«ខ្ញុំ រ៉ុង ឈុន មកជួបបងប្អូនវិញហើយ យើងត្រូវតែធ្វើដំណើរស្វែងរកសេរីភាព យើងត្រូវតែស្វែងរកលទ្ធិប្រជាធិបតេយ្យជូនប្រទេសយើងតទៅទៀត ជំហររបស់ខ្ញុំនៅតែបន្តទៅទៀត ទាល់តែមានសេរីភាព និងប្រជាធិបតេយ្យ ការគោរពសិទ្ធិមនុស្ស ទើបយើងឈប់»។ នេះ គឺជាការថ្លែងជាសាធារណៈលើកដំបូងរបស់លោក រ៉ុង ឈុន ភ្លាមៗក្រោយពីចេញពីពន្ធនាគារព្រៃស កាលពីថ្ងៃទី១២ ខែវិច្ឆិកា ឆ្នាំ២០២១។
ភរិយានិងសាច់ញាតិរបស់សកម្មជនបក្សសង្គ្រោះជាតិដែលតុលាការរំលាយ ឬហៅថា «ក្រុមស្ត្រីថ្ងៃសុក្រ» បាននាំគ្នាទៅដាក់ញត្តិនៅក្រសួងមហាផ្ទៃ នៅព្រឹកថ្ងៃព្រហស្បតិ៍នេះ ដើម្បីទាមទារឱ្យផ្ទេរស្វាមីរបស់ពួកគេពីពន្ធនាគារត្រពាំងផ្លុង ខេត្តត្បូងឃ្មុំ មកកាន់ពន្ធនាគារព្រៃស ក្នុងរាជធានីភ្នំពេញវិញ និងទទូចឱ្យបញ្ឈប់នូវការប្រើប្រាស់អំពើហិង្សានៅក្នុងពន្ធនាគារ។
សាលាឧទ្ធរណ៍រាជធានីភ្នំពេញ សម្រេចមិនដោះលែងកញ្ញា សេង ធារី ឱ្យមានសេរីភាពនោះទេ ខណៈសវនាការបណ្ដឹងឧទ្ធរណ៍នាថ្ងៃនេះ មន្ត្រីពន្ធនាគារក៏មិនបានយកកញ្ញា សេង ធារី ចូលរួមដែរ។
«បងទឹកកំពុងតែហក់ឡើងខ្លាំង ហើយក៏កំពុងតែរញ្ជួយដីជុំវិញប្រទេសយើងហើយនេះ។ ទីក្រុងភ្នំពេញត្រូវលិចលង់ទាំងអស់ អត់មានទីណានៅទេ គឺមានតែសៀមរាបទេដែលអាចនៅបាន ទីទួលមានសុវត្ថិភាព និងគេចផុតពីរញ្ជួយដីបានបង។ ឥលូវនេះ ខ្ញុំមកដល់សៀមរាបហើយ ខ្ញុំមកទាំងគ្រួសារខ្ញុំហើយ។ អាហ្នឹងបើបងឯងមកថ្ងៃនេះឬក៏ស្អែក បងឯងមកទាន់ បើហួសពេលហ្នឹងគឺមកអត់ទាន់ទេ។ ពួកយើងលែងបានជួបគ្នាហើយបងអើយ……»។
មន្ត្រីជាន់ខ្ពស់ក្រសួងមហាផ្ទៃ អះអាងថា ពុំមានករណីវាយ ទាត់ ធាក់ លើសកម្មជនគណបក្សសង្គ្រោះជាតិដែលតុលាការបានរំលាយ នៅក្នុងពន្ធនាគារត្រពាំងផ្លុង ដូចការលើកឡើងរបស់សាច់ញាតិពួកគេឡើយ ខណៈមន្ត្រីរូបនេះចាត់ទុកការលើកឡើងនោះថា គ្រាន់តែជាការបង្កើតរឿងមួលបង្កាច់រដ្ឋាភិបាលដើម្បីបានប្រយោជន៍ពីបរទេស។
សាច់ញាតិសកម្មជនបក្សសង្គ្រោះជាតិដែលត្រូវតុលាការរំលាយ អះអាងថា ប្តីរបស់ពួកគាត់ត្រូវបានគេវាយទាត់ធាក់ជាដំណំនៅក្នុងពន្ធនាគារត្រពាំងផ្លុង ក្នុងខេត្តត្បូងឃ្មុំ ជាប់ព្រំដែនវៀតណាម ក្រោយផ្ទេរចេញពីពន្ធនាគារព្រៃសកាលពីពេលថ្មីៗនេះ។
សាច់ញាតិសកម្មជនគណបក្សសង្គ្រោះជាតិដែលត្រូវបានតុលាការរំលាយ បានបង្ហាញការព្រួយបារម្ភពីបញ្ហាសុខភាពសាច់ញាតិរបស់ពួកគេ ក្រោយសមត្ថកិច្ចផ្ទេរសកម្មជនបក្សប្រឆាំងដែលជាប់ឃុំចំនួន១៤នាក់ ក្នុងចំណោមអ្នកជាប់ឃុំផ្សេងទៀត ចេញពីពន្ធនាគារព្រៃស ទៅកាន់ពន្ធនាគារត្រពាំងផ្លុង ខេត្តត្បូងឃ្មុំ ក្បែរព្រំដែនវៀតណាម។
«តារ» គឺជាឈ្មោះហៅក្រៅដែល «វ៉ាន់ឆាឡឺម សាតស័ក្តិសិទ្ធ» បានប្រើ គេស្គាល់ថាលោកជាសកម្មជននយោបាយថៃល្បីម្នាក់ដែលរស់នៅលើអាគារដ៏ស្កឹមស្កៃជាប់មាត់ទន្លេនោះដូចគ្នា មុនលោកត្រូវគេជឿថាត្រូវបានគេចាប់ពង្រត់នៅថ្ងៃដដែល មុននោះបន្តិច នៅលើវិថីខាងក្រោមអាគារអាផាតមិន។ ក្រុមអ្នកការពារសិទ្ធិមនុស្សកត់សម្គាល់ថា លោកជាជនរងគ្រោះទី៩ នៃការបាត់ខ្លួនដោយបង្ខំ ចាប់តាំងពីមេដឹកនាំថៃបច្ចុប្បន្នបានធ្វើរដ្ឋប្រហារទម្លាក់រដ្ឋាភិបាលលោកស្រី យីងឡាក់ ស៊ីណាវ៉ាត្រា (Yingluck Shinawatra) នៅឆ្នាំ២០១៤មក។
អនុប្រធានគណបក្សភ្លើងទៀន លោក សុន ឆ័យ ថ្លែងថា សកម្មជនជាង២០នាក់ដែលគាំទ្រគណបក្សសង្គ្រោះជាតិដែលតុលាការរំលាយ (CNRP) បានស្នើទៅរដ្ឋាភិបាលជួយអន្តរាគមន៍ឱ្យមានការដោះលែងពួកគេបាននៅក្រៅឃុំបណ្ដោះអាសន្ន ដោយអះអាងថា ពួកគេជាប់ពន្ធនាគារដោយសាររឿងនយោបាយ។
សាលាឧទ្ធរណ៍រាជធានីភ្នំពេញ បានបើកសវនាការជំនុជម្រះលើបណ្ដឹងឧទ្ធរណ៍របស់សកម្មជនបក្សសង្រ្គោះជាតិត្រូវបានតុលាការរំលាយ ដែលបានប្ដឹងប្រឆាំងទៅនឹងសេចក្ដីសម្រេចរបស់សាលាដំបូងរាជធានីភ្នំពេញ ដែលបានកាត់ទោសឱ្យពួកគេជាប់ពន្ធនាគារម្នាក់ៗ ៥ឆ្នាំ ក្រោមបទចោទប្រកាន់ «រួមគំនិតក្បត់ និងញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម»។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
