រដ្ឋាភិបាលកម្ពុជា បញ្ចេញព័ត៌មាន ក្រោយជំនួបជាមួយមេដឹកនាំកំពូលចិន លោក ស៊ី ជីនពីង ថាភាគីទាំងពីរប្តេជ្ញាចិត្តយ៉ាងម៉ឺងម៉ាត់ក្នុងការគាំទ្រប្រព័ន្ធពាណិជ្ជកម្មពហុភាគី រួមទាំងកិច្ចសហប្រតិបត្តិការលើវិស័យការពារជាតិ និងសន្តិសុខជាដើម។
ប្រធានាធិបតីអាមេរិក លោក ដូណាល់ ត្រាំ ព្រមានថា បើចង់ចរចាបន្ធូរបន្ថយពន្ធ ត្រូវបដិសេធប្រទេសចិន ក្នុងការដឹកទំនិញឆ្លងកាត់ និងរារាំងក្រុមហ៊ុនចិន មិនឱ្យបោះទីតាំង ដើម្បីគេចផុតការយកពន្ធខ្ពស់របស់ខ្លួន ខណៈលោកទុកពេល៩០ថ្ងៃ សម្រាប់ប្រទេសចំនួន៧៥ រួមទាំងកម្ពុជា ដើម្បីសម្របសម្រួលពីវិធានដំឡើងពន្ធនេះ ។
អ្នកឃ្លាំមើលមួយចំនួន ព្រមានថា ពលរដ្ឋកម្ពុជានឹងរងគ្រោះធ្ងន់ធ្ងរ ពីសង្គ្រាមពាណិជ្ជកម្ម របស់មហាអំណាច បើបន្ទាត់នយោបាយរបស់គ្រួសារហ៊ុន មិនព្រមលាងជម្រះមន្ទិល ដែលថា កម្ពុជាជាប្រទេសនាំទំនិញចិន ទៅលក់នៅសហរដ្ឋអាមេរិកនោះ។
មេដឹកនាំកំពូលចិន លោក ស៊ី ជីនពីង នឹងធ្វើដំណើរមកកាន់ប្រទេសមួយចំនួនក្នុងតំបន់អាស៊ី រួមទាំងប្រទេសកម្ពុជា នៅសប្តាហ៍ក្រោយនេះ ចំពេលសង្គ្រាមពាណិជ្ជកម្មកើតឡើងរវាងចិន និងអាមេរិក ខណៈអាមេរិកទុកពេល៩០ថ្ងៃ ឱ្យប្រទេសចំនួន៧៥ រួមទាំងកម្ពុជា ធ្វើការចរចាការដំឡើងពន្ធគយបដិការនេះ។
ប្រធានាធិបតីសហរដ្ឋអាមេរិក លោក ដូណាល់ ត្រាំ បានសម្រេចពន្យារពេលអនុវត្តពន្ធថ្មី ចំនួន៩០ថ្ងៃ និងបន្ថយពន្ធមកនៅត្រឹម១០ភាគរយដូចគ្នាក្នុងរយៈពេលនេះ សម្រាប់ប្រទេសចំនួន៧៥ដែលបានស្នើសុំចរចា។ ប៉ុន្តែលោកបានដាក់ពន្ធលើទំនិញចិនរហូតដល់ ១២៥ភាគរយ ដោយសារតែកាយវិការសងសឹករបស់ចិន។
អ្នកឃ្លាំមើលនិយាយថា ដើម្បីសង្គ្រោះជីវភាពពលរដ្ឋពីសង្គ្រាមពាណិជ្ជកម្ម ដែលមានពេលត្រឹម ៩០ថ្ងៃទៀតនោះ កម្ពុជាចាំបាច់ណាស់ត្រូវធ្វើឱ្យប្លុកលោកសេរីមានជំនឿថា ខ្លួនមិនមែនជាឧបករណ៍របស់ចិន និងភាពចាំបាច់មួយទៀត គឺត្រូវស្តារប្រជាធិបតេយ្យឡើងវិញ។
វិធានដំឡើងពន្ធ និងទំហំពាណិជ្ជកម្ម ដែលកម្ពុជានាំចូលទៅលក់នៅសហរដ្ឋអាមេរិក រហូតដល់ទៅជាង១ពាន់លានដុល្លារ ក្នុងឆ្នាំ២០២៤នោះ ត្រូវបានក្រុមគណបក្សប្រឆាំងទាញភ្ជាប់ទៅនឹងការចោទប្រកាន់មិនត្រឹមត្រូវលើ លោក កឹម សុខា និងការរំលាយគណបក្សសង្គ្រោះជាតិអំឡុងចុងឆ្នាំ២០១៧។
អុ្នកនយោបាយប្រឆាំង និងអ្នកឃ្លាំមើល បង្ហាញការយល់ឃើញផ្សេងគ្នា ពីជម្រើសចាំបាច់ដើម្បីទប់ស្កាត់វិបត្តិកម្ពុជា ក្រោយរដ្ឋបាលប្រធានាធិបតីអាមេរិក លោក ដូណាល់ ត្រាំ ដំឡើងពន្ធលើកម្ពុជាខ្ពស់ជាងគេក្នុងតំបន់ រហូត៤៩ភាគរយនោះ។
ចំពេលមន្រ្តីកម្ពុជា ឆ្លើយតបថា ការដំឡើងពន្ធលើកម្ពុជា៤៩ភាគរយ អ្នករងគ្រោះមុនគឺពលរដ្ឋអាមេរិក មិនមែនរាស្រ្តខ្មែរនោះ រងការរិះគន់ថា ជាលេសជួយបិទបាំងកំហុសមេដឹកនាំ ដែលធ្វើឱ្យកម្ពុជាប្រឈមវិបត្តិសេដ្ឋកិច្ចជាបន្តបន្ទាប់ រួមទាំងបាត់បង់ប្រព័ន្ធ EBA និង GSP ដែលជាការឆ្លើយតបការមិនអើពើស្តារសិទ្ធិមនុស្ស និងប្រជាធិបតេយ្យ។
មន្ត្រីគណបក្សប្រឆាំង ជំរុញឱ្យមេដឹកនាំបក្សកាន់អំណាច បើកការចរចាបន្ទាន់មួយ ជាមួយអាមេរិក និងសហភាពអ៊ឺរ៉ុប ដើម្បីរកច្រកសង្គ្រោះសេដ្ឋកិច្ចកម្ពុជា និងជីវភាពកម្មករជាង៨០ម៉ឺននាក់ ក្នុងវិស័យកាត់ដេរ ក្រោមឥទ្ធិពលនៃវិធានដំឡើងពន្ធខ្ពស់ ពីប្រធានាធីបតី លោក ដូណាល់ ត្រាំ ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
