ប្រធានាធិបតីប្រទេសបេឡារុស លោក អេឡិចហ្សានដឺ លូកាហ្សិនកូ (Alexander Lukashenko) បានឱ្យដឹងតាមរយៈការស្រង់សម្ដីដោយទីភ្នាក់ងារព័ត៌មានរដ្ឋមួយនៅថ្ងៃអង្គារនេះថា ប្រទេសរបស់លោកមិនមានគម្រោងណាមួយក្នុងការចូលរួមប្រតិបត្តិការយោធារបស់រុស្ស៊ីនៅអ៊ុយក្រែនឡើយ។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។
អភិបាលក្នុងតំបន់ លោក Dmytro Zhyvytskyy បានឱ្យដឹងនៅលើបណ្ដាញសង្គមហ្វេសប៊ុកថា ទាហានអ៊ុយក្រែនជាង៧០នាក់ ត្រូវបានស្លាប់បាត់បង់ជីវិត ខណៈពេលដែលទាហានរុស្ស៊ីបានធ្វើការវាយប្រហាយដោយបាញ់គ្រាប់ផ្លោងលើមូលដ្ឋានយោធាមួយកន្លែងក្នុងទីក្រុង Okhtyrka នៅតំបន់ Sumy ភាគឦសាននៃប្រទេសអ៊ុយក្រែន កាលពីថ្ងៃចន្ទ។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។
គណបក្សនយោបាយដែលនៅក្រៅរដ្ឋាភិបាល និងអ្នកវិភាគពីបញ្ហាសង្គម យល់ស្របគ្នាថា រដ្ឋាភិបាលគួរផ្ដួចផ្ដើមឱ្យមានកិច្ចសន្ទនាជាមួយបក្សដទៃទៀត ដើម្បីដោះស្រាយវិបត្តិដែលបានអូសបន្លាយជាច្រើនឆ្នាំមកនេះ ជាពិសេសបញ្ហាសង្គមដែលកំពុងកើតឡើងចាក់ស្រេះដោះស្រាយមិនចេញ ជាជាងផ្ដល់យោបល់ពីដំណោះស្រាយលើបញ្ហាអ៊ុយក្រែន។
មន្ត្រីជាន់ខ្ពស់ក្រសួងការបរទេសកម្ពុជា បានអះអាងថា អតីតនិស្សិតខ្មែរទាំង២៣នាក់និងក្រុមគ្រួសាររបស់គេដែលកំពុងស្ថិតនៅក្នុងប្រទេសអ៊ុយក្រែននៅឡើយនោះ ពួកគេមានសុវត្ថិភាពជាធម្មតា ហើយមន្ត្រីទូតខ្មែរនៅប្រទេសរុស្ស៊ីបានទាក់ទងពួកគេជាប្រចាំ។
អ្នកនាំពាក្យក្រសួងការបរទេសចិន លោក Wang Wenbin បានលើកឡើងនៅថ្ងៃចន្ទនេះថា ភាគីពាក់ព័ន្ធនឹងវិបត្តិអ៊ុយក្រែនទាំងអស់ គួរតែរក្សាភាពអត់ធ្មត់ និងចៀសវាងការធ្វើឱ្យស្ថានការណ៍កាន់តែធ្ងន់ធ្ងរបន្ថែមទៀត។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។
ស្ថាបនិក និងជានាយកប្រតិបត្តិក្រុមហ៊ុន SpaceX លោក Elon Musk បានប្រកាសឱ្យដឹងកាលពីថ្ងៃសៅរ៍កន្លងទៅថា Starlink ដែលជាក្រុមហ៊ុនផ្ដល់សេវាអ៊ីនធឺណិតផ្កាយរណបរបស់ខ្លួនកំពុងតែដំណើរការនៅក្នុងប្រទេសអ៊ុយក្រែនហើយ ខណៈដែលប្រទេសនេះបច្ចុប្បន្នកំពុងទទួលរងនូវបញ្ហាដាច់ចរន្តអគ្គិសនីដោយសារតែការលុកលុយពីរុស្ស៊ី។
ក្រសួងការបរទេសសហរដ្ឋអាមេរិក នៅថ្ងៃអាទិត្យម្សិលមិញ បានជំរុញពលរដ្ឋរបស់ខ្លួនគួរតែពិចារណាចាកចេញពីប្រទេសរុស្ស៊ីជាបន្ទាន់ តាមជើងហោះហើរពាណិជ្ជកម្មនានាដែលនៅសេសសល់ ស្របពេលដែលក្រុមហ៊ុនអាកាសចរណ៍ជាច្រើនបច្ចុប្បន្នកំពុងលុបចោលជើងហោះហើរ បន្ទាប់ពីរុស្ស៊ីឈ្លានពានអ៊ុយក្រែនក្នុងទ្រង់ទ្រាយធំ។
ក្រសួងសុខាភិបាលប្រទេសអ៊ុយក្រែន បានឱ្យដឹងថា គិតត្រឹមថ្ងៃអាទិត្យម្សិលមិញនេះ ជនស៊ីវិលចំនួន៣៥២នាក់ ដែលក្នុងនោះមានកុមារចំនួន១៤នាក់ ត្រូវបានស្លាប់បាត់បង់ជីវិត គិតចាប់តាំងពីការចាប់ផ្ដើមនៃការឈ្លានពានរបស់រុស្ស៊ីលើអ៊ុយក្រែន។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។
ការិយាល័យប្រធានាធិបតីអ៊ុយក្រែន លោក Volodymyr Zelenskiy បានឱ្យដឹងនៅថ្ងៃអាទិត្យម្សិលមិញថា មន្ត្រីរបស់ខ្លួន និងភាគីរុស្ស៊ី នឹងជួបពិភាក្សាគ្នានៅទីតាំងមួយកន្លែងនៅព្រំដែនប្រទេសបេឡារុស ដែលជាជំនួបលើកដំបូងបន្ទាប់ពីរុស្ស៊ីបើកការឈ្លានពានលើអ៊ុយក្រែន។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។
អ្នកនាំពាក្យក្រសួងការបរទេសកម្ពុជាបានឱ្យដឹងថា ពលរដ្ឋខ្មែរចំនួន ២៣នាក់ និងគ្រួសាររបស់ពួកគេដែលកំពុងរស់នៅក្នុងប្រទេសអ៊ុយក្រែនកំពុងស្ថិតនៅកន្លែងមានសុវត្ថិភាព ប៉ុន្តែមានការព្រួយបារម្ភចំពោះអនាគតទៅមុខ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
