សាលាដំបូងរាជធានីភ្នំពេញ បានបើកសវនាការជំនុំជម្រះសំណុំរឿងលោក សម រង្ស៊ី ក្រោមបទចោទប្រកាន់ «ប៉ុនប៉ងប្រគល់ឱ្យរដ្ឋបរទេស» ពាក់ព័ន្ធនឹងករណីដែលលោកចុះហត្ថលេខាលើកិច្ចព្រមព្រៀងកាត់ទឹកដីកម្ពុជាចំនួន ៤ខេត្ត ប្រគល់ឱ្យជនជាតិដើមភាគតិចម៉ុងតាញ៉ាដើម្បីរស់នៅ។
ក្នុងឱកាសចម្រើនជន្មាយុគម្រប់ ៧០ ឈានចូល ៧១ ឆ្នាំរបស់លោកនាយករដ្ឋមន្រ្តី ហ៊ុន សែន លោក សម រង្ស៊ី សហស្ថាបនិកគណបក្សសង្រ្គោះជាតិដែលត្រូវបានតុលាការរំលាយ និងជាដៃគូប្រជែងនយោបាយស្វិតស្វាញរបស់លោក ហ៊ុន សែន ផងនោះ បានចេញមុខ ស្នើលោក ហ៊ុន សែន បង្កើតច្បាប់ចូលនិវត្តន៍ពីអាយុ ៧០ឆ្នាំឡើងទៅ។
ប្រព័ន្ធយុត្តិធម៌ត្រូវបានគេមើលឃើញថា ជាឧបសគ្គចម្បងមួយរារាំងដល់ការប្រកួតអំណាចតាមគោលការណ៍ប្រជាធិបតេយ្យ បើប្រព័ន្ធនេះត្រូវបានជ្រៀតជ្រែកដោយឥទ្ធិពលនយោបាយ។
អតីតប្រធានគណបក្សសង្គ្រោះជាតិដែលតុលាការបានរំលាយ លោក សម រង្ស៊ី បានលើកឡើងថា លោក កឹម សុខា នៅតែជាដៃគូនយោបាយ ដើម្បីរួមគ្នាប្រជែងអំណាចជាមួយលោកនាយករដ្ឋមន្ត្រី ហ៊ុន សែន ដដែល បើទោះបីលោក កឹម សុខា បានប្រកាសផ្ដាច់សម្ព័ន្ធភាពនេះនៅក្នុងសវនាការ កាលពីថ្ងៃពុធម្សិលមិញក្ដី។
លោក កឹម សុខា បានប្រកាសជាផ្លូវការចេញពីបន្ទប់ជំនុំជម្រះនៃសាលាដំបូងរាជធានីភ្នំពេញ ថាលោកផ្ដាច់ចំណងសម្ព័ន្ធភាពជាមួយលោក សម រង្ស៊ី សហស្ថាបនិកគណបក្សសង្រ្គោះជាតិ ដែលទើបត្រូវបានតុលាការផ្តន្ទាទោសដាក់ពន្ធនាគារ៨ឆ្នាំបន្ថែមទៀត កាលពីម្សិលមិញនេះ។
ប្រធានគណបក្សសង្រ្គោះជាតិដែលត្រូវបានតុលាការកំពូលរំលាយ លោក កឹម សុខា និងកំពុងជាប់ក្ដីក្ដាំនៅតុលាការក្រោមបណ្ដឹងរបស់រដ្ឋាភិបាលលោកនាយករដ្ឋមន្រ្តី ហ៊ុន សែន ប្រកាសផ្ដាច់ចំណងសម្ព័ន្ធភាពជាមួយលោក សម រង្ស៊ី អតីតប្រធានគណបក្សសង្រ្គោះជាតិ ដែលទើបត្រូវបានតុលាការផ្តន្ទាទោសឱ្យជាប់ពន្ធនាគារ៨ឆ្នាំបន្ថែមទៀត។
សហស្ថាបនិកគណបក្សសង្រ្គោះជាតិដែលត្រូវបានតុលាការរំលាយ បានហៅភាពស្ងៀមស្ងាត់របស់លោក កឹម សុខា មិនចេញទៅបោះឆ្នោតដែលបម្រើឱ្យការបោះឆ្នោតជ្រើសរើសក្រុមប្រឹក្សាឃុំសង្កាត់ថ្មីៗនេះ ថាជាកំហុសមួយដ៏ធំ ដែលសម្រេចចិត្តមិនចេញតស៊ូផ្នែកនយោបាយក្នុងនាមជាអ្នកពុះពារជំរុញឱ្យមានប្រជាធិបតេយ្យ។
ភាពចម្រូងចម្រាសនៃវិធានការបិទខ្ទប់គណបក្សប្រឆាំងដែលមានសក្ដានុពលចេញពីឆាកនយោបាយ ស្របគ្នានឹងផែនការផ្ទេរអំណាច ត្រូវបានគេមើលឃើញថា ជាដើមហេតុចម្បងមួយយាយីដល់ដំណើរការប្រជាធិបតេយ្យនៅកម្ពុជា។
លោកនាយករដ្ឋមន្ត្រី ហ៊ុន សែន ថ្លែងថា លោក សម រង្ស៊ី បន្តបាត់បង់ឱកាសក្នុងការវិលត្រលប់ចូលមកក្នុងប្រទេសកម្ពុជាវិញ ដោយសារតែលោកមិនចេះគ្រប់គ្រងឱកាស។
សង្វៀនប្រកួតអំណាចនាប៉ុន្មានឆ្នាំចុងក្រោយនេះ ហាក់បានបន្សល់ទុកនូវប៉ូលនយោបាយពីរផ្ទុយពីគ្នា ជំរុញឱ្យអ្នកឃ្លាំមើលមានការព្រួយបារម្ភពីវិបត្តិសង្គម ដែលត្រូវស្វែងរកការពន្យល់ពីបុគ្គលឯករាជ្យសម្រាប់ជាមូលដ្ឋានពិចារណា ដើម្បីកុំឱ្យល្បែងនយោបាយនាសម័យទំនើបនេះឈានទៅបំបែកបំបាក់ជាតិដូចពីអតីតកាល។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
