ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី នៅថ្ងៃចន្ទម្សិលមិញ បានស្នើដល់មេដឹកនាំនៃបណ្ដាប្រទេសលោកខាងលិច រួមទាំងនាយករដ្ឋមន្ត្រីអង់គ្លេស លោក រីឈី ស៊ូណាក់ ដែលជួបប្រជុំគ្នានៅប្រទេសឡាត់វី (Latvia) ឱ្យផ្គត់ផ្គង់នូវប្រព័ន្ធសព្វាវុធបន្ថែមទៀតដល់ខ្លួន ដើម្បីជួយឱ្យសង្គ្រាមឈ្លានពានដោយរុស្ស៊ីអាចបញ្ចប់ទៅក្នុងពេលឆាប់ៗខាងមុខ។
ក្រសួងការពារជាតិរុស្ស៊ី បានឱ្យដឹងនៅថ្ងៃចន្ទនេះថា រុស្ស៊ី និងចិន នឹងធ្វើសមយុទ្ធយោធាជើងទឹករួមគ្នានៅក្នុងសប្តាហ៍នេះ ដោយរាប់ចាប់ពីថ្ងៃទី២១ ដល់ថ្ងៃទី២៧ ខែធ្នូ។
ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី (Volodymyr Zelenskiy) បាននិយាយថា ការការពារព្រំដែនអ៊ុយក្រែន គឺជា «អាទិភាពជានិច្ច» ហើយប្រទេសរបស់លោកត្រៀមខ្លួនរួចជាស្រេចសម្រាប់អ្វីដែលនឹងអាចកើតមានជាមួយរុស្ស៊ី និងបេឡារុស ខណៈលោក ពូទីន នឹងទៅបំពេញទស្សនកិច្ចនៅប្រទេសបេឡារុស។
ក្នុងអំឡុងកិច្ចប្រជុំកំពូលចុងក្រោយនៅឆ្នាំ២០២២នេះ មេដឹកនាំសហភាពអឺរ៉ុប ព្រមព្រៀងគ្នាផ្ដល់ហិរញ្ញប្បទានចំនួន ១៨ពាន់លានអឺរ៉ូ ដល់អ៊ុយក្រែន នៅឆ្នាំក្រោយ និងដាក់ទណ្ឌកម្មបន្ថែមទៀតលើប្រទេសរុស្ស៊ី។
ប្រទេសរុស្ស៊ី បានច្រានចោល «បទឈប់បាញ់នៅថ្ងៃបុណ្យណូអែល» បន្ទាប់ពីសង្គ្រាមជិត១០ខែនៅអ៊ុយក្រែន ហើយបានច្រានចោលការអំពាវនាវរបស់ទីក្រុងកៀវ ដែលទាមទារឱ្យចាប់ផ្ដើមដកទ័ពនៅថ្ងៃបុណ្យណូអែល ដែលជាជំហានមួយដើម្បីបញ្ចប់ជម្លោះដ៏ធំបំផុតរបស់អឺរ៉ុប ចាប់តាំងពីសង្គ្រាមលោកលើកទីពីរ។
វិមានក្រឹមឡាំង បានលើកឡើងកាលពីថ្ងៃពុធថា ប្រព័ន្ធការពារមីស៊ីល Patriot របស់អាមេរិក នឹងក្លាយជាគោលដៅស្របច្បាប់សម្រាប់ការវាយប្រហាររបស់រុស្ស៊ីលើអ៊ុយក្រែន ប្រសិនបើអាមេរិកហ៊ានបញ្ជូនប្រព័ន្ធការពារមីស៊ីលប្រភេទនេះទៅកាន់ទីក្រុងកៀវ (Kyiv)។
យោងតាមការចេញផ្សាយរបស់ទីភ្នាក់ងារសារព័ត៌មាន Newsweek នៅថ្ងៃពុធនេះ បានឱ្យដឹងថា មេបញ្ជាការរុស្ស៊ីបានផ្តល់យោបល់ឱ្យប្រើប្រាស់អាវុធនុយក្លេអ៊ែរ ដែលជាមធ្យោបាយតែមួយគត់ដែលរុស្ស៊ីអាចយកឈ្នះសង្គ្រាមនៅអ៊ុយក្រែន។
សហរដ្ឋអាមេរិកបានចោទប្រកាន់ជនជាតិរុស្សី ចំនួន៥នាក់ និងជនជាតិអាមេរិក ២នាក់ ពីបទ សមគំនិតពាក់ព័ន្ធនឹងការផ្តល់ឱ្យរដ្ឋាភិបាលរុស្ស៊ីនូវបច្ចេកវិទ្យាការពារប្រទេស អាវុធដែលត្រូវបានហាមឃាត់ និងពាក់ព័ន្ធនឹងការលាងលុយកខ្វក់។
កាកបាទក្រហមសិង្ហបុរី (SRC) នៅថ្ងៃចន្ទនេះ បានប្រកាសថានឹងជួយសាងសង់ផ្ទះចំនួន១០ខ្នងដែលអាចការពារពីអាកាសធាតុត្រជាក់ ជួយដល់សហគមន៍ដែលកំពុងប្រឈមមុខនឹងអាកាសធាតុត្រជាក់ខ្លាំង នៅក្នុងប្រទេសអ៊ុយក្រែន។
ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី (Volodymyr Zelenskiy) បានជួបពិភាក្សាជាមួយប្រធានាធិបតីអាមេរិក លោក ចូ បៃដិន (Joe Biden) និងជាមួយមេដឹកនាំនៃប្រទេសតួកគី និងបារាំង កាលពីថ្ងៃអាទិត្យ ដែលជាការបង្កើនសកម្មភាពការទូត ដើម្បីដោះស្រាយបញ្ហាសង្គ្រាមដែលបានចាប់ផ្ដើមដោយប្រទេសរុស្ស៊ី និងអូសបន្លាយអស់រយៈពេល១០ខែ រហូតមកទល់ពេលនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
