា ពួកគេធ្វើបាតុកម្មខុសច្បាប់។
សង្គមស៊ីវិលដែលធ្វើការពាក់ព័ន្ធនឹងសិទ្ធិមនុស្ស និងការងារ ទទូចឱ្យតំណាងរាស្ត្រគ្រប់និន្នាការរួមចំណែកស្តាប់កង្វល់ និងពាំនាំបញ្ហារបស់កូដករក្រុមហ៊ុនល្បែងណាហ្គាវើលដ៍ យកទៅពិភាក្សា និងដោះស្រាយ។
តុលាការសម្រេចឃុំខ្លួន កញ្ញា ឈឹម ស៊ីថរ និង លោក សុខ ណារិទ្ធ ថ្នាក់ដឹកនាំសហជីពនៅក្រុមហ៊ុនណាហ្គាវើលដ៍ នៅពន្ធនាគារព្រៃស នៅថ្ងៃនេះ ពាក់ព័ន្ធនឹងការចោទប្រកាន់ពីបទ «ញុះញង់ឲ្យប្រព្រឹត្តបទឧក្រិដ្ឋជាអាទិ៍» តាមមាត្រា៤៩៤ និង៤៩៥ នៃក្រមព្រហ្មទណ្ឌកម្ពុជាខណៈមន្ត្រីសហជីពម្នាក់ទៀត លោក សុខ គង្គា ត្រូវបានដាក់ឱ្យស្ថិតនៅក្រោមការត្រួតពិនិត្យរបស់តុលាការ។
អាជ្ញាធររាជធានីភ្នំពេញ បានដោះលែងកូដករណាហ្គាវើលដ៍ ១៦នាក់មកវិញ កាលពីយប់ថ្ងៃទី៤ ខែមករានេះ ក្រោយសាកសួរ និងធ្វើកិច្ចសន្យាអប់រំ។
សមត្ថកិច្ចបានបញ្ជូនកញ្ញា ឈឹម ស៊ីថរ និងថ្នាក់ដឹកនាំសហជីពពីរនាក់ទៀត ទៅតុលាការក្រុងភ្នំពេញជាថ្មីម្តងទៀត នៅវេលាម៉ោង ៩ និង ៨នាទី ព្រឹកថ្ងៃទី៥ ខែមករានេះ ដើម្បីបន្តនីតិវិធី។
ក្រុមអង្គការសង្គមស៊ីវិល សហភាពសហជីព សហព័ន្ធសហជីព និងសមាគមជាង ១០០ (១១៩) ស្ថាប័នបានអំពាវនាវឱ្យដោះលែងថ្នាក់ដឹកនាំ និងសមាជិកសហជីពណាហ្គាវើលដ៍ ដែលត្រូវបានចាប់ខ្លួនជាបន្ទាន់ និងឥតលក្ខខណ្ឌ។
អាជ្ញាធររាជធានីភ្នំពេញ បានចាប់ខ្លួនកញ្ញា ឈឹម ស៊ីថរ ប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរ និងគូកន២នាក់ទៀត បញ្ជូនទៅតុលាការនៅរសៀលនេះ ពាក់ព័ន្ធនឹង «ការញុះញង់ និងរៀបចំការតវ៉ានៅមុខក្រុមហ៊ុនណាហ្គាវើលដ៍»។
ស្ថាប័នសារព័ត៌មានមួយចំនួនដូចជា VOD, EAC និង GN Time ជាដើម មិនត្រូវបានអនុញ្ញាតឱ្យចូលយកព័ត៌មាននៅក្នុងសន្និសីទសារព័ត៌មានស្ដីពី «ការចាប់ខ្លួនបុគ្គលិកណាហ្គាវើលដ៍ (Naga World)» នៅព្រឹកថ្ងៃនេះទេ ខណៈក្លឹបសារព័ត៌មានចង់ឃើញអាជ្ញាធរបើកទូលាយចំពោះគ្រប់ស្ថាប័ន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
