ប្រទេសកាណាដា នៅថ្ងៃសុក្រនេះ បានដាក់ទណ្ឌកម្មថ្មីមួយចំនួនទៀតលើប្រទេសរុស្ស៊ី អ៊ីរ៉ង់ និងមីយ៉ាន់ម៉ា ដោយលើកឡើងពីការរំលោភសិទ្ធិមនុស្ស ដែលរដ្ឋាភិបាលប្រទេសទាំងនេះធ្វើឡើងនៅក្នុងប្រទេសរបស់ពួកគេ។
ប្រធានាធិបតីរុស្ស៊ី លោក វ្លាឌីមៀរ ពូទីន បានទទួលស្គាល់ថា កងទ័ពរបស់លោកអាចនឹងប្រយុទ្ធគ្នាក្នុងប្រទេសអ៊ុយក្រែនក្នុងរយៈពេលយូរទៅមុខទៀត ប៉ុន្តែសម្រាប់ពេលបច្ចុប្បន្ននេះ លោកមិនមានគម្រោងក្នុងការកេណ្ឌទ័ពបន្ថែមទៀតនោះទេ។
រដ្ឋមន្ត្រីការបរទេសសហរដ្ឋអាមេរិក លោក អេនតូនី ប្លីនខេន (Antony Blinken) បានឱ្យដឹងនៅថ្ងៃអង្គារម្សិលមិញថា អាមេរិកមិនបានលើកទឹកចិត្ត ឬជំរុញឱ្យកងទ័ពអ៊ុយក្រែនធ្វើការវាយប្រហារនៅខាងក្នុងទឹកដីប្រទេសរុស្ស៊ីឡើយ ប៉ុន្តែពួកគេនៅតែរក្សាជំហររបស់ខ្លួនក្នុងការធ្វើឱ្យប្រាកដថា អ៊ុយក្រែនមានឧបករណ៍ដែលពួកគេត្រូវការគ្រប់គ្រាន់ដើម្បីការពារខ្លួនពីការឈ្លានពាន។
សម្ពន្ធមិត្តអង្គការណាតូ (NATO) បានសន្យាផ្ដល់ជំនួយសព្វាវុធបន្ថែមទៀតសម្រាប់ទីក្រុងកៀវ (Kyiv) និងឧបករណ៍ដើម្បីជួយស្ដារថាមពល និងកម្ដៅឡើងវិញ ដែលត្រូវបានបំផ្លាញដោយការវាយប្រហាររបស់រុស្ស៊ី ខណៈប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី (Volodymyr Zelenskiy) បាននិយាយថា កងកម្លាំងរបស់ទីក្រុងម៉ូស្គូបាននិងកំពុងព្យាយាមរុលទៅមុខនៅក្នុងតំបន់ជាច្រើន។
ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី (Volodymyr Zelenskyy) បានក្រើនរម្លឹកប្រជាជនអ៊ុយក្រែនអំពីអាកាសធាតុចុះត្រជាក់ខ្លាំង និងមិនមានអគ្គិសនីប្រើប្រាស់នៅសប្ដាហ៍ខាងមុខនេះ ដោយថា រុស្ស៊ីអាចនឹងវាយប្រហារលើហេដ្ឋារចនាសម្ពន្ធបន្ថែមទៀត ហើយរុស្ស៊ីនឹងមិនបញ្ឈប់ការវាយប្រហាររបស់ខ្លួនឡើយ ទាល់តែអស់គ្រាប់មីស៊ីល។
វិមានក្រឹមឡាំង (Kremlin) នៅថ្ងៃព្រហស្បតិ៍ម្សិលមិញ បានលើកឡើងឱ្យដឹងថា ការវាយប្រហារតាមដែនអាកាសរបស់ខ្លួនលើហេដ្ឋារចនាសម្ពន្ធរបស់អ៊ុយក្រែន គឺមិនមែនសំដៅទៅលើជនស៊ីវិលនោះទេ ដោយបន្ថែមថា អ៊ុយក្រែនអាចបញ្ចប់ទុក្ខវេទនារបស់ប្រជាជនខ្លួនបាន តាមរយៈការបំពេញតាមការទាមទាររបស់រុស្ស៊ីក្នុងការដោះស្រាយជម្លោះ។
រដ្ឋមន្ត្រីការបរទេសសហរដ្ឋអាមេរិក លោក អេនតូនី ប្លីនខេន (Antony Blinken) បានឱ្យដឹងនៅថ្ងៃពុធម្សិលមិញថា អាមេរិកបានអនុម័តផ្តល់ជំនួយយោធាក្នុងទំហំទឹកប្រាក់ចំនួន៤០០លានដុល្លារបន្ថែមទៀតដល់អ៊ុយក្រែន ដែលក្នុងនោះរួមបញ្ចូលទាំងអាវុធ បរិក្ខារយោធា និងឧបករណ៍ការពារដែនអាកាស ជាដើម។
ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី នៅថ្ងៃពុធម្សិលមិញ បានអំពាវនាវទៅកាន់ក្រុមប្រឹក្សាសន្តិសុខអង្គការសហប្រជាជាតិ ឱ្យចាត់វិធានការដើម្បីបញ្ឈប់ការវាយប្រហារតាមដែនអាកាសរបស់រុស្ស៊ីលើហេដ្ឋារចនាសម្ពន្ធសំខាន់ៗ ដែលបានធ្វើឱ្យទីក្រុងនានារបស់អ៊ុយក្រែនគ្មានអគ្គិសនីប្រើប្រាស់។
លោកនាយករដ្ឋមន្រ្តី ហ៊ុន សែន ប្រកាសបញ្ជូនមន្ត្រីជំនាញបច្ចេកទេសស៊ីម៉ាក់ចំនួន៣នាក់ ដើម្បីជួយហ្វឹកហ្វឺនជំនាញសកម្មភាពដោះមីននៅប្រទេសអ៊ុយក្រែន ទោះបីជាសង្គ្រាមរវាងរុស្ស៊ី និងអ៊ុយក្រែន នៅមិនទាន់បញ្ចប់នៅឡើយ។
រដ្ឋមន្ត្រីការពារជាតិសាធារណរដ្ឋឆែក លោកស្រី ចេណា សឺណូចូវ៉ា (Jana Cernochova) បាននិយាយកាលពីថ្ងៃពុធម្សិលមិញថា រដ្ឋាភិបាលប្រទេសឆែក គ្រោងនឹងហ្វឹកហ្វឺនទាហានអ៊ុយក្រែនចំនួន៤ ០០០នាក់ នៅឆ្នាំក្រោយនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
