អាជ្ញាធររាជធានីភ្នំពេញ នៅថ្ងៃព្រហស្បតិ៍នេះ បាននិងកំពុងស្វែងរកជនជាតិចិន២នាក់ដែលបានរត់គេចចេញពីការធ្វើចត្តាឡីស័ក នៅសណ្ឋាគារមួយក្នុងរាជធានីភ្នំពេញ ខណៈមានតម្រុយខ្លះៗពីករណីនេះ។
មន្ត្រីជាន់ខ្ពស់ក្រសួងមហាផ្ទៃ បានបញ្ជាក់ថា ក្រសួងបានសម្រេចដកតំណែងលោក អ៊ុក កុសល ពីស្នងការនគរបាលខេត្តកំពង់ធំ ក្រោយពីបានរកឃើញថា ស្នងការរូបនេះពិតជាបានប្រព្រឹត្តអំពើបៀតបៀនកេរ្តិ៍ខ្មាសទៅលើមន្ត្រីនគរបាលជាស្ត្រី។
កាំងហ្គេកអ៊ាវហៅឌុចបានទទួលមរណភាពបន្ទាប់ពីលោកបានប្រយុទ្ធជាមួយជំងឺផ្លូវដង្ហើមអស់ជាច្រើនឆ្នាំមកហើយ។ បើយោងតាមមន្ត្រីពន្ធនាគារ អតីតប្រធានមន្ទីរស -២១ រូបនេះ បានបោះបង់ចោលនូវជំនឿលើសាសនាគ្រឹស្តរួចទៅហើយមុនលោកទទួលអនិច្ចកម្ម។
ខ្លឹមសារគោល៖ នារដូវវស្សាមានទឹកឡើងក្នុងស្រែនៅទូទាំងស្រុកកោះអណ្តែត ខេត្តតាកែវ ជាហេតុនាំឱ្យសម្បូរពួកសត្វកកេរ។ ដោយសារតែសេដ្ឋកិច្ចសកលលោកកំពុងធ្លាក់ចុះ ហើយបណ្តាលឱ្យមនុស្សជាច្រើនបាត់បង់ការងារធ្វើ អ្នកខ្លះក៏កំពុងតែប្តូរមុខរបរទៅចាប់កណ្តុរហើយនាំចេញ ដើម្បីសម្រាលបន្ទុកចំណាយក្នុងជីវភាព។
នៅឯភូមិគីឡូម៉ែត្រលេខ៤ ស្ថិតក្នុងក្រុងប៉ោយប៉ែតជាប់ព្រំដែនកម្ពុជា-ថៃ កាលពីថ្ងៃម្សិលមិញនេះ ឧបករណ៍បំពងសំឡេងបានបន្លឺភ្លេងបុណ្យសពដែលអាចឱ្យគេស្ដាប់ឮពីចម្ងាយ។ នោះគឺជាពិធីបុណ្យសពដែលគ្រួសារជនរងគ្រោះ កំពុងរៀបចំសម្រាប់ជនរងគ្រោះ៣នាក់ ខណៈសពជនរងគ្រោះ២នាក់ទៀត ត្រូវបាននាំយកទៅរៀបចំធ្វើបុណ្យតាមប្រពៃណីនៅឯភូមិកំណើតរបស់ពួកគេស្ថិតនៅក្នុងសង្កាត់និម្មិតក្បែរនោះ និងនៅឯខេត្តកំពង់ចាម។
ក្រុមសកម្មជនសិទ្ធិមនុស្ស បាននិយាយថា ការវាយប្រហារការបញ្ចេញមតិដោយសេរីនិងភាពរង្គោះរង្គើនៃប្រព័ន្ធផ្សព្វផ្សាយនៅក្នុងប្រទេសកម្ពុជា បានបង្កើតបរិយាកាសនៃការភ័យខ្លាចដោយប្រជាជនកម្ពុជាជាច្រើនបានជ្រើសរើសការមិនបង្ហាញទស្សនៈរបស់ពួកគេ។
កាលពីថ្ងៃសៅរ៍នៅម៉ោងប្រហែល៤និង៣០នាទីរសៀល កូនស្រីអាយុ៨ឆ្នាំរបស់លោក ប្រាក់ ឡាំហុង បានដាស់លោកពីដំណេកថ្ងៃ ខណៈសំឡេងផ្ទុះធ្វើឱ្យកក្រើកជាន់ខាងក្រោមនៃហាងបញ្ចូលហ្គាសរបស់ក្រុមគ្រួសារលោកនៅក្នុងខណ្ឌដូនពេញ។
អំឡុងពេលបុណ្យចូលឆ្នាំ ពីថ្ងៃទី១៣ ដល់១៦ ខែមេសា វិធានការដាក់កំហិតលើការធ្វើដំណើរឆ្លងកាត់ពីខេត្តមួយទៅខេត្តមួយទៀត ក្នុងគោលដៅបង្ការ និងទប់ស្កាត់ការរាតត្បាតនៃជំងឺកូវីដ-១៩។ នៅពេលដែលពួកគេត្រឡប់មករាជធានីភ្នំពេញវិញ កម្មករ-កម្មការិនីដែលមិនបានទៅធ្វើការអំឡុងពេលបុណ្យនោះ ត្រូវបានដាក់ឱ្យធ្វើចត្តាឡីស័កនៅផ្ទះរយៈពេល ១៤ថ្ងៃ ចាប់ពីថ្ងៃទី២០ ខែមេសា។
សម្រាប់កម្មកររោងចក្រកាត់ដេរដែលជាប់បំណុល ហើយត្រូវបានព្យួរការងារដោយសារបញ្ហាវីរុសកូរ៉ូណា ការជំពាក់ប្រាក់គ្រឹះស្ថានមីក្រូហិរញ្ញវត្ថុ គឺជាការគំរាមកំហែងធំជាងកូវីដ១៩ ទៅទៀត ទើបពួកគាត់មួយចំនួន ពិចារណាចង់លក់ទ្រព្យរបស់ខ្លួនមុននឹងត្រូវគេរឹបអូស។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
