សេចក្ដីជូនដំណឹងរបស់អគ្គិសនីកម្ពុជាចុះថ្ងៃទី២៧ ខែមីនា ឆ្នាំ២០១៩ បានឲ្យដឹងថា អគ្គិសនីកម្ពុជានឹងផ្អាកការផ្គត់ផ្គង់ក្នុងសង្កាត់និរោធ ខណ្ឌច្បាអំពៅ នាថ្ងៃទី២៩, សង្កាត់ផ្សាដើមថ្កូវ ខណ្ឌចំការមន ថ្ងៃទី៣០ និង សង្កាត់កាកាបទី១ ខណ្ឌពោធិសែនជ័យ នាថ្ងៃទី៣១ ខែមីនា។
យោងតាមលិខិត ចុះថ្ងៃទី១៨ ខែមីនា គឺអតីតសមាជិកគណកម្មាធិការនាយក និងជាអតីតតំណាងរាស្ដ្រមណ្ឌលស្វាយរៀងរបស់គណបក្សសង្គ្រោះជាតិ លោក រៀល ខេមរិន្ទ បានស្នើបង្កើតបក្សថ្មីដែលមានឈ្មោះថា«គណបក្សចក្រភពខ្មែរ» ដើម្បីចូលរួមការប្រកួតប្រជែងសម្រាប់អាណត្តិក្រោយ។
ក្រសួងអប់រំ យុវជន និងកីឡាកាលពីម្សិលមិញ បានបង្ហោះលើទំព័រហ្វេសប៊ុករបស់ខ្លួនថា រដ្ឋមន្រ្តីក្រសួងនេះ គឺ លោក ហង់ ជួន ណារ៉ុន បានលើកឡើងថា សិស្សពិការភាពដែលប្រឡងជាប់មធ្យមសិក្សាទុតិយភូមិ នឹងទទួលអាហារូបករណ៍ដោយស្វ័យប្រវត្តិនៅគ្រឹះស្ថានឧត្ដមសិក្សា។
មន្ត្រីទទួលបន្ទុកខាងគ្រោះមហន្តរាយរបស់កម្ពុជា បានឲ្យដឹងថា យ៉ាងហោចណាស់មនុស្ស ៣នាក់បានស្លាប់បណ្ដាលមកពីគ្រោះមហន្តរាយធម្មជាតិទូទាំងប្រទេសនាដើមឆ្នាំ២០១៩ ដោយគិតចាប់ពីខែមករា រហូតដល់ខែមីនា។
ក្រសួងទេសចរណ៍បានចេញសារាចរណែនាំដល់ម្ចាស់អាជីវកម្មឲ្យពង្រឹងគុណភាពផលិតផល និងរក្សាតម្លៃផលិតផល សេវាកម្មឲ្យបានសមរម្យក្នុងពេលបុណ្យចូលឆ្នាំ។
អគ្គស្នងការនគរបាលជំរុញឲ្យមន្ត្រីក្រោមបង្គាប់រឹតបន្តឹងការអនុវត្តចរាចរណ៍ផ្លូវគោក ដើម្បីបញ្ចៀសការកកស្ទះ និងគ្រោះថ្នាក់ក្នុងអំឡុងពេលបុណ្យចូលឆ្នាំថ្មីនាពេលខាងមុខ។
និយ័តករ ស្នើក្រុមហ៊ុនផ្ដល់សេវាទូរគមនាគមន៍ បង្កើនសមត្ថភាពប្រព័ន្ធផ្ទុកភ្លើង និងដំឡើងម៉ាស៊ីនភ្លើង ដោយសារតែផ្គត់ផ្គង់ថាមពលអគ្គិសនីមានភាពខ្វះខាតនារដូវប្រាំងនេះ។
រដ្ឋបាលខេត្តកោះកុងឲ្យម្ចាស់អាជីវកម្មត្រៀមម៉ាស៊ីនភ្លើងសម្រាប់ប្រើប្រាស់ផ្ទាល់ខ្លួន ព្រោះអាកាសធាតុមានភាពរ៉ាំងស្ងួតធ្វើឲ្យស្ថានីយវារីអគ្គិសនីស្ទឹងតាតៃ និងវារីអគ្គិសនីឫស្សីជ្រុំមានកម្ពស់ទឹកទាបមិនអាចទាញយកថាមពលគ្រប់គ្រាន់។
កូរ៉េខាងត្បូងតាមទីភ្នាក់ងារសហប្រតិបត្តិការអន្តរជាតិកូរ៉េ (KOICA) បានផ្ដល់ជំនួយប្រមាណ៧លានដុល្លារ សម្រាប់កសាងមជ្ឈមណ្ឌលបណ្ដុះធុរកិច្ចថ្មីក្នុងប្រទេសកម្ពុជា។
សមត្ថកិច្ចកម្ពុជា បានរឹបអូសគ្រឿងសមុទ្រជាង ៧តោន ដែលត្រូវបាននាំចូលពីប្រទេសវៀតណាម ក្រោយពីបានត្រួតពិនិត្យ និងរកឃើញថា គ្រឿងសមុទ្រទាំងនោះខូចគុណភាពកាលពីថ្ងៃម្សិលមិញនេះ។ នេះបើតាមការចុះផ្សាយរបស់នគរបាលជាតិ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
