ប្រធានាធិបតីអាមេរិក លោក ដូណាល់ ត្រាំ បានមានប្រសាសន៍ថា ដំណើរទស្សនកិច្ចផ្លូវរដ្ឋរបស់ព្រះមហាក្សត្រ King Charles និងព្រះមហាក្សត្រិយានី Queen Camilla នៅសប្តាហ៍ក្រោយ អាចជួយកែ​លម្អ​ទំនាក់​ទំនងសហរដ្ឋអាមេរិក ជាមួយ​​ចក្រភពអង់គ្លេស។

លោក Donald Trump បានអះអាងជាថ្មីម្តងទៀតថា សហរដ្ឋអាមេរិកមាន “ការគ្រប់​គ្រង​ទាំងស្រុងលើច្រកសមុទ្រ Hormuz” ដោយបានបន្ថែមថា ថ្នាក់ដឹក​នាំរបស់អ៊ីរ៉ង់កំពុងមានការបាក់បែកគ្នាដោយសារជម្លោះផ្ទៃក្នុង រហូតដល់មិនច្បាស់​ថា តើនរណាជាអ្នកកាន់អំណាចពិត​ប្រាកដ។

ប្រទេសអ៊ុយក្រែន បានបញ្ជាក់ថា ខ្លួនបាន​ចាប់ផ្តើមបង្ហូរប្រេងរបស់រុស្ស៊ី តាមបំពង់បង្ហូរប្រេងទៅកាន់ប្រទេសហុងគ្រី និងស្លូវ៉ាគីឡើងវិញហើយ ដែលនេះជាការបញ្ចប់ភាពទាល់ច្រកអស់រយៈពេលជាច្រើន​ខែជុំវិញកម្ចីចំនួន ៩០ ពាន់​លាន​អឺរ៉ូ ដែល​ត្រូវបានគេចាត់ទុកថាជាជំនួយដ៏​សំខាន់​របស់​សហភាពអឺរ៉ុបសម្រាប់ទីក្រុង​គីវ (Kyiv)។

អ៊ីរ៉ង់បានរឹបអូសនាវាចំនួនពីរគ្រឿងនៅ​ច្រកសមុទ្រ Hormuz កាលពីថ្ងៃ​ទី​២២​ខែ​មេសា ដោយបានពង្រឹងការគ្រប់គ្រងរបស់ខ្លួនលើផ្លូវទឹកយុទ្ធសាស្ត្រមួយនេះ បន្ទាប់ពីប្រធានាធិបតីសហរដ្ឋ​អាមេរិក លោក Donald Trump បានប្រកាសផ្អាកការវាយប្រហារដោយគ្មានកាលកំណត់ ខណៈដែលគ្មានសញ្ញានៃការចាប់ផ្តើមការចរចាសន្តិភាពឡើងវិញនោះ​ទេ។

ប្រធានាធិបតី វូឡូឌីមៀ ហ្សេឡេនស្គី បាន​មានប្រសាសន៍ថា លោកចាត់ទុកការធ្វើទស្សនកិច្ចរបស់ប្រេសិតសហរដ្ឋ​អាមេ​រិក លោក ស្ទីវ វីតខូហ្វ (Steve Witkoff) និងលោក ចារេដ គូស្នឺ (Jared Kushner) ទៅកាន់ទីក្រុងមូស្គូ ដោយមិន​មកទីក្រុងគីវ គឺជា «ការមិនផ្តល់តម្លៃ»។

ប្រធានាធិបតី ដូណាល់ ត្រាំ បានថ្លែងកាលពីថ្ងៃទី២១ខែមេសាថា លោកមិនចង់បន្តកិច្ចព្រមព្រៀងបទឈប់បាញ់ដែលជិតផុតកំណត់នៅក្នុងសង្គ្រាមរវាងអាមេរិក-អ៊ីស្រាអែល និងអ៊ីរ៉ង់នោះទេ ដោយលោកថា កងទ័ពសហរដ្ឋអាមេរិកបាន «ត្រៀមខ្លួនជាស្រេច» ប្រសិនបើការចរចាមិនទទួលបានជោគជ័យ។

តម្លៃប្រេងបានធ្លាក់ចុះនៅថ្ងៃទី២១ខែមេសានេះ ដែលបានបង្វែរមកវិញនូវកំណើនកាលពីវគ្គមុន ដោយសារការរំពឹង​ទុកថា កិច្ចចរចាសន្តិភាពរវាងសហរដ្ឋអាមេរិក និងអ៊ីរ៉ង់ នឹងប្រព្រឹត្តទៅ​នៅក្នុងសប្តាហ៍នេះ ហើយនឹងអនុ​ញ្ញាត​ឱ្យមានការផ្គត់ផ្គង់បន្ថែមទៀត ពីតំបន់​ផលិតកម្មដ៏សំខាន់នៅមជ្ឈិមបូព៌ា។

ប្រធានាធិបតីសហរដ្ឋអាមេរិក លោក ដូណាល់ ត្រាំ បានថ្លែងថា សហរដ្ឋ​អាមេ​រិក​នឹងមិនដកការបិទខ្ទប់កំពង់ផែរបស់​អ៊ីរ៉ង់ចេញវិញទេ រហូតទាល់​តែសម្រេច​បានកិច្ចព្រមព្រៀងជាមួយទីក្រុង​តេហេរ៉ង់ ខណៈដែលភាពមិនច្បាស់​លាស់នៅតែបន្តកើតមានជុំវិញការ​ចរចា​ថ្មីៗដើម្បីបញ្ចប់សង្គ្រាម។

ប្រធានាធិបតីអ៊ុយក្រែន លោក វូឡូ​ឌីមៀ ហ្សេឡេនស្គី បានថ្កោលទោសការសម្រេចចិត្តរបស់សហរដ្ឋអាមេរិក ក្នុងការ​បន្តរយៈពេលដែលរុស្ស៊ីត្រូវបានអនុ​ញ្ញាត​ឱ្យលក់ប្រេង ទោះបីជាមានទណ្ឌកម្ម​ពី​បស្ចិមប្រទេសក៏ដោយ។

ប្រធានាធិបតីសហរដ្ឋអាមេរិក លោក ដូណាល់ ត្រាំ បានចោទប្រកាន់ប្រទេសអ៊ីរ៉ង់កាលពីថ្ងៃទី១៩ខែមេសាថា បាន «រំលោភយ៉ាងធ្ងន់ធ្ងរ» លើកិច្ចព្រមព្រៀង​បទ​ឈប់បាញ់រវាងប្រទេសទាំងពីរ ដោយ​សារ​ការបាញ់ប្រហារលើនាវាចរណ៍នៅជិតច្រកសមុទ្រ Hormuz ហើយលោកបានព្រមាន​ជាថ្មីថានឹងកម្ទេចស្ពាន និងរោងចក្រថាមពលរបស់អ៊ីរ៉ង់ ប្រសិនបើអ៊ីរ៉ង់មិនព្រមទទួលយកលក្ខខណ្ឌរបស់លោក។