មន្ត្រីជាន់ខ្ពស់ក្រសួងការពារជាតិកម្ពុជា អះអាថា សមយុទ្ធនាគមាសរួមគ្នារវាងកងយោធពលខេមរភូមិន្ទ និងកងទ័ពរំដោះប្រជាជនចិនចាប់ផ្តើមថ្ងៃនេះ មិនមានការគំរាមគំហែងដល់អ្នកណានោះទេ ប៉ុន្តែ ដើម្បីពង្រឹងទំនាក់ទំនងកងទ័ពប្រទេសទាំងពីរឲ្យកាន់តែរឹងមាំ។
យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយមចុះកាលពីម្សិលមិញបានឲ្យដឹងថា រដូវប្រាំងឆ្នាំនេះនឹងអូសបន្លាយដល់ពាក់កណ្ដាលខែឧសភា។ សីតុណ្ហភាពជាមធ្យមទូទាំងប្រទេសគឺចន្លោះ ៣៦ ទៅ៣៨អង្សា ប៉ុន្តែ ខែមេសា និងឧសភា នឹងឡើងដល់៤០ ទៅ៤២អង្សានៅតំបន់ទំនាបកណ្ដាលពាយព្យ និងខ្ពង់រាបភាគខាងជើង ហើយបាតុភូតរន្ទះ និងខ្យល់កន្ត្រាក់អាចកើតមានច្រើនជាងបណ្ដាឆ្នាំកន្លងទៅ។
ស្ថាបនិកនៃអង្គការមូលនិធិកុមារកម្ពុជា លោក Scott Neeson បានឲ្យដឹងថា កុមារីម្នាក់ត្រូវបានរំលោភផ្លូវភេទ ក្រោយពីត្រូវបានល្បួង និងដាក់ថ្នាំសណ្ដំ កាលពីថ្ងៃអង្គារកន្លងមកនេះ។
ទីភ្នាក់ងារអភិវឌ្ឍន៍បារាំង AFD ផ្ដល់ជំនួយ១១.៥លានអឺរ៉ូ ឬប្រហែល១២លានដុល្លារ ដល់កម្ពុជាសុំម្រាប់ស្ដារឡើងវិញនូវប្រព័ន្ធធារាសាស្ត្រនៅតាមតំបន់ជនបទ។ នេះបើតាមក្រសួងធនធានទឹក និងឧតុនិយម។
អធិការស្រុកព្រះស្ដេច លោក ជ័យ សេងហ៊ាង បានប្រាប់ វីអូឌី ថា កាលពីម្សិលមិញ មានមនុស្ស៧២នាក់សង្ស័យពុលអាហារ នៅភូមិថ្កោល ឃុំបឹងដោល ស្រុកព្រះស្ដេច ខេត្តព្រៃវែង។ លោកបន្ថែមថា ក្នុងករណីនេះមិនទាន់ដឹងមូលហេតុពិតប្រាកដនៅឡើយ ដោយថា សំណាកដែលក្រសួងសុខាភិបាលយកទៅពិនិត្យមិនទាន់ទទួលបានលទ្ធផល។
អាជ្ញាធរខេត្តកណ្ដាល បានរកឃើញគ្រាប់មិនទាន់ផ្ទុះដែលបន្សល់ទុកពីសម័យសង្រ្គាម ម៉ាក MK82 ជាង២០០គីឡូ នៅស្រុកកណ្ដាលស្ទឹង ។
ប្រធានាធិបតីកូរ៉េខាងត្បូង នឹងមកបំពេញទស្សនកិច្ចផ្លូវរដ្ឋរយៈពេល៣ថ្ងៃនៅកម្ពុជា ដើម្បីពង្រឹងមិត្តភាព និងបង្កើនកិច្ចសហប្រតិបត្តិការរវាងប្រទេសទាំងពីរ នាសប្តាហ៍ក្រោយនេះ។
លោក ហ៊ុន សែន បានអះអាងជាសាធារណៈនៅថ្ងៃនេះថា ពលរដ្ឋម្នាក់ដែលបានប្រើអំពើហិង្សាទៅលើមន្ត្រីជំរឿននៅខេត្តតាកែវ កាលពីថ្ងៃម្សិលមិញនេះ គឺជាអតីតសកម្មជនបក្សប្រឆាំង ប៉ុន្តែ មន្ត្រីនគរបាលមូលដ្ឋាន បានអះអាងថាផ្ទុយទៅវិញ។
ពលរដ្ឋខ្មែរជិត ៣០នាក់ ក្នុងនោះភាគច្រើនជាកុមារ ត្រូវបានអាជ្ញាធរវៀតណាមចាប់បញ្ជូនមកប្រទេសកំណើតវិញកាលពីថ្ងៃម្សិលមិញនេះ ក្រោយឆ្លងដែនខុសច្បាប់ចូលទៅវៀតណាម។ នេះបើតាមអគ្គនាយកដ្ឋានអន្តោប្រវេសន៍កម្ពុជា។
នាវាកងកម្លាំងស្វ័យការពារជប៉ុន២គ្រឿងចូលចតនៅកំពង់ផែខេត្តព្រះសីហនុរយៈពេល៤ថ្ងៃ ចាប់ពីថ្ងៃទី២៥ ខែកុម្ភៈ ដល់ថ្ងៃទី២៨ ខែកុម្ភៈ ឆ្នាំ២០១៩។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
