នៅមុនដំណើរទស្សនកិច្ចរបស់លោក ត្រាំ ទៅកាន់ទីក្រុងប៉េកាំងនោះ ប្រទេសចិនជំរុញឱ្យទីក្រុងវ៉ាស៊ីនតោន «ធ្វើការជ្រើស​រើស​ឱ្យបានត្រឹមត្រូវ» លើបញ្ហា​តៃវ៉ាន់ ដើម្បី​រក្សា​«ស្ថិរភាព»រវាងមហាអំណាចទាំង​ពីរ។

អ៊ីរ៉ង់ បាននិយាយកាលពីថ្ងៃទី៣០ខែមេសា​ថា ខ្លួននឹងឆ្លើយតបដោយ “ការវាយ​ប្រហារដ៏រ៉ាំរ៉ៃ និងឈឺចាប់” លើទីតាំងនានារបស់សហរដ្ឋអាមេរិក ប្រសិនបើទីក្រុង​វ៉ាស៊ីនតោនបន្តការវាយប្រហារឡើង​វិញ ហើយបានបញ្ជាក់ជាថ្មីនូវការទាមទាររបស់ខ្លួនលើច្រកសមុទ្រ Hormuz ដែលធ្វើឱ្យផែនការរបស់សហរដ្ឋ​​អាមេរិកក្នុងការបង្កើតសម្ព័ន្ធភាពដើម្បី​បើកផ្លូវទឹកនេះឡើងវិញមានភាពស្មុគ​ស្មាញ។

ប្រធានាធិបតីអាមេរិក លោក ដូណាល់ ត្រាំ កាលពីថ្ងៃទី២៩ខែមេសា បានជំរុញ​ឱ្យ​ប្រទេសអ៊ីរ៉ង់ «ឆាប់មានភាពវៃឆ្លាតឡើង» និងចុះហត្ថលេខាលើកិច្ចព្រមព្រៀង បន្ទាប់ពីមានការជាប់គាំងអស់​រយៈ​ពេលជាច្រើនថ្ងៃ ក្នុងកិច្ចខិតខំប្រឹងប្រែង​បញ្ចប់សង្គ្រាម និងមានរបាយការណ៍​ប្រព័ន្ធផ្សព្វផ្សាយថា សហរដ្ឋ​អាមេរិក​​នឹង​ពន្យារ​ពេល​ការ​បិទ​ខ្ទប់​កំពង់​ផែ​របស់​អ៊ីរ៉ង់។

អឺរ៉ុបកំពុងងាកទៅរកអ្នកផ្គត់ផ្គង់ប្រេងឥន្ធនៈយន្តហោះជំនួសជាបន្ទាន់ ខណៈដែលការនាំចូលពីមជ្ឈិមបូព៌ានៅតែត្រូវបានកាត់ផ្ដាច់ ប៉ុន្តែទ្វីបនេះត្រូវតែ «ប្រយុទ្ធ​ដណ្តើមយកគ្រប់ទំនិញដឹកជញ្ជូន​​ទាំង​អស់» នៅក្នុងអ្វីដែលក្រុមអ្នក​វិភាគ​ហៅ​ថា​ជា «ការធ្វើតេស្តសម្ពាធជាសកល» សម្រាប់ឧស្សាហកម្មអាកាស​ចរណ៍។

ព្រះមហាក្សត្រ Charles បានលើកតម្កើងសារៈសំខាន់នៃ “ទំនាក់ទំនងពិសេស” របស់​ចក្រភពអង់គ្លេសជាមួយសហរដ្ឋ​អាមេ​រិក នៅក្នុងសន្ទរកថាទៅកាន់សភា ដែល​បានលើកឡើងយ៉ាងច្បាស់​អំពីសារៈ​សំខាន់​នៃអង្គការ Nato ការ​ការពារប្រទេស​​អ៊ុយក្រែន និងវិបត្តិអាកាសធាតុ។

អង្គការ OPEC និងសម្ព័ន្ធមិត្តរបស់ខ្លួននឹងបាត់បង់អំណាចមួយផ្នែកលើទីផ្សារប្រេង នៅពេលដែលអារ៉ាប់រួម (UAE) ចាក​ចេញពីក្រុមនេះនៅថ្ងៃទី១ ខែឧសភា ប៉ុន្តែសម្ព័ន្ធអ្នកផលិតដែលនៅ​សេស​សល់​ទំនងជានឹងនៅបន្តរួមគ្នា និង​បន្តសម្របសម្រួលលើគោលនយោ​បាយ​​ផ្គត់ផ្គង់ប្រេង។ នេះបើតាមការលើក​​ឡើងរបស់ប្រតិភូ OPEC+ និងអ្នកវិភាគ​កាលពីថ្ងៃទី២៨ខែមេសា។

ព្រះចៅ Charles និងព្រះមហេសី Camilla បានយាងដល់សហរដ្ឋអាមេរិក ដើម្បីចាប់​ផ្ដើមព្រះរាជទស្សនកិច្ចផ្លូវរដ្ឋរយៈពេល​បួនថ្ងៃ ដែលជាទស្សនកិច្ចលើកដំបូង​បង្អស់ ចាប់តាំងពីព្រះរាជទស្សនកិច្ច​របស់ព្រះមហាក្សត្រិយានី Elizabeth II ក្នុងឆ្នាំ២០០៧។

លោកប្រធានាធិបតីអាមេរិក Donald Trump មិនពេញចិត្តនឹងសំណើចុងក្រោយ​របស់អ៊ីរ៉ង់ ក្នុងការដោះស្រាយសង្រ្គាមរយៈពេលពីរខែនេះទេ។ នេះ​បើ​យោង​តាមការលើកឡើងរបស់មន្ត្រីអាមេរិកម្នាក់ ដែលធ្វើឱ្យក្តីសង្ឃឹមក្នុងការបញ្ចប់ជម្លោះកាន់តែស្រពេច​ស្រពិល ខណៈដែលសង្រ្គាមនេះបានបង្កការរំខាន​ដល់​ការផ្គត់ផ្គង់ថាមពល ជំរុញឱ្យមានអតិផរណា និងបានសម្លាប់មនុស្សអស់រាប់ពាន់នាក់។

អគ្គមេធាវីស្តីទី សហរដ្ឋអាមេរិក លោក Todd Blanche បានថ្លែងថា ប្រធានា​ធិបតី​អាមេរិក ដូណាល់ ត្រាំ និងក្រុមមន្ត្រី​របស់លោកគឺជាគោលដៅ «ទំនង​ជា​ខ្ពស់» របស់ខ្មាន់កាំភ្លើងសង្ស័យ​ម្នាក់ ដែល​បានព្យាយាមសម្រុកចូលក្នុងពិធី​ជប់​លៀង​អ្នកសារព័ត៌មាននៅវិមានឯកជន (White House Correspondents’ Dinner) ។

ក្រសួងសុខាភិបាលលីបង់ បានបញ្ជាក់​ថា ការវាយប្រហាររបស់អ៊ីស្រា​អែល​មក​លើ​ភាគខាងត្បូងនៃប្រទេស បានសម្លាប់​មនុស្ស ១៤ នាក់ កាលពីថ្ងៃទី​២៦​ខែ​មេសា ដែលជាថ្ងៃមានអ្នកស្លាប់ច្រើនបំផុតចាប់តាំងពីកិច្ចព្រមព្រៀងឈប់បាញ់រវាងអ៊ីស្រាអែល និងក្រុមហេសបូឡា (Hezbollah) បានចូលជាធរមានកាលពីជាងមួយសប្តាហ៍មុន។